ආදරණීයන් වෙනුවෙන් ජීවිතයම කැප කරන අංක 8 හිමියෝ
ඔබේ උපන් දිනය ඇසුරු කර ගනිමින් "මහා සාධක අංකය" හෙවත් "බලගතු අංකය" (STRONG NUMBER) පහත සඳහන් "පයිතගරස් වගුව" ඇසුරෙන් සොයාගන්න. ඒ සඳහා සෑම සතියකම අප විසින් ඉදිරිපත්කරනු ලබන ලොව අමරණීය නායකයන්ගේ චරිතාපදාන උදාහරණ ලෙස යොදාගනිමින්, ඒ අනුව ඔබේ බලගතු අංකය ද සොයාගන්න. පයිතගරස් වගුව
පෞද්ගලික නාම අංකය ( INDIVIDUALITY NAMENUMBER) සොයා ගන්නා ආකාරය (ඔබේ නමට ඇති අක්ෂරයන් හී අගය ගණනය කිරීමෙන් ලැඛෙන තනි අගය)
අප මෙම සතියේ උදාහරණය ලෙස යොදාගනුයේ "නට්සිවාදය" තුළින් ලොව භීතියට පත් කළ ඇඩොල්ප් හිට්ලර් ( ADOLF HITLER) ගේ ජීවන චරිතයයි. ලොව පහළවූ ශ්‍රේෂ්ඨතම පුද්ගලයන් අතර ඇඩොල්ප් හිට්ලර් තරම් ලෝක ඉතිහාසයටත්, ලෝක ජනතාවටත් ප්‍රචණ්ඩත්වයේ රුදුරු බලපෑම් එල්ලකරන ලද වෙනත් පුද්ගලයකු නොසිටින්නට ඇතැයි සිතිය හැක.
ඇඩොල්ප් හිට්ලර්ගේ පෞද්ගලික නාම අක්ෂරයන් හී එකතුව වූයේ සඳුට හෙවත් චන්ද්‍රයාට අයත් අංක 02 ය. අංක විද්‍යාවේ දී අංක 02 හඳුන්වනුයේ ප්‍රධාන ස්ත්‍රී අංකය ලෙසිනි. මෙම අංකයෙන් උපත ලද පුද්ගලයන් ඉතාමත්ම ඉක්මනින් වැරදි කිරීමට පෙළඹෙන අතර එයින් තම නමටද කැළැල් ඇතිකර ගනී. එමෙන් ම අභියෝග ජයගැනීමට වඩාත් ප්‍රිය කරනු ලබන මොවුන්ගේ සිත පහසුවෙන් නැමෙන්නේ නැත. ගත් තීරණය තුළම නොසැලී හිඳිනා මොවුන්, සැම විටෙකම තම අරමුණ කරා ගමන් කරමින් එය සාක්ෂාත් කර ගැනීමට ඕනෑම දරුණු ක්‍රියා මාර්ගයක් වුවද ගන්නා හිතුවක්කාර පුද්ගලයන් ය.
පෞද්ගලික නාම අක්ෂර 02 ක් උපත ලද හිට්ලර් හට නිසි අධ්‍යාපනයක් ලබා ගැනීමේ වාසනාව කුඩා කලදීම අහිමි විය. පළමුවැනි ලෝක යුද්ධයේ දී සාමාන්‍ය සොල්දාදුවකු ලෙස සේවය කළ හිට්ලර් ට කිසිදු කෝප්‍රල්වරයකුගේ තත්ත්වයට වඩා ඉහළ තත්ත්වයක් ලබා ගැනීමට නොහැකි වූ අතර ඔහු කිසිම දෙයක් ඉගෙන ගැනීමටද උනන්දුවක් නොදැක්වීය. කිසිම දිනෙක කිසිවක් ඉගෙන නොගත් හිට්ලර් තුළ බැලූ බැල්මට පෙනෙන්නට තරම් කිසිදු විශිෂ්ටත්වයක් හෝ බුද්ධිමය දක්ෂතාවක් දක්නට නොතිබිණි. එහෙත් පෞද්ගලික නාම අංක දෙකේ බලය හේතුවෙන් අන් සියල්ල අභිබවා බලය ලබා ගන්නා ආකාරය පිළිබඳව ඔහු හොඳින් දැන සිටි බව නම් පසුකාලීන සිදුවූ සිදුවීම්වලින් පැහැදිලි විය. අංක 02 සැම විටෙකම අංක 01 ට යටත් ය. අංක 01 හිරුට අයත් අංකය බැවින් සියලුම අංකයන් ඊට යටත් වීම ස්වභාවිකය. සියලුම අංක නිර්මාණය වීමේ දී මූලිකත්වය ගෙන කටයුතු කරනුයේ අංක 01 ය. එම නිසාම අංක 01 ට ලප්‍රධාන සම්පාදක අංකයල කියාද ව්‍යවහාර කරති. මන්ද අංක 01 කිසිම අංකයකින් ඛෙදිය නොහැකි, අංකයන්හි රජු වන අතර පළමු ඔත්තේ සංඛ්‍යාව ද වේ. මෙය අයත් වන්නේ ග්‍රහ ලොව රජු හෙවත් රවි ග්‍රහයාටය.
