🛍️   Business Directory
📣   Classifields
🛍️   Business Directory
📣   Classifields

තුලා ලග්නයට යෝග කාරක වන ශනි බුද සංයෝගය

තුලා ලග්නයට යෝග කාරක වන ශනි බුද සංයෝගය

තුලා ලග්න හිමියන්ගේ ජන්ම පතේ ලෝකයාගේ පැවැත්මට මුල්වන ආත්ම පාලන ශක්‌තිය පාලනය කරන ශනි ග්‍රහයාද මිනිසාගේ බුද්ධි මට්‌ටම පාලනය කරන බුද ග්‍රහයාද බලවත්ව පිහිටියා නම් තුලා ලග්න එම කේන්දරයේ විශාල වාසනා පල රැසක්‌ උදාකරයි. තුලා ලග්න හිමියන්ට තම ජීවිතේ බාල වියේ සිට මහලු විය ඉක්‌මවා මරණය තෙක්‌ ගෙවන ජීවිතේ සෙනසුරු, බුධ යන ග්‍රහයන් දෙපළ තුලා ලග්න හිමියන්ගේ කේන්දර ත්‍රිකෝණ ස්‌ථාන අධිපතියන් වී යෝග කාරක ග්‍රහයන්ද විශේෂ වාසනා පල තුලා ලග්න හිමියන්ට උදාකර දෙයි. ලග්නාධිපති සිකුරු සමග බුධ ශනි මිත්‍ර ග්‍රහයන් නිසා කේන්දරයේ සුබ ස්‌ථානවල එනම් කේන්දරයේ 4, 5 ස්‌ථාන අධිපති සෙනසුරු ස්‌ථාන අධිපති වශයෙන් ඔහුට හිමි ස්‌ථානවල සිටීමද බුධ ග්‍රහයා 9 අධිපති වශයෙන් 9 යේ ඔහුට හිමි ස්‌ථානගත වීමද තුලා ලග්න හිමි අයට ශනි බුධ ග්‍රහයන් විසින් විශේෂ වාසනා පල උදාකරයි. තවද තුලා ලග්න හිමියන් කලා අංශවල ව්‍යාපාර අංශවල නියෑලුණු අයට සෙනසුරු බුධ තුලා ලග්න හිමියන්ට විශේෂ වූ වාසනා ගුණ අනාගත ජීවිතේ දියුණුව ධන ධාන්‍ය මිල මුදල් ලස්‌සන ගෙවල් දොරවල් යාන වාහන සැපමුතු මැණික්‌ ජන්මියට උදාකරයි. කලා අංශවල නියෑලුණු තුලා ලග්න හිමියන් සෙනසුරු බලවත්ව ජන්ම පතේ උපතේ පිහිටා ඇත්නම් කලා අංශ තුළ කලක්‌ දුක්‌විඳ කලා අංශයේ ඉහළම තැනට යැමේ බලය දුක්‌විඳ ආත්ම සංයමය තුළින් උත්සාහයෙන් ලබා ඒ තුළින් ප්‍රසිද්ධිය ලබන අයෙක්‌ වේ. බුධ බලවත් අය බුද්ධි අංශ ලේඛන කලා ග්‍රන්ථ කරන ජනමාධ්‍ය විස්‌තර ප්‍රකාශන අංශ කලා අංශවල නියෑලුණු අය වෙති. බුධගේ බලවත් වීම උඩ තුලා ලග්න හිමි අයට එම බලය උදාවේ. සිකුරු හිමි සෞම්‍ය රාශියක්‌ වූ තුලා රාශිය සිකුරුගේ බලවත් වීම, දුබල වීම උච ශනි බුද යන ග්‍රහයන් දෙපළ විසින් ඔවුන් දෙපළට හිමි මහ දශා අන්තර්ජ්දශා විදශා තුළ ජන්මියාට ශුභ හෝ අශුභ පල ග්‍රහ බල උදානය කිරීම ගෙන දේ. තපෝ ගුණයන් ඇති ලෝකොත්තර සෙනසුරු තුලා රැස තුළ කේන්දරයේ 4, 5 අධිපති වශයෙන් ලග්න භාවගත වීම සෙනසුරුගේ යෝග කාරක ග්‍රහ බලයේ උච්ඡ බලයේ උත්කර්ෂවත් අවස්‌ථාව තුලා ලග්න හිමියාට උදාකර දෙයි.සෙනසුරුගේ බලය තුළ මිනිසා ලෞකික ජීවිතේ සැප පසෙකලා තුලා ලග්නයෙන් ඉපදී ලෝකෝත්තර සැප වන බුදු පියාණන් වදහල ධර්මයේ බලය තුළ ජීවිතේ හැඩ ගස්‌සවා ගනිමින් ජීවිතේ දුක්‌ විඳ වයස 30 න් පසුව ස්‌ථිර තම උත්සාහය තුළින් දියුණුව ලබන අයෙක්‌ වීම ගෙන දෙවයි.

