🛍️   Business Directory
📣   Classifields
🛍️   Business Directory
📣   Classifields

උපන් මාසය අනුව ඔබේ පල අපල ගතිගුණ මෙන්න

උපන් මාසය අනුව ඔබේ පල අපල ගතිගුණ මෙන්න

සූර්යාගේ රාශිචාරය අනුව මනුෂ්‍යයාගේ ජීවිතය හැඩ ගැසෙන බව ජ්‍යොතිෂ්‍යයේ මතයයි. මේ අනුව එක්‌ එක්‌ මාසවල ඉපදුන අයගේ ගතිගුණ හා අනාගතය පිළිබඳව හැඳින්වීමක්‌ කළ හැකිය. උපන් මාසය අනුව පලාපල මේ අයුරිනි,

ජනවාරි මාසය දෙසැම්බර් 15 වෙනිදා සිට ජනවාරි 14 දා දක්‌වා කාලය :
සාමාන්‍යයෙන් ධනු රවිය වශයෙන් ගණන් ගැනෙයි. මෙම කාලය තුළ උපත ලැබු අය ත්‍යාගවන්ත නීතිගරුක අය වෙති. සත්‍යවාදී තැනැත්තෝය. රැකියාව වශයෙන් සංචාරක සේවයට සම්බන්ධ වේ. පොතපතින් ලද දැනුමට වඩා ජීවිතය පිළිබඳ පුළුල් දැනුමක්‌ ඇත්තෝය. මුදල් කටයුතුවලදී අරපිරිමැස්‌මෙන් යුතුව කටයුතු කරන අතර පොරොන්දු ඉටු කිරීමේදී සෘජු ප්‍රතිපත්ති මත පිහිටා කටයුතු කරනු ඇත. පද්මරාග මාණික්‍යයක්‌ මුදුවකට අල්ලා පැලඳීමෙන් වඩා දියුණුව සැලසේ.

පෙබරවාරි මාසය - ජනවාරි 14 සිට පෙබරවාරි 12 දක්‌වා කාලය :
මකර, රවිය වශයෙන් ගණන් ගැනේ. යුග දිවියෙන් පසු කාලය වඩා වාසනාවන්ත වනු ඇත. මෙම මාසය තුළ උපත ලැබු අය ප්‍රයෝගයෙහි දක්‍ෂයෝය. විශාල ව්‍යාපාර පාලනයට සුදුස්‌සෝ වෙති. පරාර්ථයට වඩා තමාගේ දියුණුව ගැන සලකන අය වෙති. මේ නිසා මිත්‍රයෝද අඩු වේ. ධනයෙන් බලයෙන් උසස්‌ තත්ත්වයකට පත්වෙති. පුෂ්පරාග මැණිකක්‌ අල්ලා මුදුවක්‌ පැළඳීමෙන් විශේෂ ගුණ ලැබේ.

මාර්තු මාසය - පෙබරවාරි 12 වෙනිදා සිට මාර්තු 13 දක්‌වා කාලය :
කුම්භ රවිය වශයෙන් ගණන් ගැනෙයි. මේ කාලය තුළ උපදින අය බොහෝ විට ජීවනෝපාය වශයෙන් කරනුයේ වෙළෙ¹ම හෝ ලේඛන කටයුතු වේ. කඩිසර බවකින් යුක්‌ත වන අතර ගමන් බිමන්වල යෙදීමට ප්‍රියතාවයක්‌ දක්‌වති. නිර්ලෝභි ගති ඇති අතර මුදල් රැස්‌කිරීම අපහසුය. රතු කැටයක්‌ බැඳි ආභරණයක්‌ පැළඳීම වඩාත් ගුණදායක වේ.

අප්‍රේල් මාසය - මාර්තු 14 වෙනිදා සිට අප්‍රේල් 13 දක්‌වා කාලය :
මීන රාශියයි. මේ කාලය තුළ උපදින අය ධනය හා ඉඩ කඩම් රැස්‌කිරීමට දක්‍ෂය. ගමන් බිමක්‌ අධික අය වේ. මේ අය ව්‍යාපාරවලින් වැඩිහිටි අයගෙන් දායාදවලින් ප්‍රසිද්ධ වැඩවලින් ආදායම් ලබයි. ආත්මාර්ථකාමී ගතිය බලපායි. යහපත් විවාහයක්‌ සිදුවේ. ප්‍රේම සම්බන්ධතා ඉක්‌මනට ඇතිකර ගනියි.

මැයි මාසය - අප්‍රේල් 13 වෙනිදා සිට මැයි 13 වෙනිදා දක්‌වා කාලය :
මේෂ රාශියේ සුර්යයා ගමන් ගනී මේ කාලය තුළ උපත ලැබු අය ආත්ම විශ්වාසය ඇති එඩිතර හා සියුම් ඥනයක්‌ ඇති අය වෙති. නිරෝගී ශරීරයක්‌ හිමිය. කරුණා, මෛත්‍රි ගුණ සමුදායකින් හෙබි අය වේ. අන්‍යයන් යටතේ රැකියාවකට කැමති නැති අය වෙති. විවාහයෙන් පසු විශාල නැදැ පිරිසක්‌ ලබති. පච්ච මාණික්‍යයක්‌ මුදුවකට අල්ලා පැලඳීම වඩා යෝග්‍ය වේ.

