ජන්ම පත්‍රයේ නවාංශකයෙන් කියැවෙන ඔබේ ගතිගුණ

පෙර අත්බැව්හිදී කරන ලද කුසලාකුසල කර්මයන්ගේ විපාකය හෝරා ශාස්ත්‍රයෙන් ප්‍රකාශ වෙයි. යමකු පිළිසිඳුණු මොහොතෙහිදී ග්‍රහලෝකයෙහි සිතියම පැහැදිලි නිවැරැදි ජන්ම පත්‍රය නම් එය ජීවන ගෘහයෙහි මිණිපහන වෙයි. ජීවිතය පිළිබඳව සියලුම තොරතුරු පෙරාතුවම පෙන්වන පුදුම සහගත කැඩපත පැහැදිලි ජන්ම පත්‍රයයි. ලග්නය හැරුණු විට වැදගත් වනුයේ නවාංශකයයි. නවාංශකයට අනුව තොරතුරු ඔබටම මෙසේ බලාගත හැකිය.

නිර්භීත, එඩිතර, කාර්යශීලී වූ අයෙකි. හදිසි ඉක්මන් තීරණ ගනු ලබන්නා වූද ඒ අනුව ක්‍රියාත්මක වෙන්නා වූද අයෙකි. ආරම්භ කටයුතු අවසානය දක්වාම කරනු ලබයි. ලෞකික දිවියෙහි උපරිම ආස්වාදනීය බව අගය කරමින් ඒ අනුවම ජීවන රාමුව සකස්කර ගනු ලබන්නෙකි. මොවුනගේ සතුරන්ද බොහෝ සැඩ පරුෂ උදවියයි. උෂ්ණාධික රෝගාබාධ නිතර යෙදෙයි. චර්ම රෝග විශේෂ වෙයි. අතපත ගාන ගැඩවිලි ගමනට, ඉබි ගමනට රුචි නොකරනු ඇත. උපන් වයස අවුරුදු 12 - 13 - 25 - 65 වර්ෂයන්හි ශාරීරික අංග විකල ආබාධ හටගැනීමට හේතු කාරකයි. මෙකී වයස් සීමාවන්හිදී මේෂ ජන්මීන්ට හදිසි මාරාන්තික මාරක පමුණුවන බැවින් බුද්ධිමත්ව දූරදර්ශීව ක්‍රියා කළ යුතු වෙයි.

තිරසාර හැඟීම් ඇති කාරුණික පරිත්‍යාගශීලී වූ මොවුන් ආගම ධර්මයට ළැදි කලාත්මක අංශයට බර වූ පිරිස්ය. එසේම වෘෂභ නවාංශක හිමි උදවියට තාපස ලීලා ඇත්තෝ එදිරිවාදී වූ පිරිස්ය. ආකර්ෂණීය මොවුන්ගේ උදරය, මුඛය බලගතුයි. කැපුම්, කෙටුම්, බිඳුම්, සීරුම් වෙඩි වැදීම් වැනි ආපදාවලට මුහුණදීමටද සිදුවනු පෙනෙයි. අනඟ ගති ඇති වුවත් වයස අවුරුදු 10 - 13 - 32 - 73 යන වර්ෂයන්හි මාරාන්තික මාරක අපල බලපා ජීවිත හානි නොවුණහොත් වර්ෂ 91 දක්වා පරමායුෂ වින්දනයට භාග්‍යය යෙදෙයි. සොර සතුරු බලවේග ඇතොත් මෙකී වයස් සීමාවන්හි ගතකරන පිරිස් ඉතාම පරිස්සම් වියයුතුව ඇත.

දැකුම්කලු විනෝදයට විහිළු තහළුවට බර අබිරහස්‍ය ක්‍රියාදාමයන්හිදී වනිතාවන්ගෙන් කාලය, ශ්‍රමය, ධනය විනාශ කරගනු ලබන උදවිය සේ පෙනෙයි. ආගම, ධර්මයට මෙන්ම සමාජ සේවයට රුචි කරයි. දරුණු සොර සතුරු බලවේගයි. උපන් වයස අවුරුදු 12, 16, 27, 36, 63 යන වර්ෂයන්හිදී මාරාන්තික මාරක අපල බලපානු බැවින් සොයා බලා බුද්ධිමත්ව මෙම වයස් සීමාවන්හිදී පරිස්සම් විය යුතුව ඇත. සතුරු බලවේගයන්හි උපක්‍රමශීලී බව අතිශයින්ම බිහිසුණු වෙයි. ගුණාත්මක පැතිකඩ ඔස්සේ හෝ යම් යම් බලාපොරොත්තු නොමැති සතුරු උපද්‍රව බලපෑ හැකියි.

