උපන් ලග්නයට අනුව ඔබේ පලාපල - 2
කටක ලග්නය :
කටක ලග්නයට අධිපති ග්‍රහයා වන්නේ සඳුය (චන්ද්‍ර) ඒ නිසා සඳුගේ බල – දුබල
තත්ත්වය පරීක්‍ෂා කිරීමේදී බලයෙන් සිටී නම් ස්‌වක්‍ෂේත්‍රව හෝ උච්චව හෝ
(කටක – වෘෂභ රාශිවල) සිටීම ඉතාමත් හොඳයි. එසේම පුර – සඳු – සහ අවස්‌ සඳු
ගැනද සැලකිලිමත් විය යුත්තේය. සඳු ලග්නයේ සිටීමෙන් (01) තම දියුණුව සැලසෙන්නේ උත්සාහවන්ත ගතිය මතයි.
පුර පක්‍ෂයේ චන්ද්‍රයා නම් උගත් බුද්ධිමත් අයකු වේ. අවපක්‍ෂයේ වුව අන් අයට
හිරිහැර බාධා නොවන අයුරින් කටයුතු කරයි. කොටින්ම සඳු 01 සිටින කටක ලග්න
හිමියෝ භාග්‍ය වන්ත අය වෙති. මෙම ලග්නයෙන් උපත ලද ස්‌ත්‍රීහු ගුණ ධර්මවලින්
පෝෂිත වෙති. රුව ලස්‌සන අතින්ද හැඩකාරයි. කටක ලග්න හිමියන්ට රවි-බුධ, ශුක්‍ර
ග්‍රහයන්ගෙන් ශුභ ඵල ලැබීම තරමක්‌ දුෂ්කරයි. මේ අය දුබලව සිටීමෙන් කරදර
බාධක ඇති කරයි. කටකයේ 07 සහ 08 හිමිවන්නේ ශනිටය. එ නිසා ශනිගෙන් ශුභ/අශුභ
අපේක්‍ෂා කළ හැකි තරම්ය. ශනි 07 සිටියේ නම් ලෞකික ආශාවන් වැඩි වේ. කාමාශා
බලවත්ය. සිකුරු කේන්ද්‍රගතව සිටීනම් උසස්‌ විවාහයක්‌ තමාට කර ගැනීමට ඉඩ කඩ
සැලසේ. කටක ලග්න හිමියන්ගේ ශනි 08 සිටීම නිසා ආයුෂ වැඩි වේ. ජීවිතයේ සැඳෑ
සමයේ තුනටිය ප්‍රදේශයේ වාත ආබාධ ඇති කරයි. ලග්නාධිපති සඳු 10 සිටියේ නම් නව
නිර්මාණ ගැන සිත් යොමුවේ. සඳු 11 වැන්නට (වෘෂභ) උච් වේ. පුර සඳු නසා
ආධ්‍යාත්මික බවින් උසස්‌ තත්ත්වයක්‌ ලබයි. සඳු 02 සිටී නම් තම කටයුතු
ක්‍රමානුකූලව කරගෙන යයි. 03 වැන්නටද සඳු යහපත්ය. 04 වැන්නේ වී නම් ගේදොර
යාන වාහන ලැබීමේ භාග්‍ය තිබේ. සඳු 05 ට නීච වේ. (වෘශ්චික) අව – පුර පක්‍ෂ
අනුව තත්ත්වය වෙනස්‌ වේ. පුර සඳු වීමේදී අධ්‍යාපන කටයුතු වලට දක්‍ෂ වේ. විවාහය ඇතැම් විට ආලය
ප්‍රේමය පදනම් කරගෙන සිදු වනු ඇත. සඳු 06 ටද නරක නැත. සමගියෙන් සිටීමට
පරිසරය සකසාගනී. කටක ලග්න හිමියන්ගේ සඳු 09 සිටීමද හොඳයි. දුර බැහැර ගමන්
බිමන් (පිටරට පවා) ඇති කරයි. සඳු 10 ට මෙන්ම 11 ටද නරක නැත. සඳු 11 වී නම්
විවාහයද ආශ්‍රය මගිනි. රාශිචක්‍රයේ අවසන් රාශිය වන (කටකයේ සිට) මිථුනයේ නොහොත් 12 සඳු සිටීමෙන්
රේස්‌ සුදු මගින් මුදල් උපයීමට සිතයි. එහෙත් 12 වැන්නේ සඳු රවි සමග යෙදුනි
නම් ශාස්‌ත්‍රීය අංශයෙන් උසස්‌ තත්ත්වයක්‌ ලබයි. අඟහරු සහ බ්‍රහස්‌පති
ග්‍රහයන් කටක ලග්න හිමියන්ට ශුභ ඵල උදා කර දෙයි. ලෙඩ රෝග වශයෙන් උගුරේ, උදරයේ අසනීප ඇති විය හැකිය. අර්ශස්‌ රෝගද – පිත් අමාරුද වැළඳීමට ඉඩ ඇත.