පයිතගරස් තුමාගේ මතයට අනුව පළමුවන ස්ත්‍රී ලිංගික අංකය වන්නේ අංක 02 ය. පසුකාලීනව ලොව බිහි වූ අංක විද්‍යාඥයන් ද පයිතගරස් තුමාගේ එම නිගමනය හා එකග වී එම මතය පිළිගනු ලැබීය. අංක 02 සැමවිටෙකම ලබා දෙනුයේ පළමු ප්‍රතිඵලය නොව දෙවැනි ප්‍රතිඵලය වීම ඊට හේතුව විය. පැරැණි ටැරොට්වරුන් මෙම මුල්ම ස්ත්‍රී ලිංගික අංක 02 සංකේතවත් කරනු ලැබුවේ "කාන්තා පාප් වහන්සේ" යනුවෙනි.
ඇඩොල්ප් හිට්ලර් තුළද අංක 02 න් සංකේතවත් කරනු ලබන ස්ත්‍රී ගති ලක්ෂණයන්ටත් වඩා දුර්වල ගති පිහිටා තිබූ බව ඔහුගේ ජීවන චරිතය පිළිබඳ විශ්ලේෂණය කිරීමේදී හෙළිදරව් වේ. කාන්තාවක් තවත් කාන්තාවකට අකමැති සේ හිට්ලර් තුළද කාන්තාවන් කෙරෙහි ප්‍රියත්වයක් නොතිබුණ බව කියෑවේ. ලක්ෂ ගණන් කාන්තාවන් හා කුඩා දරුවන් මැරීමට ඔහුගේ දුෂ්ඨ සිත පෙලඹුණේ එනිසාම විය හැකියෑයි අංක විද්‍යාඥයන් ප්‍රකාශ කරන ලදී.
දෛව අංකය ( FATE NUMBER) හෙවත් කර්ම අංකය සොයන ආකාරය ඇඩොල්ප් හිට්ලර් උපත ලබා ඇත්තේ 1889-04-20 වැනි දිනෙකය. ඔහුගේ උපන් දිනයට අයත් සියලුම අංක තනි අංකයක් බවට පත්වන තෙක් එක දිගට එකතු කිරීමෙන් ඔහුගේ දෛව අංකය ලැබේ (1+8+8+9+4+2+0 } 32 - 3+2-05) හිට්ලර්ගේ දෛව අංකය වූයේ බුධ ග්‍රහයාට අයත් අංක 05 ය. අංක 05 බුද්ධිය නියෝජනය කරන අංකය ලෙස ප්‍රසිද්ධියක් උසුලන අතර මෙම අංකය දෛව අංකය කරගනිමින් උපත ලද පුද්ගලයන් බුධ ග්‍රහයගෙන් පාලනය කෙරෙයි. මොවුන් තුළින් විද්‍යාමාන වන සුවිශේෂී ලක්ෂණ රාශියක් ඇත. හැගීම් ක්‍රියාත්මක කිරීම, නිදහසට දක්වන කැමැත්ත, නිතර වෙනස් වීමට හා විවිධත්වයට ඇති බලවත් ආශාව, ඒ අතරින් කිහිපයකි. සමහර අවස්ථාවලදී ඉතා අවේගශීලීව හැසිරෙන මොවුන් තුළ ආදරය සේම වෛරය ද එකට බැඳී පවතී. එමෙන් ම සමාජශීලී ජීවිතය මෙන්ම හුදකලාව ද මොවුන්ගේ ජීවිතය තුළ සම සමව පවතින බව අංක විද්‍යාඥයන් සොයාගෙන තිබේ. හිට්ලර් තුළද ඉහත කී ගති ගුණ පැවැති බවට සාක්ෂි ඇත. හීනමානයේ ලක්ෂණයන් වූ මුලින් දක්වන ලද අංක 05 ට ආවේණික සමහර සිද්ධාන්ත හිට්ලර්ගේ ජීවිතය තුළින් ද වරින් වර දැකගන්නට ලැබිණි. පහළ මධ්‍යම පංතියේ උපත ලද හිට්ලර්, පින්තාරුකරුවකු වීමට මහත් ආශාවෙන් පසුවූ අතර එය ඉටුකර ගැනීමට පියා සමග අරගලවල යෙදුනි. රජයේ සුළු නිලයක් දැරූ හිට්ලර්ගේ පියාට ඔහුව කලා පාසලකට ඇතුළත් කිරීමට නුපුළුවන් වීම හේතුවෙන් හිට්ලර් සහ පියා අතර නිරන්තරව අඬ දබර ඇති වූ බව කියෑවේ. සිය ළමා වියත්, යොවුන් වියත් අතර කාලය හිට්ලර් ගතකරනු ලැබුයේ වියානා නගරයේ ගෙවල් ගානේ රස්තියාදු වෙමිනි. ඉතා කම්මැලි, අලස පුද්ගලයකු වූ මොහු ජීවත් වීම සඳහා තැපැල් පත් පින්තාරු කරමින් මුදල් උපයාගන්නට සමත් විය. ඔහු එමගින් උපයාගත් සිලිං කිහිපය ද කඩේකට ගොස් ක්‍රීම් කේක් කෑමට හා පුවත් පත් කියවමින් කාලය ගතකිරීමට වියදම් කරන ලදී. අංක 05 න් උපත ලද පුද්ගලයන් බුධ ග්‍රහයාට අයත් කටයුතු වල නියෑළෙන්නන් බව සත්‍යයකි. ඒ බව සනාථ කරමින් හිට්ලර් කම්මැලිකම මකා ගන්න ලද්දේ පත පොත කියවීමෙනි. ඔහු ඉඩ ලද සෑම අවස්ථාවකදීම නියෑළුනේ තම දැනුම වැඩිකර ගැනීමටත්, ලෝකය පිළිබඳව හා මිනිසුන්ගේ චර්යාවන් හැඳින ගැනීමටය. බුධගේ නිසග ගතිය නිරතුරුවම හිට්ලර් තුළින් ප්‍රකට වූ අතර දේශපාලනය පිළිබඳ කතා බහ කිරීමට ඔහු මහත් කැමැත්තක් දක්වා ඇති බව සමීපතමයන් ප්‍රකාශ කර ඇත. හිට්ලර් ජර්මන් හමුදාවට ඔස්ටි්‍රයානුවකු ලෙසින් සේවය කළ කාලයේ ඔහුගේ විවේක කාලය ගෙවී ඇත්තේ ඉතිහාසය, විශේෂයෙන් රෝම ඉතිහාසය, යෝග ක්‍රම හා ජ්‍යොතීර් විද්‍යාව පිළිබඳව එවකට ලියෑවී තිබූ පත පොත කියෑවීමටය. දුම්පානය හෝ මත්පැන් පානය නොකළ හිට්ලර්ට ගැහැනුන් ද ප්‍රිය නොවුණ බව වැඩිදුරටත් දැනගන්නට ලැබිණි. තර්ක කිරීමේ ශාස්ත්‍රය මනා ලෙස ප්‍රගුණ කර සිටි හිට්ලර්ට එම හැකියාව ලැබුණේ සමාජයේ ජීවත්වන පහළම පුද්ගලයන්ගේ මනසත් සමග ගැටීමෙනි. ඔහු තම උගත්කම ලබා ගත්තේ ද වියානා නුවර ගත කළ අවධියේ දී බවත්, මිනිසුන් පිළිබඳව අවශ්‍ය තරම් පාඩම් ඉගෙනීමට එම කාලයේදී ඔහුට හැකි වූ බව හිට්ලර් පසුකාලයේ දී පවසා තිබිණි. දෛව අංක 05 හේ අධිපතිත්වය දරන බුධ ග්‍රහයා තම නෛසර්ගික හැකියාවන් හී බලය නිසි අයුරින්ම හිට්ලර් වෙත මුදා හැර තිබුණ බව ඉහත කී කරුණු වලින් මනාව සනාථ වේ.
