🛍️   Business Directory
📣   Classifields
🛍️   Business Directory
📣   Classifields

ජීවිතයම බලාගන්න හතරවැන්න තේරුම් ගන්න

ජීවිතයම බලාගන්න හතරවැන්න තේරුම් ගන්න

~කම්මං සත්තේ විභජති යදිදං හීනප්පණිත්තාය~ පුද්ගල වෙනස්‌වීම්වලට හේතුවන්නේ පෙර ආත්ම භවයන්හි කළ කර්ම ශක්‌තීන් බව බුදුන්වහන්සේ දේශනා කළ සේක. කේන්ද්‍ර සටහනක හතරවැන්න මාතෘ ස්‌ථානයයි. එහි හතරවැන්නෙන් කියෑවෙන අර්ථයන් බොහෝය. මාතෘ ස්‌ථානය අයහපත්වීම තම මවට අපලකාරීය. හතරවැන්න 22 දෙර්කාණාධිපතිගේ රාශියක්‌ වීම මවට අපලකාරී වීම නිසැකය. එවිට ඇය මිය ගොස්‌ය. නැතහොත් රෝගාතුරය. පවුලකට මව ප්‍රධාන වෙයි. මව මුලිකව පවුල, නිවස නිර්මාණය වී ඇත. මවක්‌ නොමැති කල පවුලක්‌ නැත. නිවස ගැටලු සහගතවීම ස්‌වාමියාට අයහපත්ය. දරුවන්ට අයහපත්ය. එවිට සියල්ල අවුල්ය. හතරවැන්නේ සඳු හෝ සිකුරු 22 දෙර්කාණාධිපතිගේ රාශියක හෝ 22 දෙර්කාණාධිපතිගේ දෘෂ්ඨදීයකට හසුනොවී සිටීම නිවස යහපත් වීමකි. හතරවැන්නේ කේතු සිටින විට නිවස ගැටලු සහිතය. රාහු ස්‌ථානමාරු ඇති කරයි. කුජ හතරවැන්නේ සිටීම නිවස දරදඬු පාලනයකි. ශනි හතරවැන්නේ නම් නිවස පැරැණිය. හතරවැන්නෙන් කියෑවෙන දැ බොහෝය. හතර වැන්න මනුෂ්‍ය ශරීරයේ පපුවට සම්බන්ධය. එහි 22 දෙර්කාණාධිපති සිටීම පපුව ප්‍රදේශය ආබාධ සහිතයි. බඩ පුරවා දැමීම, බඩේ වියළි ගතිය, බඩේ දැවිල්ල වැනි රෝග ලක්‍ෂණ ඇතුළත් අම්ල පිත්තය හෙවත් ගැස්‌ට්‍රයිටීස්‌ නම් රෝග තත්ත්වය හතරවැන්න අයහපත් වීම තුළ ඇතිවෙයි. හතරවැන්නේ සරළ සංක්‍ෂිප්තය එලෙසය.

හතරවැන්න සහ හතරවැන්නාධිපති සිටින රාශිය අනුව මව, නිවස උරුමය පිළිබඳව විමසුම් කළ යුත්තේ කෙලෙසකද?