තුලා ලග්න හිමියාට සෙනසුරු තම කේන්දරයේ ලග්න භාවයේ හෝ 4, 5, 9 යන ස්‌ථාන භාවවල තැන්පත් වීම පෙර කළ සිට පව් පින් දෙක හරි හැටියට සෙනසුරු ගණන් හදා තම ජීවිතයේ කුඩා අවධියේ හෝ තරුණ අවධියේ හෝ මහලු අවධියේ හෝ තම මුළු ජීවිතේ විඳි දුක්‌ කරදර සදහටම නැතිකොට ජීවිතේ ධර්මවාදී දර්ශනයට එකඟව ජීවිතේ හැඩගස්‌වා ගනිමින් විශේෂ වූ දියුණුවක බලය තුළ දුක්‌විඳ වෙළෙඳ ව්‍යාපාර කලා අංශ තුළින් හෝ ප්‍රසිද්ධිය, කීර්තිය ඇති කරදීම වෘත්තීය මට්‌ටමින් සිදු කරයි. ශනිට බුද්ධියට අධිපති තුලා ලග්න හිමියන්ගේ 9 අධිපති බුද ද ලග්නාධිපති සිකුරුද, 2 අධිපති කුජද, 11 අධිපති රවිද බලවත්ව ජන්ම පත්‍රයේ පිහිටා ඇත්ද එයද ග්‍රහයන්ගේ නිෂගකාරකත්ව නෛශර්ගික කාරකත්ව කලතුකාරකත්ව යෝගකාරකත්ව බල ඉතාම බලවත් වූ ග්‍රහ බල ශක්‌තියකින් තුලා ලග්න හිමි ජන්මීන්ට ශනි බුධ ග්‍රහයන් විසින් උදා කරදෙයි. ශනි බුධ යන මෙම ග්‍රහ දෙපළ ලග්නයේද නවාංශකයේද බලවත් වෙමින් වක්‍ර අස්‌ත භාවයෙන් මිදී කේන්දරයේ ග්‍රහස්‌ත වල උදා කොටසේ තැන්පත්ව සිටීද එයට යම් තුලා ලග්න ජන්ම පතක්‌ හිමි ජන්මීන්ට විශේෂ වූ ප්‍රතිලාභ රැසක්‌ උදා කරයි. තවද මෙම ග්‍රහ යුවළ වර්ගෝත්තම ග්‍රහ බල තත්ත්වයෙන් බලවත් වී ඇත්ද එයද තුලා ලග්න හිමියාට විශේෂ වූ ජය උදා කරයි. ලග්නාධිපති සිකුරු 5 අධිපති ශනි සමග තුලා ලග්න හිමියන්ගේ අධිපති බුධ 10 අධිපති සඳු යන මෙම ග්‍රහයන් පරිවර්තන වෙමින් 9 යේ 10 යේ පිහිටීම ධර්මකර්මාධිපති යෝගය මතින් ජන්මියා ලෝක ප්‍රසිද්ධ ප්‍රබුද්ධ වූ පහන් සිත් ඇති අග්‍රගණයේ කලාකරුවකු සංගීතවේදියකු සිනමාවේ ප්‍රසිද්ධ අයෙක්‌ හෝ ගත් කතුවරයෙක්‌ හෝ ධර්මධර විනයධර සුපේශල භික්‌ෂුවක්‌ වීමද හෝ මෙම යෝග බල හොඳ පැත්තෙන් උදාවීමෙන් ඇති කරයි. 