දෛනික අංකය හෙවත් ජීවන අංකය (DIURNAL NUMBER) සොයා ගන්නා ආකාරය
හිට්ලර්ගේ උපත සිදුවූයේ ඔස්ටි්‍රයාවේ "බ්‍රෝනේ" නගරයේ දී 20 වැනි දිනකය. අංක විද්‍යාවේදී බිංදුවට අගයක් නොදෙන බැවින් ඔහුගේ දෛනික හෙවත් ජීවන අංකය වූයේ අංක 02 ය. මොහුගේ ප්‍රධාන නාම අක්ෂර අංකය වූයේ ද සඳු හෙවත් චන්ද්‍රයාට අයත් අංක 02 ය. ඇඩොල්ප් හිට්ලර්ගේ "බලගතු අංකය" ( STRONG NUMBER) තුළ අංක දෙකේ ඒවා දෙකක් යෙදීම හේතුවෙන් හිට්ලර්ගේ ගතිගුණයන් හී බලය ද දෙගුණයක් වීම නොවැළැක්විය හැකි දෙයක් විය. එම නිසාම චන්ද්‍රයා සතු යහපත් ගති යටපත් කරමින් අංක දෙකේ අශුභ බලය අධික ලෙසින් ක්‍රියාත්මක වී තිබේ.
4. ප්‍රධාන නාම අක්ෂරය (CHIEF NAME LETTER NUMBER) සෙවීම
හිට්ලර්ගේ ප්‍රධාන නාම අක්ෂරය වනුයේ ADOLF යන්නෙහි "A" අක්ෂරය නොවේ මොහු වඩාත්ම ප්‍රසිද්ධ වූයේත්, වැඩිපුරම භාවිත වූ නාමය වූයේත් HITLER යන්න බැවින් "H" අක්ෂරය ඔහුගේ ප්‍රධානතම අක්ෂරය විය. මෙම අක්ෂරයේ අංක විද්‍යාත්මක අගය වූයේ අංක 08 ය. මෙය අයත් වන්නේ ශනි හෙවත් සෙනසුරු ග්‍රහයාට ය.
ලසෙනසුරුල ග්‍රහයා ග්‍රහ ලොව හිතුවක්කාර මෙන්ම නපුරු ග්‍රහයකු ලෙස ප්‍රසිද්ධ වී ඇත. මනුෂ්‍යයාට විපත් පැමිණ වීමේදී මූලිකයා වී කටයුතු කරන මෙම සෙනසුරුගෙන් ගැලවිය හැකි ජගතකු මෙලොව තබා එලොවවත් ඇත්දැයි සැක සහිතය. විෂ්ණු දෙවියන්ටත් සෙනසුරු බටකොළ කැව්වා නම් පෘතග්ජන අප පිළිබඳව කුමන කථාද?
සෙනසුරු පාපියෙකි. කෘෘර ග්‍රහයෙකි. දුක් විඳින්නට විඳින්නට මනුෂ්‍යයාව තව තවත් දුක් දෙවන සෙනසුරුගේ නෛසර්ගික ගතිය ප්‍රධාන නාම අක්ෂරය වූ ිෙ ,්‍ය, ැෙ අක්ෂරයෙන් උපත ලද හිට්ලර් තුළින් ද මනාව දැක ගත හැකි විය. සෙනසුරු බලය ලබාදීමටත්, බලය අහිමි කිරීමටත් මූලික වන ග්‍රහයකු වන අතර අපගේ කථා නායකයාව ද බල තන්හාව ඇතිකර ලනට්සි වාදයේල ප්‍රමුඛයා කරවීමට සෙනසුරුට අයත් අංක 08 සතු බලය ක්‍රියාත්මක වී ඇති බව රහසක් නොවේ.
බලගතු අංකය (STRONG NUMBER) සෙවීම
ඉහත සඳහන් කරුණු හතරේ එකතුවෙන් බලගතු අංකය සෑදී ඇත. ඇඩොල්ප් හිට්ලර්ගේ බලගතු අංකය වූයේ ද සෙනසුරු ග්‍රහයාට අයත් අංක 08 මය. බලගතු අංකය තුළ අංක 08 ප්‍රධාන නාම අක්ෂරය වීමෙන් සෙනසුරුගේ නිසග බලය අසීමිත වී තිබේ. එමෙන්ම චන්ද්‍රයා සෞම්‍ය, යහපත් ග්‍රහයකු වුවද, චන්ද්‍රයා සතු බලය බලගතු අංකය තුළ දෙගුණයක් වුවද එය අයහපත් තත්ත්වයකට පත්කරවීමට සෙනසුරු ග්‍රහයාට අයත් අංක 08 සතු අධික බලය හේතු වී ඇත.