සිංහ ලග්නය :
සිංහ ලග්නයට ලග්නාධිපති වන්නේ රවි ග්‍රහයාය. ග්‍රහ ලොව ප්‍රධානියාය.
මෙවන් අය නිර්භීතයි. එඩිතරයි. පුංචි පුංචි දේවල් කිරීමට අකමැති අතර ලොකු
දේවල්ම කරට ගනී. පිටස්‌තර අයගෙන් ගෞරවය ලබයි. කුසගින්න දරා සිටීමට පුළුවනි. රවි ලග්නයේ (01) සිටින තැනැත්තා හෝ තැනැත්තිය තේජාන්විත බවක්‌ දක්‌වයි.
මේ නිසා තරමක්‌ ආඩම්බරයි. සිංහ ලග්න හිමියන්ගේ රවි කන්‍යාවේ නොහොත් 02
සිටීම නිසා ඇස්‌වල ආබාධ ඇති කරයි. යුක්‌තියට සාධාරණයට මුල් තැන දී කටයුතු
කරයි. රවි සමග බුධ 02 සිටි විට පෝසත් අයකු වන්නේය. මෙය ධන යෝගයක්‌ ලෙසද
සැලකිය හැකිය. රවි සිකුරු සමග 02 සිටීම නිදා ඇස්‌ රෝග ඇති කරයි. රවි 03
නිසාද ශුභ නැත. තුලාවට නීචයි. එහෙත් 03 රවි සිටීම නිසා ඉගනීමෙන් යම්
ප්‍රයෝජනයක්‌ සලසා ගනී.උද්‍යෝගීවන්තව කටයුතු කරයි. රවි 04 කුජට අයත් වෘශ්චිකයේ සිටීමෙන් නෑදෑ හිතවතුන් සමග අමනාපකම් ඇති
වේ. ශරීරයේ හදිසි ආබාධ ඇති වීමටද පුළුවන. 04 වැන්නේ රවි බුධ සමග සිටින්නේ
නම් රසායනික – ශාස්‌ත්‍රීය අංශවලින් ප්‍රයෝජන ලබයි. රවිට 05 වැන්න (ධනු)
හොඳයි. සමාජයෙන් ගෞරවය කීර්තිය ලබයි. අයුක්‌තියට එරෙහිව කටයුතු කරයි. 05
වැන්නේ රවි සමග බුධ සිටීමද ශාස්‌ත්‍රීය අංශයේ උසස්‌ රැකියාවක්‌ ලැබීමට
හේතුවකි. 06 වැන්නේ රවි සිටීමෙන් ඉඩකඩම් දේපළ ගැන ආශාව වැඩි වේ. සතුරු කරදර
තරමක්‌ අඩු වේ. කොන්ත්‍රාත් ව්‍යාපාර කටයුතුවලට ශුභ පිහිටීමකි. රවි 07
වැන්නේ යෙදුණු විට පිරිස්‌ බලයෙන් යුක්‌තයි. රැකියාවද පිරිසක්‌ ප්‍රධාන කොට
ගෙනයි. විවාහය තරමක්‌ ප්‍රමාද විය හැකිය. 07 වැන්නේ රවි – බුධ සංයෝග වී
නම් වෙද හෙදකම් වලින් ප්‍රසිද්ධ වේ. රවිට 08 යහපත් ස්‌ථානයක්‌ නොවේ. රවිට
09 ශුභ දායකයි. උසස්‌ තත්ත්වයක්‌ ලබයි. විවාහයෙන් පසු ජීවිතය තවත් උසස්‌
තත්ත්වයකට පත්වේ. පිටරට ගමන් බිමන් පවා යෙදේ. රවි 10 ට හොඳයි. ඉඩකඩම් ගේදොර
ලැබීමේ භාග්‍ය තිබේ. රැකියාවේ ප්‍රධානියෙකු වන්නේය. රවි කුජ 10 වී නම්
ව්‍යාපාරික අංශයෙන් ඉහළට නඟê. 11 වැන්නේ රවි යෙදීමෙන් ආදායම් ලබන ක්‍රම
කීපයක්‌ ඇති කරගනී. සාහිත්‍ය පතපොතටද ලැදිවේ. රවිට 12 වැන්න කටකය ශුභදායක
නොවේ. එහෙත් ඈත එපිට පළාත්වල ගොස්‌ හරිහම්බ කර ගනී. සිංහ ලග්න හිමියන්ට ලෙඩ රෝග වශයෙන් වකුගඩු රෝග – හෘද රෝග මුත්‍රා ආබාධ
ඇති කරයි. මේදිනවල එනම් ඔක්‌තෝබර් 18 සිට නොවැම්බර් 16 දක්‌වා රවි ග්‍රහයා
තුලාවේ (03) ගමන් ගනී. රවිට තුලාව නීච වූවත් දිරිය හා උෙද්‍යාaගය මත
දියුණුව සලසා ගනී.