හදිසි තීරණ, ඉක්මන් කෝපය, කලබලකාරී වූ නොසන්සුන් බව මූලික වූ චිත්ත - චෛතසික ස්වභාවයක් ඇති බැව් පෙනෙයි. දෙස් විදෙස් ඇවිදිලි සහගත බොහෝ දුරට අලාභහානි අවාසි අසතුටුදායක ස්වභාවයක් ක්‍රියාකාරකම්හි නිතර යෙදෙනු පෙනී යන්නේය. ඥාති හිතෛෂීන්ට කෙතරම් ළැදි වුවද ඔවුන්ගෙන් එතරම් යහපතක් නම් නොවෙයි. උදරාබාධක ඇතුළු විවිධ රෝගාබාධ වරින්වර ගෙනදෙනු ලබයි. ඔබගේ උපන් වයස අවුරුදු 8, 18, 23, 27, 72 යන කාලසීමාවන් මාරාන්තික අපල ගෙනදෙනු ඇත. මෙකී වයස් සීමාවන්හිදී බේරුණොත් වර්ෂ 83ක කාලසීමාවක් ජීවත්වීමේ පරමායුෂ ඇතිකරන්නේය.

ආත්මාර්ථකාමී සදාකල්හිම පිහිටි සාඩම්බර වූ හැඟීම් ඇති සැකෙන් බියෙන් සියලු ක්‍රියාකාරකම්හි ක්‍රියා කරන්නෙකි. ගුණ යහපත් උදවියට විරුද්ධවාදීන් වන අතර ස්ථීරසාර හැඟීම්වලින්ද අනූන වෙයි. ශෝකානුකූල පසුබිමක් ඇති මුඛයෙහි ආබාධ ඇති හුදකලා ජීවිතයකට නැඹුරු වූවෙකි. උපන් වයස අවුරුදු 9 - 18 - 30 - 63 යන වර්ෂයන්හි මාරාන්තික මාරක අපල බොහෝ දුරට බලපා හැකිය. අසූ වසරකදී ආයු ශ්‍රී වින්දනයට භාග්‍යය වාසනාව ඇත. ඔබගේ බාධක වයස්හිදි පිළිගැනීම් කෙසේ වුවද අතිප්‍රබල පූජා, සෙත් ශාන්ති කිරීම ඉතා යහපත් වෙයි.

බුද්ධිමත් වූද කාලානුරූපව සහ අවස්ථානුරූපව ක්‍රියාකාරකම්හි යෙදෙන සානුකම්පිත පරිත්‍යාගශීලී වූ අයෙකි. යාන වාහන, දේපොළ, වස්තු ගොඩමඩ ඉඩකඩම් දැසි දැස්සන් ලබා කාර්මික හා කෘෂිකාර්මික ජන ජීවිතයකට බරවූ භාග්‍යවත් කෙනෙකි. දෙස් විදෙස් රැකියා ලාභයනට භාග්‍යය වාසනාව ඇත. සොර සතුරු බලවේග සොයා බලා නිසි කටයුතු කළ යුතුව ඇත. අප්‍රමාදව ඔබගේ මාරාන්තික මාරක කාලසීමාවන් ජන්ම පත්‍රයට අනුව සොයා බැලීම අතිශයින්ම යහපත් වෙයි. 14 - 20 - 50 - 60 යන ඔබගේ උපන් අවුරුදුවලදී ජීවිත හානි බලපෑම් නොවුණහොත් වර්ෂ 100ක් ආයුෂ ලැබීමෙහි පරම භාග්‍යය ඇත.

සිතේ නිතර චංචල අස්ථීර ස්වභාවය ගෙන දෙනසුලු කලාකාමී විනෝදයට බර අයෙකි. ඥාති හිතෛෂීන් නිතර එදිරිවාදිකම් කරයි. සුඛෝපභෝගී සෞභාග්‍යවත් ජීවිතයට නිතර බාධක ගෙනදෙනු ලබයි. සොර සතුරු බලවේගයි. හිසෙහි රෝග ඇති කරයි. ඉනා, අංගම්, පිල්ලි - වින දෝෂ බලපෑ හැකිය. නියුමෝනියා, වලිප්පුව වැනි රෝගාබාධක සිඟිති වියෙහිදී බලපා හැකිය. 21 - 23 - 49 - 34 - 76 යන වර්ෂවලදී පැමිණෙන මාරක වැළකී ගියහොත් වසර 80 දක්වා ජීවත් විය හැකිය.