කේන්ද්‍ර සටහනක හතරවැන්න යනු පුද්ගලයා ගත කරන ආත්ම භවයෙන් අතීත තුන්වන ආත්ම භවයයි. බුදුරජාණන් වහන්සේ එදා තෝදෙයිය නම් තරුණයාට අතීත භවයන්හි සඳහන් කුසල් අකුසල් අනුව පුද්ගලයාගේ ධන, කුල, බල මෙන්ම මෙලොව යහපත අයහපතද විසඬෙන බව සඳහන් කළේ මෙම නියමයන්හි පිහිටාගෙනය. පෙර කළ දේ තමනට හිමිවෙයි. වපුරන දැ අනුව අස්‌වැන්න තීරණය කෙරෙයි. තල වපුරා මුං ලද නොහැකිය. බොල් වී වපුරා අස්‌වැන්න නොලැඛෙයි. සියල්ල කර්මයට අනුගතය. එහෙයින්, කේන්ද්‍ර සටහනක්‌ තුළින් අප සත්‍ය නිවැරදිව අවබෝධ කරගත යුතුය. ආත්මගත පාපකර්මයන් හෝ කුසල කර්මයන් මේ අත් භවයේ විපාක දෙනු ලබයි. පෙර භවයේ අනුන් සතු නිවෙස්‌ කඩා බිඳ දැමූ කොල්ල කෑ, මව පියාට නොසැලකූ ලැබූ ඉඩකඩම් බලයෙන් අත්පත් කරගත් තැනැත්තෝ එහි විපාක විඳිනු ඇත. මේ ආත්මයේ හිසට සෙවණ දෙන ගහ කොළ විනාශ කළ කුරුලු කූඩු කඩා බිඳ දැමූ මිනිසුන් මතු භවයේදී හිසට නිවහනක්‌ නොමැතිව තැනින් තැන ජීවත්වනු ඇත. පෙර කල තමන් හදා වඩාගත් මවුපියන් හට නොසලකනු ලැබූ, සතුන් නිරාහාරව තැබූ අනුන් සතු ආහාරපාන උදුරාගත් නරුමයන්ද මේ ආත්මයන්හි උදරගත රෝගාබාධ මෙන්ම කුසගින්නෙන්ද පීඩා විඳිනු ඇත. ඇතැමුන් හට ධන බල පිහිටි මුත් ප්‍රනීත ආහාර පාන අකැපය. එවැනි දැ වැළඳීමේ භාග්‍ය නැත. ඔවුන් හට මෙකල දිය වැඩියාව, රුධිර පීඩනය, අම්ලපිත්තය වැනි රෝගාබාධයන්ද ශාරීරක උෂ්ණත්වය නිසා අතැම් ආහාරයන්ද අකැප අපත්‍ය වෙයි. පක්‍ෂීහූ නිදහසේ පියාඹා යති. ඔවුහු සුන්දරය. දුර්වලය. කුකුළු පැටවුන් තම මවු කිකිළිය හා පොළොව පහුරවමින් ආහාරයෙන් යෑපෙන්නෝය. කපුටු, ගිරා, සැවුල් ආදී පක්‍ෂීන්ද අහුලාකමින් සහ පලතුරු ගඩා ගෙඩි භාවිතයෙන්ද සැනහෙන්නෝය. ඇතැම් ප්‍රදේශයන්හි විදේශීය වැහි ලිහිණි වර්ගයක්‌ බහුලව දක්‌නට ලැඛෙයි. බ්‍රිතාන්‍යයේ සිට යුරෝපයට සහ උතුරු ආසියාව හරහා ජපානය දක්‌වා ඇති රටවල්වලින් ඔවුහු ලංකාවට පියාසර කරති. තමන්ගේ රට රාජ්‍යයන්හි දරුණු ශීතල ඉවසිය නොහැකිව එන මෙම පක්‍ෂීන් සැබෑ අහිංසකයන්ය. පැටවුන් රකින අහිංසක කිකිළිය මරා දමන, පක්‍ෂීන් හට උගුල් අටවා මරාදමන ඔවුනට හිරිහැර කරන පුද්ගලයෝ එහි විපාකයන්ට ගොදුරු වෙති. එවන් ඇතැමුන්ට මව පියා නැත. මා පිය සෙනෙහස අහිමිය. ජන්මියාට තම සහකාරියගේ සෙනෙහස රැකවරණය අහිමි වූ සෙයකි. එවන් පුරුෂයෙකුගේ මානසික පීඩනය අපට වටහාගත හැකිය. ඔවුන් තම දරුවන් සමග හුදෙකලාව දිවි ගෙවන්නේ පෙර භවයන්හි තමන් කළ කම්හි ඵලයක්‌ ලෙසය. එහි බලපැවැත්ම ජන්මියාගේ කේන්ද්‍ර සටහන තහවුරු කරවයි. පොකුණු, ටැංකි, ජලය පිරි වීදුරු කුටි ආදියෙහිලා මසුන් ඇති දැඩි කිරීම පාපයකි. ආහාර ලබා දුන්නද එහි මත්ස්‍යයන් හට නිදහසක්‌ නැත. සුවයක්‌ නැත. ප්‍රීතියෙන් වරල් සලා නිදහසේ ජලයේ පිහිනා යන මසුන් කොටුකර රැක බලා ගැනීම පාපයකි. නිදහසේ ගුවන් ගැබ සරණ පක්‍ෂීන් මෙන්ම සිවුපා සතුන් කොටුකර තැබීමද එලෙසින්ම හිංසාකාරිය. එහි විපාකය අත්විඳිය හැක්‌කේ මතු භවයකදීය. එවැනි වූ සතුන් මැරීම, මාංශ අනුභවය මතු අත්භවයක තම පවුල හා කේන්ද්‍ර සටහනක හතර වැන්න සමග අනුගත කොට උපකල්පනය කිරීම යහපත් මිනිසාගේ නැණ සුව පිණිස හේතුවෙයි. කේන්ද්‍රයෙන් සඳහන් වන්නේ පෙර කුසල් අකුසල් සොභාවය නම් අපි අවදිවිය යුත්තේ වෙමු. ආනන්තරිය පාපකර්මයක්‌ වැළැක්‌විය නොහැකිය. අනෙකුත් අකුසල් සමනය කිරීම, විපාකයෙන් මිදීම කළ හැකිය. එයට කුසල් වැඩීම මූලික වෙයි. අසරණයන් හට දන් දීම, හිසට සෙවණ සාදා දීම, සතුන්ට ආහාර දීම, පක්‍ෂීන්ට ආහාර, ජලය සැපයීම, ගලායන ජලයේ මත්ස්‍යයන් හට ආහාරදීම ග්‍රහ අපල දුරු වීමට හේතුය. සිරගත කළ සතුන් නිදහස්‌ කිරීම, අසරණ දරුවන්ට වැඩිහිටියන්ට සංග්‍රහය, රෝගීන් හට උපස්‌ථානයද, ශරීරයේ උෂ්ණ කාරක රෝගයන්ගෙන් මිදීමට ළිං පොකුණු. ජල නළ පද්ධති ලබාදීම මහත් කුසල්ය. හතරවැන්න යහපත් කිරීම ග්‍රහ අපල දුරුවීමකි. තම නිවස යහපත් වීමකි. නිවස යහපත් වීම තුළ තම අඹු දරුවන් දෙමාපියන් සහ ඔවුන්ගේ ශරීර සෞඛ්‍යයද යහපත් වෙයි. කේන්ද්‍ර සටහනේ හතරවැන්නේ පල විපාකයන් අතිමහත්ය. අපල දුරුකර ගන්න හතර වැන්න යහපත් කරගන්න. එහි සුබපල භුක්‌ති විඳීමට ඔබ පළමුව ධර්මයෙහි හැසිරෙන්න. ධර්මයෙහි හැසිරෙන්නා ධර්මය තුළින්ම ආරක්‍ෂා කෙරෙනු ඇත.

මතුගම ජයනෙත්ති උපුටා ගැනීම

දිවයින පුවත් පත