8 අධිපති ලග්නාධිපති සිකුරුද, 7 අධිපති කුජද බලවත් ඔබේ කේන්දරයේ ඇතිවීම වාසනාවන්ත සුරූපී ගෙවල් දොරවල් හිමි උගත් බුද්ධියක්‌ ඇති බිරිඳක්‌ හෝ පුරුෂයෙක්‌ ලබමින් රටට දැයට වැඩ ඇති උගත් දරුවන් ලබමින් තම උත්සාහයෙන් වයස 30 න් පසුව එම සැප සම්පත් උදාකර ගන්නා අයෙක්‌ බවත් ජ්‍යොතීර් විද්‍යාව තුළින් මනාව පෙන්නා දී ඇත. දැහිතකාමී වීරයන් දැයට රටට ආගමට හිත ඇතිව වැඩ කළ මා කලින් සඳහන් කළ ලෝක ප්‍රකට ග්‍රන්ථ කතුවරුන් සංගීතවේදීන් හෙළ සිනමාව නැළවූ නළු නිළියන්ද, දේශපාලනඥයන්, පණ්‌ඩිත භික්‌ෂුන් වහන්සේ රැසක්‌ද තුලා ලග්නයෙන් ඉපදී ලොව මවිත වන වැඩකර චිර ප්‍රසිද්ධිය ලැබූ අය වූහ. තුලා ලග්නයෙන් ඉපදී මෙම බුධ ශනි සිකුරු බලවත්ව සිටින අය බලලෝභී නොවන පරාර්ථකාමී දිවි මඟෙහි දැහැමි දිවි පෙවෙතක්‌ ගෙවන අය වෙති. මෙම ග්‍රහ යුවළගේ බලය ලෝකායන ජ්‍යොතීර් විද්‍යාවේ තාරකා ග්‍රහ බලය තුළ ග්‍රහ ලෝකවලින් විහිදෙන ආකර්ෂණ විකර්ශන ශක්‌තීන් තුළ සැඟවෙන ගුප්ත බලශක්‌ති රැසක්‌ද ඇති බව පෙර අපර දෙදිග තාරකා විද්‍යාවේත් ජ්‍යෝතීර් විද්‍යාවේත් මනාව විද්‍යාත්මකව පෙන්වා දී ඇත. මෙම ග්‍රහ යුවළගේ රශ්මි කදම්භයේ බලය පෘථිවියට විශ්වයට අයන ගෝලයට වායුගෝලයට ස්‌වභාව ධර්මයට ගහකොළ තුරු ලතාවලට බලපෑම සිදු වන්නේ කාල නියාම, බීජ නියාම සෘර්තු නියාම අනුවය. තවද ග්‍රහයෙක්‌ ගැන අපි සොයා බැලීමේදී එම ග්‍රහයා උපතේ රාශියේ බලවත් වූ ආකාරය නවාංශකයේ බලවත් වූ ආකාරය නැකතේ ග්‍රහයන් තැන්පත් වූ ආකාරය අනුව මෙම ග්‍රහ යුවළ තුලා ලග්න හිමියාට ශුභ අශුභ ග්‍රහබල තිළිණ කරයි. ජ්‍යෝතීර් ගතානුගතික සිරිත් මත එන ජ්‍යෝතීර් සම්ප්‍රදාය නීතිය අනුවත්, මෙම ග්‍රහ යුවළ අෂ්ටක වර්ග ශථි වර්ග ග්‍රහ බලයෙන්ද බලවත් වෙමින් එම ග්‍රහයන් සිටියේද එයත් තම ජන්ම හිමියාගේ පෙර කුසල් අකුසල් තත්ත්වය මත එලොව පිණිසද මෙලොව පිණිසද එකසේ ජීවිතය ක්‍රියාත්මක කරවන ග්‍රහ බලයකි.

දිවුල්පිටියේ ඇන්. ජී. පියසෝම

උපුටා ගැනීම දිවයින පුවත්පත