සෙනසුරු හා චන්ද්‍රයා ප්‍රතිවිරුද්ධ ග්‍රහයන් දෙදෙනකු වන අතර මෙම ග්‍රහයන් දෙදෙනා ජ්‍යෙතිෂයේ හඳුන්වනුයේ පරම සතුරන් දෙදෙනකු ලෙසිනි. එබැවින් චන්ද්‍රයා සතු සියලු යහගුණ සෙනසුරු විසින් විනාශකර ඇති බව හිට්ලර්ගේ බලගතු අංකයෙන් මනාව පැහැදිලි වේ. අංක 08 බලගතු අංකය කර ගනිමින් උපත ලද පුද්ගලයන් ඉහළට යන වේගයෙන්ම පහළට ඇද වැටෙන බව අංක විද්‍යාඥයන් ප්‍රකාශ කර ඇත. ඉක්මන් කේන්තිකාරයන් ද, ආත්මාර්ථකාමී පුද්ගලයන්ද මෙම අංක 08 න් උපත ලබන අතර මොවුන්ගේ මනස ක්‍රියාත්මක වනුයේ තමා ම පමණක් කේන්ද්‍ර කරගනිමින් වීම විශේෂත්වයකි.
එමෙන්ම මොවුන් සතුව විශාල වූ දරා ගැනීමේ ශක්තියක් පිහිටා තිඛෙන අතර එයම ඔවුන්ගේ ජයග්‍රහණය වන අතර නිතරම තම වාසිය සෙවීමද මොවුන් තුළින් දැකගත හැකි ප්‍රබල ලක්ෂණයකි. මොවුන් සෑම දෙයකම වාසිය සෙව්වද අවශ්‍ය අවස්ථාවලදී නිසි ලෙස ක්‍රියාත්මක වන බවද පැවසිය හැකිය.
බලගතු අංකය 08 න් උපත ලද බොහෝ අයගේ යුග දිවිය හේතුකොට ගෙන දියුණුවක්, සාර්ථකත්වයත් අඩු වූ අවස්ථා අප අත් දැක තිබේ. මෙම අංක 08 අයත් වන්නේ සෙනසුරුට බැවින් සෙනසුරු විවාහයට රුකුල් දෙතැයි සිතිය නොහැක. මන්ද සෙනසුරු ලෝකෝත්තර සැපතට උදව් කරනු මිස, ලෞකිකත්වයට උදව් නොකරන ග්‍රහයකු බැවින්.
හිට්ලර් ද විවාහයක් පිළිබඳව සිතුවේ නැත. ඔහු තම පෙම්වතිය වූ ඊවා බ්‍රවුන් විවාහ කර ගැනීමට සිතුවේ අවසාන මොහොතේ දීය. ඒ 1945 අප්‍රේල් මස 29 වැනිදාය. ඊට පසුදා එනම් 1945 අප්‍රේල් මස 30 වැනි දින හිට්ලර් සහ ඊවා බ්‍රවුන් සිය දිවි නසාගත් බව කියෑවේ.
අංක 08 අවාසනාවන්ත අංකයක් ලෙස අංක විද්‍යාවේදීන් හඳුන්වා දී ඇත. ජීවිතයේ සැපක්, සතුටක් හා වින්දනයක් නොලබන මොවුන් තම ජීවිත කාලය තුළම තමන්ට ආවේණික වූ මනෝ ලෝකයක් තුළ ජීවත් වන්නෝය. තම තමන්ගේම අයගේ සැපත හා සතුට වෙනුවෙන් තම ජීවිතය මුළුමනින්ම කැපකරන බලගතු අංක 08 න් උපත ලද පුද්ගලයන්, බොහෝ විට ජාතිමාමකත්වයෙන් ඔද වැඩුනු පුද්ගලයන් ලෙසද ප්‍රසිද්ධියට පත්ව තිබේ.
අවසාන කාලයේ පොළොව යට බංකරයක් තුළ රැඳී සිටිමින්, ඛෙහෙත් පෙති වල බලයෙන් ජීවත් වූ හිට්ලර්ට ස්නායු දුබලතා මෙන්ම මානසික පිරිහීම ද ඇති වූ බව කියෑවේ. තම ජීවිත කාලය තුළ විශාල මිනිස් ඝාතන සංඛ්‍යාවක් සිදුකළ ලොව අංක එකේ ආඥදායකයා මුළු දිවිය පුරාම කිසිම සතුටක් භුක්ති නොවිඳ රහසේම මියයන ලද්දේ සෙනසුරුට අයත් ලබලගතු අංකල අටේ බලය හේතුවෙන් බව අංක විද්‍යාඥයන්ගේ මතය වී තිබේ.
කොටදෙණියාවේ ඩී. ඩග්ලස් නිමලවංශ ගුණවර්ධන
උපුටා ගැනීම දිවයින පුවත් පත ඇසුරෙනි
