අයිතිකරුට අහිමි වූ මන්දිරයක රහස
ධනසේකර මුදලාලි හැත්තෑව දශකය වනවිට ලක්‌ෂපතියෙකි. අද නම් ලක්‌ෂපතියන් ඕනෑ තරම් සිටී. එහෙත් එදා ලක්‌ෂයක්‌ යනු ලොකු මුදලකි. එකල ප්ලෙන්ටියක්‌ සත පහකි. අපි පාසල් කැන්ටිමෙන් පාන් කාලක්‌ සීනි සම්බල් දමා කෑවේ සත පහළොවටය. හැතැක්‌ම තුනක්‌ යැමට ලංගම බස්‌ එක අය කළේ සත විසිපහකි. මේ කාලයේ ධනසේකර මුදලාලි කෑගල්ල නගරයේ ලොකු හෝටලයක්‌ පවත්වාගෙන ගිය ධනයත් බලයත් රූප සම්පත්තියත් දරුවනුත් සිටි ප්‍රභූවරයෙකු විය.
තම ධනයෙන් අලංකාර මන්දිරයක්‌ සාදා ගැනීමට ඔහු සමත් විය. ඒ වනවිට ඔහුගේ වයස අවුරුදු පනහක්‌ පමණ විය. මේ මන්දිරය කාමර ගණනාවකින්ද සියලු සමකාලීන පහසුකම්වලින්ද යුක්‌ත විය. මේ ගෘහ නිර්මාණයට නැකත් බැලුවේ නැත. එසේ කිරීමට එතනට විශාල ආත්ම ශක්‌තියක්‌ද යාහමින් මුදල් ද තිබුණි. මම ඔය නැකත් බලන්නේ නෑ. හිතුනු ගමන් කරනවා. ඕවා බොරු වැඩ. ඔහු නැකත් ගැන කීවේ එසේය.
නිවස සාදා පදිංචිවීමට සූදානම් වන විට කිසියම් හේතුවකින් නිවසේ වැසිකළි වළ කඩා වැටුණේ පෙරදින රාත්‍රියේ ඇතිවූ වර්ෂාවටය. එය ඉක්‌මනින්ම පිළිසකර කරන ලදී. ඉන්පසුව පදිංචිවීමට හැකි නොවූයේ ධනසේකර මහතා අසනීප වී ප්‍රතිකාර ගැනීම සඳහා කොළඹ සිටි තම දුවගේ නිවසේ තාවකාලිකව නතර වීමට සිදුවූ නිසාය. මේ නිසා ටික කලකට නිවස කුලියට දෙන ලදී.
කුලියට දුන්නද කුලී නිවැසියන් අවුරුද්දක්‌ වත් සිටියේද නැත. මුදලාලිට සනීප වූයේද නැත. මේ නිසා තවත් පවුලකට නිවස කුලියට දීමට සිදුවිය. මේ අය තවත් අවුරුද්දක්‌ පමණද ඉන් පසුව පැමිණි බර්ගර් පවුලක්‌ අවුරුදු කිහිපයක්‌ද සිටියේය. මුදලාලි තවදුරටත් සෞඛ්‍ය අතින් පිරිහෙන්නට විය. අවසානයේ ද්‍රවිඩ කම්කරු පවුලක්‌ නිවස නඩත්තු කිරීමට නතර කර වැටුපක්‌ද ගෙවීමට සිදුවිය. අවුරුදු කිහිපයක්‌ එසේ කළ පසුව නිවස කුලියට ගත්තේ වික්‌ටර් නම් මැදිවියේ කෙනෙකි. ඔහු දුටුවිට මුදලාලිට එතරම් හිතට ඇල්ලුවේ නැතත් වෙන කළ හැකි දෙයක්‌ නොවීය. මුදලාලි ඔත්පල වීමට ආසන්න සිටි බැවින් නැවත අලුත් නිවසේ පදිංචියට යැම මැනවැයි සිතීය. හදිසියේ මැරුණොත් තමන්ගේ කියල තැනක මිනියවත් තියන්න එපායෑ' යෑයි මුදලාලි කල්පනා කළේය. එහෙත් වික්‌ටර් ගෙදරින් ගියේ නැත. විවිධ හේතු කියා අවසානයේ කීවේ නිවස අතහැර යැමට රුපියල් ලක්‌ෂ දහයක්‌ අවශ්‍ය බවය.
මුදලාලිට යමක්‌ කරන්නට මුදල් තිබුණත් හිතේ ගතේ ශක්‌තිය තිබුණේ නැත. එබැවින් ඔහු මේ නිවස විකිණීමට කල්පනා කළේය.