ජුනි මාසය - මැයි 14 වෙනිදා සිට ජුනි 14 දා දක්‌වා කාලය :
වෘෂභ රවියයි. මෙම කාලය තුළ උපදින අය නිතර දොම්නස්‌ භාවයකින් යුතුව කටයුතු කරන අතර යුග දිවියේ පසු කාලය දියුණුව ළඟා කෙරේ. අන්‍යයන්ට උදව් උපකාර කිරීමට වැඩි ලැදිකමක්‌ දක්‌වති. ඇවිදීමටද වඩා කැමැත්තක්‌ දක්‌වන අතර ජලාශ්‍රිත ප්‍රදේශ ගංගා කඳුහෙල් වැනි සුන්දරත්වයෙන් අනුන පරිසරයක ජීවත්වීමටද ප්‍ර්‍රියකරයි. පද්මරාග මාණික්‍යයක්‌ පැලඳීම යසස වර්ධනයට හේතු වේ.

ජුලි මාසය - ජුනි 15 දා සිට ජුලි 15 දක්‌වා කාලය :
මිථුන රවියයි. මේ කාලය තුළ උපත ලබන අය උගත්කමින් කරන රැකියාවකින් දිවිගෙවයි. කතාවෙහි දක්‍ෂ අය වෙති. නිතර වෙනස්‌වන චංචල සිතක්‌ ඇත. දේශපාලනයට නැඹුරු වේ. මේ කාලය තුළ උපත ලද ස්‌ත්‍රියට විවාහ දෙකක්‌ සිදුවිය හැකිය. සිය කටයුතු ඥන ශක්‌තිය මෙහෙයවා කිරීමෙන් සාර්ථකත්වයට පත් වේ.

අගෝස්‌තු මාසය - ජුලි 16 වෙනිදා සිට අගෝස්‌තු 16 දක්‌වා කාලය :
කටක රවියයි ගණන් ගැනෙයි. මේ මාසයේදී උපන් අය උසස්‌ මානසික තත්ත්වයක්‌ ඇත්තෝ වෙති. අන්‍යයන්ගේ අවවාද පිළිනොගන්නා අතර වැඩිපුර ධනය උපයන්නෝද වෙති. ස්‌වාධීනව හිතාමතා තමන්ගේ කටයුතු පිළියෙල කර ගනියි. අගනා වස්‌ත්‍රාභරණ පරිහරණයට රුචිකත්වයක්‌ දක්‌වන අතර නිරෝගීමත් භාවයෙන්ද යුතු වේ.

සැප්තැම්බර් මාසය - අගෝස්‌තු 16 වෙනිදා සිට සැප්. 16 දක්‌වා කාලය :
සිංහ රවිය ලෙස ගණන් ගැනේ. මේ කාලය තුළ ජනිතවුවන් ධාර්මික හා කරුණාවන්ත අය වෙති. දියුණුවීමේ උනන්දුව ඇතිව වගකීම් භාරගෙන ක්‍රියා කිරීමට දක්‍ෂකමක්‌ දක්‌වයි. ක්‍රීඩාවලට වැඩි දක්‍ෂතාවයක්‌ ඇත. ඔවුන් සමාජයේ ජනප්‍රිය පුද්ගලයෝ වෙති. මෙම අය පච්ච මාණික්‍යයක්‌ යෙදු මුදුවක්‌ පැලඳීම දියුණුවට හේතු වේ.

ඔක්‌තෝබර් මාසය - සැප්. 16 වෙනිදා සිට ඔක්‌තෝබර් 16 දක්‌වා කාලය :
කන්‍යා රවියයි මේ කාලය තුළ උපදින අය ප්‍රධාන තනතුරුවලට සුදුසු නොවේ. ඥනය යොදා ආරම්භ කරන කර්මාන්ත ව්‍යාපාරයක්‌ ජීවනෝපාය කර ගනී. සෙල්ලක්‌කාර ජීවිතයක්‌ ගතකරයි. ප්‍රේම සම්බන්ධතා නිසා අවාසනාවන්ත සිදුවීම්වලට මුහුණපායි. උත්සාහවන්ත ධාර්මික අය වනු ඇත.

නොවැම්බර් මාසය - ඔක්‌. 17 වෙනිදා සිට නොවැම්බර් 15 දක්‌වා කාලය :
තුලා රවියයි මේ කාලය තුළ උපත ලද අය නිහතමානී ගුණයෙන් යුතු රටේ ප්‍රකට භාවයට පත්වෙන ගුණවත් ධාර්මික අය වෙති. සමාජයෙන් ගරු බුහුමන් ලැබීමටද වාසනාවන්තයෝය. මිතුරන් අධික වන අතර ඔවුන් නිසා කරදරවලට පත්වීමටද ඉඩ ඇත. රතු කැටයක්‌ බැඳි ආභරණයක්‌ පැලඳීම යෝග්‍ය වෙයි.

දෙසැම්බර් - නොවැම්බර් 16 වෙනිදා සිට දෙසැම්බර් 14 වෙනිදා දක්‌වා කාලය :
වෘශ්චික රවිය ලෙස ගැනෙයි. මේ කාලයේ උපන් අය පියාට වඩා හිතවත් වේ. යුක්‌ති ගරුක සත්‍යවාදී අය වෙති. විවාහ ජීවිතයේ අවුල් ඇති වේ. දික්‌කසාද පවා ඇතිවීමට කරුණු යෙදේ. රැකියාව වශයෙන් සංචාරක සේවයට සම්බන්ධ වේ. පරිත්‍යාගශීලී බව කැපී පෙනෙයි. පුෂ්පරාග මැණිකක්‌ ආභරණයකට අල්ලා පැලඳීම ජයග්‍රහණයට හේතු වනු ඇත.

හිඹුටානේ - පියතිලක ද අල්විස්‌
උපුටා ගැනීම දිවයින පුවත් පත