නේත්‍ර රෝග ඇති කලබලකාරී නොසන්සුන් මානසිකත්වයක්ද ඇත්තෙකි. වෛරය කේ‍රා්ධය නිතර සිතෙහි පහළ කෙරෙයි. ආරම්භක කටයුතු කෙසේ හෝ කරගෙන යනු ලබයි. වයස අවුරුදු 13 - 18 - 26 - 53 - 70 කාල පරිච්ඡේද මාරක අපල ගෙනදෙනු ලබයි.

අතිශයෙන්ම නීතිගරුක, විනයගරුක සැලැසුම්සහගත ජීවන මඟකට පිවිසෙන බහුතරයක මූලික ලක්‍ෂණයයි. පාලනමය කාර්යයන්හිදී සහජ කුසලතා ඇත. සංවිධානයන්හි ප්‍රමුඛත්වය දරයි. විවිධ පැතිකඩ ඔස්සේ දක්‍ෂතා දක්වයි. ජලාශ්‍රිත වූ කරුණු කාරණාවන්හිදීද වනිතා පක්‍ෂය හා බැඳි සියලු කාර්යයන්හිදීද ගැටෙනසුලු වෙයි. කතාබහට දක්ෂ වෙයි. උපන් වයස අවුරුදු 4 - 9 - 16 - 39 - 43 - 72 මාරක බල පෙන්වන අපල ගෙනදෙනු ලබයි. මෙකී වයස් සීමා ඉක්මවුවහොත් දීර්ඝායුෂ සම්පත් ලබනසුලු වෙයි.

බොහෝ කරුණු කාරණා පිළිබඳ දන්නා බාහිර පිරිස් නොකරන නොසිතන ගමන් මඟක් ඇති නිතරම යටපත්කර ගනු ලැබූ හැඟීම්වලින් අනූන වූ අයෙකි. සහකාරිය සහකාරයා පිළිබඳ සැක සාංකා පහළ කරගත් අයකු වෙයි. කලාකාමී හැඟීම් ඇති සංගීතයට ප්‍රියමනාප වූ කෙනකු වෙයි. කාමාධික ස්වරූප ස්වභාවයයි. උපන් වයස අවුරුදු 19 - 27 - 36 - 49 - 68 යන වර්ෂයන්හි නියත මාරාන්තික මාරක අබිබවා ජීවත් වූවොත් දීර්ඝායුෂ සම්පත් වින්දනය කරනු ලබයි.

නිතරම හිස උදුම්මාගත් ස්වභාවය දනවන දන්නා දේට වඩා දැනුම් සම්භාරයක් ප්‍රදර්ශනය කෙරෙන, කේලමට ලොකුකමකට රැවටිලි ප්‍රයෝග කෙරෙහි දක්‍ෂ, සූර, රැවටිලි ඉච්ඡා බස්වලට හසුවන ආකාර බහුතරයකට කුම්භ නවාංශකය / හිමිවන බවක් ජේ‍යාතිෂයෙන් හෙළිදරව් කෙරෙයි. නීතිමය ප්‍රශ්නවලට මුහුණදීමට සිදුවන නිතරම දුක, ශෝකය, බිය තැති ගැනුමෙන් කාලය ගෙවන ජීවිතයේ කෙබඳු අවස්ථාවක ලාභ මුදු, දුක් ගැහැට උරුම වන්නෙකි. වයස 1 - 14 - 20 - 33 - 63 වර්ෂයන්හි යෙදෙන මාරකවලින් බේරුණහොත් දීර්ඝායුෂ සම්පත් ලබනු පෙනෙයි.

අන්‍ය ස්ත්‍රීන්ට පුරුෂයන්ට හරිම සතුටු ළෙන්ගතු අයකු වෙයි. සමලිංගිකමය තෘප්තිය අගයන කාමාධික බවක්ද රැඳී ඇත. ධනය පිළිබඳ ලෝභ සහගත සිත නිතර දෙගඩියාවෙන්ම අනූන වූ බවක් යෙදෙයි. වයස අවුරුදු 10 - 13 - 21 - 26 - 61 යන වර්ෂයන්හිදී මාරක අපල ගෙනදෙනු ඇත. මෙම සියලු නවාංශකයන්හි නිසිප්‍රකාර අපල මර්දනය වීම පිණිස අප්‍රමාදව එකී වර්ෂ ලැබීමත්, ලැබීමට දින මාස ගණනාවකටත් පෙරාතුව ප්‍රබල සෙත් ශාන්ති කර ගැනීම යහපත් වෙයි. මාරක වර්ෂ පැන්නූ විට දිගුකාලීනව ජීවත්වීමේ භාග්‍ය උදාවනු පෙනෙයි.

කලිකාල ජේ‍යාතිර් විද්‍යා පණ්ඩිත - ජනාධිපති සම්මානලාභී කොත්මලේ විජිත ඩී. ලියනආරච්චි 

උපුටා ගැනීම මව්බිම පුවත්පත