මොහොමඩ් නම් මුස්‌ලිම් ජාතිකයකුට නිවස අයිති වුණේ එසේය.
මොහොමඩ්ට නිවස අයිති වුණත් වික්‌ටර් ගියේ නැත. මොහොමඩ්ලා දේපළ විකුණන්නේ තවත් මොහොමඩ් කෙනෙකුටම බව දන්නෝ දනී. නමුත් මේ උගුල හේ සිංහල තරුණයකුට පවරා දුන්නේය. නිවස මිලට ගත් අන්තිමයා උපවංශ නම් තරුණයෙකි. හේ තම දක්‌ෂකම් මෙන්ම තරමක මුදලක්‌ ද දී වික්‌ටර් ඉවත් කර ගත්තේය. නිවස වසා දමන ලදී. නිවස ගැන ගුප්ත විද්‍යාත්මක පැත්තෙන් සොයා බලා ශූභ නැකතට වැඩ ඇරඹීමට උපවංශ කල්පනා කළේය. මේ අතර ගෙහිමියා වූ ධනසේකර මිය පරලොව ගියේය. උපවංශ තම හිතවතුතෙකු මාර්ගයෙන් තත්තල ශාස්‌ත්‍රයේ නිපුනයකු හා ජ්‍යොතිර්යෙකු වූ කෙනෙකු හමුවන්නේ ඒ අනුවය. පැරණි සාම්ප්‍රදායික නැකත් කරුවකු වූ මොහු ඉදිරියේ රුපියල් දෙසියක්‌ සමග බුලත් ද කේන්ද්‍රයද තබා උපවංශ බලා සිටියේය. ඔහු කේන්ද්‍රය සටහන් කරමින් මෙවැනි වචන කීවේය.
ස්‌ථිර නවාංශයෙන් උදා වූ රාහු හතරේ රවී නීච වෙලා දොළහේ. බුධත් ඉන්නව චර ධනු මැද.
මේ අහන්නේ ස්‌ථානයක ප්‍රශ්නයක්‌. ගෙයක්‌ද?
'ඔව්' උපවංශ කීවේය.
'ගෙවල් දෙකක්‌ තියනවද මහත්තයටල ප්‍රශ්නයක්‌
'ඔව්, ඔව්'
'මම කියන්නේ වහල තියන ගේ ගැනල රාහු හතරෙ ඔව් වහල තියන ගේ ගැන'
'ඔව්'
'ඉතිං මේකෙ ඉන්න බෑ නොවැ අයිතිකාරයට අපලයි නේ. මුල්ගල් නැකත වැරදියි'
'ආ.....ඉතිං' උපවංශ අහයි.
මේ ගෙදර පරණයි. වාස්‌තු දෝෂ යෙදිල තියෙනවා මහත්තයා මේ ගෙදර හරි මැදින් ප්‍රධාන උළුවස්‌ස තියනවා. උළුවස්‌සට හරි කෙලින් ඉහළ මුදුන් යටලීය තියලා ගෙහිමියාට අපලයිල අයිතිකාරයට ඉන්න බෑ.ල
මෙසේ කියූ ජ්‍යොතිර්වේදියා තවත් දෙයක්‌ කීවේය.
මේ ගෙදර බහිරව දෝෂ තියනවා. බහිර පූජාව තියන්න ඕන.ලමේ වස්‌තු දෝෂ හදාගන්න නැත්නං මේ ගෙදර ඉඳල ඉවරයි.
උපවංශ තුෂ්නිම්භූතව සිටියේය. ගෙදරට ගියාත් මෙන් මේවා කියන්නේ කෙසේද? උළුවස්‌ස හරි මැද බව ඇත්තය. මුදුන් යටලී ශුභ දෙන්නේ නැත. සිවිලිමට වැසී තිබූ බැවිනි. හිටපු ගෙහිමියා පදිංචි නොවීම මියගිය බවද ඇත්තය.
උපවංශ පසුව සිවිලිම ගලවා පරීක්‌ෂා කරන ලදුව මුදුන් යටලීයට හරි කෙලින්ම ප්‍රධාන දොරේ උළුවස්‌ස හරිමැද යෙදී තිබුණි.
උපදෙස්‌ මත නිවස දෝෂ මග හරවා නැවත අලුත් කරන ලදී. මේ සිද්ධිය දැනට වසර පහකට පෙර සිදුවුණි. උපවංශ මහතා අද වන විට සාර්ථක ව්‍යාපාරයක්‌ පවත්වාගෙන යන සෙනෙහබර සැමියෙක්‌ද පියෙක්‌ද වන්නේය.
කෑගල්ලේ සුනිල් කුමාර ගම්ලත්
උපුටා ගැනීම දිවයින පුවත් පත