කන්‍යා ලග්නය :
රාශි වලල්ලේ 06 වැන්න වූ කන්‍යාවට ලග්නාධිපති වන්නේ බුධයි. මෙම ලග්නයෙන්
උපදින අය හුදෙක්‌ මිනිස්‌කම් වලින් යුක්‌තය. ගුණධර්ම රකී. කන්‍යා රාශියෙන්
උපන් ස්‌ත්‍රීහු පතිභක්‌තියෙන් යුත් සාහිත්‍ය කලාකාමී ජීවිතයකට හුරුවන අය
වෙති. කන්‍යා ලග්න හිමියන්ගේ 01 ත් 10 ත් බුධට අයත් වේ. බුධ ලග්න ගත වූ
(01) කන්‍යා ලග්නයෙන් ජනිත වුවෝ ශාස්‌ත්‍රීය අංශයෙන් වැඩි දියුණුවට
පත්වෙයි. පහත් වැඩ නොකරති. එහෙත් බුධ සමග සිකුරු සිටි විට තරමක්‌ දුරට හොඳ
පැත්ත අඩු වේ. බුධ- රවි සමග යෙදීමද ඉතාමත් වාසනාවන්තයි. බුධ 02 වැන්නටද ඉතා
හොඳයි. කතාවට දක්‍ෂයි. අපක්‍ෂපාතීව කටයුතු කරයි. පාලනයට හොඳයි. විශේෂයෙන්
02 වැන්නේ බුධ – සමග රවි යෙදීමෙන් සමාජශීලී අයකු වන්නේය.බුධ 03 නොහොත්
වෘශ්චිකයේ යෙදීමෙන් බුද්ධිය දියුණුවේ. නිර්මාණ ශක්‌තිය හොඳයි. 03 රවිද
සිටිවිට පර්යේෂණ කාර්යයන්හි නියෑලේ. ඉංජිනේරු හෝ රසායනික අංශයට වඩාත් බර
වේ. බුධ 04 සිටින කන්‍යා ලග්න හිමියන්ට ආර්ථිකමය පැත්තෙන් දියුණුව සලසා ගත
නොහැකි වුවත් ශාස්‌ත්‍රීය හා විද්‍යාත්මක දැනුමෙන් ප්‍රසිද්ධියට පත්වෙයි.
කොහොම නමුත් ලස්‌සන ගෙයක්‌ නම් හිsමි වනවාමයි. බුධ 05 සිටි විට උගත්කමට වඩා
ප්‍රායෝගික හැකියාව ඉස්‌මතු කරයි. 05 බුධ සමග රවි යෙදුනවිට කාර්මික අංශයේ
උසස්‌ තත්ත්වයක්‌ හිමි කර ගනී. බුධ 06 සිටින විට සමාජයේ උසස්‌ තැනක්‌ හිමි
කරගනී. රවි බුධ සංයෝගය (06) පාලනයට හිතකරයි. බුධ 07 නීච වීම නිසා ශරීර
සෞඛ්‍ය තත්ත්වය තරමක්‌ අපහසුතා යෙදේ. එහෙත් පොත්පත් ලිවීම (ග්‍රන්ථකරණය)
මාධ්‍ය වැනි ක්‍ෂේත්‍ර වල නියෑළේ. බුධ 08 යෙදීමෙන් කලින් පැවති තත්ත්වයේ
වෙනසක්‌ ඇති කෙරේ. ජීවන ගමන එකම ක්‍රමයක නොයෙදේ. බුධ 09 සිටින කන්‍යා ලග්න
හිමියන් පියා අනුකරණය කරයි. බුධ 10 ට ඉතාමත් ශූභයි (මිථුන) ශාස්‌ත්‍රීය
අංශයෙන් වැදගත් තැනක්‌ හිමි කර ගනී. 11 වැන්නටද බුධ අශුභ තත්ත්වයක්‌ උදා
නොකරයි. බුධ 12 සිටින අය පරාර්ථකාමීහු වෙති. උසස්‌ අයම ආශ්‍රය කරයි. කපටි
මායම්වලින් හෝ යම්යම් දේවල් කරන කාලයකි. තමා ගැනම වැඩි පුර සිතයි.
උපුටා ගැනීම දිවයින
