ආයුෂ කල් ඇතිව දැනගත හැකිද?
බුලත් අතක්‌ මා ඉදිරියේ තබා වඳිමින් මගේ එකම සොහොයුරාත් ඔහුගේ බිරිඳත් අසුන් ගත්තෝය. මගේ කාර්යාලයට පැමිණෙන අනෙකුත් සේවාදායකයන් මෙන්ම ඔවුන් පිළිවෙළට පැමිණ චාරිත්‍රානුකූලව ඉල්ලා සිටියේ හඳහන් පරීක්‍ෂා කර ගැනීමට අවශ්‍ය බවය. නිරන්තරව මා සමඟ සමීප ඇසුරක්‌ පවත්වමින් ද නිතරම දුරකථනයෙන් අමතමින් ද සිටින මල්ලී මෙසේ කේන්ද්‍ර බැලීමට ඉදිරිපත්වීම මම අපේක්‍ෂා කළ දෙයක්‌ නොවේ.
ඔහුගේ උපන් දිනය, ලග්නය ආදී සියලු තොරතුරු මට මතකයෙන් කිව හැකිය. පසුගිය මාස දෙක තුන ඇතුළත එය මවිසින් කීපවරක්‌ පරීක්‍ෂා කර ඇති අතර ඔහුගේ අපලවලට අදාළ බොහෝ ශාන්ති කර්ම ද කර තිබිණි. කෙසේ නමුත් මම තත්කාල කේන්ද්‍රය සටහන් කළෙමි. ජන්ම පත්‍රය අනුව ඔහු මකර ලග්නයෙන් ඉපදී සිටි අතර කුජගේ දශාවක්‌ ගතකරමින් සිටියේය. කුජ කේන්ද්‍රයේ හයවැන්නේ තැන්පත්ව සිටි අතර ඔක්‌තෝබර් 6 දා එහි අටවැන්නට ගමන් කළේය. තත්කාලය සංඥ කළේ ද අටවැන්නයි.
කේන්ද්‍රය පසෙකලා මම ඔහුට ප්‍රවේශම් වන අත්වැලක්‌, ගතයුතු හා නොගතයුතු ආහාරපාන ගැන වෛද්‍ය උපදෙස්‌ පිළිපදින ලෙසත් කියා තදින් අවවාද කළෙමි. කිසිදු අනාවැකියක්‌ මම කීවේ නැත. ඔහු පසුව මගේ නෑනාට හෙවත් ඔහුගේ බිරිඳට කියා තිබුණේ "අයිය කේන්දරේ බලල මොනවත් කීවෙ නෑ. මම මැරෙයිවත්ද දන්නෑ" යනුවෙනි.
එලෙසින්ම ඊට දින දහයකට පමණ පසුව ඔක්‌තෝබර් 17 දා ඔහු හෘදයාබාධයකින් අප හැර දමා පරලොව ගියේය. කේන්ද්‍රය බලා මා කිසිවක්‌ නොකී බව ඔහු හිතවතුන් කිහිපදෙනකුටම කියා ඇති බව මම පසුව දැනගතිමි.
ජ්‍යොතිෂය අනුව, රෝගස්‌ථානගතව සිටි හතර අධිපති කුජ මාරකස්‌ථානයේ ගමන් කළ කුජගේම දශාවේදී මගේ එකම මල්ලී අභාවප්‍රාප්ත වූ බව කිව යුතුය. මෙම මරණ සංඥව මාස කීපයකට පෙර සිට මා දුකට පත්කරමින් පැවති බව ද සිහිපත් වේ.
මේ සිදුවීම මා ඔබ හමුවට තැබුවේ ජ්‍යොතිෂයේ සිද්ධාන්ත සත්‍ය බවට පසක්‌ වූ තවත් අත්දැකීමක්‌ ලෙසිනි. මල්ලිගේ අවමඟුලට පැමිණි හිතවතුන් සමහරෙක්‌ ඔහුගේ කේන්ද්‍රය ගැන ද මගෙන් විමසූහ. මම එය මෙවැනි ලිපියකින් ඉදිරිපත් කිරීම මැනවැයි සිතුවෙමි.
ආයුෂ කල් ඇතිව දැනගත හැකි නම් එයින් තම ජීවිතය සැලසුම් කළ හැකිවනු ඇත. අධ්‍යාත්මික අතින් උසස්‌ තත්ත්වයට පත් උතුමෝ, තමන්ගේ මෙන්ම අනුන්ගේ ද පරමායුෂ දැන සිටියා. බෞද්ධ පොත්පත්වල දැක්‌වෙන පරිදි බුදුරජාණන්වහන්සේට ද එවැනි විශිෂ්ට ඥනයක්‌ තිබිණි.
මහා පරිනිබ්බාන සූත්‍රයේ තමන් වහන්සේ පිරිනිවන්පාන්නට මාස තුනකට පෙර ඒ බව ආනන්ද හිමියන්ට වදාළ බව දැක්‌වේ. ඉන් පසුව ද උන්වහන්සේ තව මෙපමණ දින ගණනකින් තමන් වහන්සේ පිරිනිවන්පාන බව කියා තිබිණි.
අප කුඩා කල පාසලේදී කියෑවූ ඡත්ත මානවක ගාථා බුදුහිමියන් විසින් ඡත්ත නම් මානවකයාට උගන්වා වදාළේ ඔහුගේ මරණය සිදුවීමට ටික වේලාවකට පෙරය. තෙරුවන්ගේ ගුණ සහිත එම ගාථා තුන සිහිකරමින් යන ඡත්ත සොරුන්ගෙන් මැරුම්කන අතර දෙව්ලොව උපදී. බුදුහිමියන් ඔහුගේ ආයුෂ කෙළවර බව දැන සිටියහ. "දුරු වීරිය" නම් අයෙකුට බුදුන් වදාළ දහම අසා රහත්වීමට හැකිවිය. එතුමෝ පැවිදි වීමට සිවුරු පිරිකර සොයායන විට ගොනකු ඇනීමෙන් අභාවප්‍රාප්ත විය. අභාවයට සුළු මොහොතකට පෙර බුදුන්වහන්සේ ඔහුට රහත් වන ලෙස ධර්මාවබෝධය දුන් නමුදු ආයුෂ කෙළවර බව දැන සිටි බව පෙනේ.
අග්‍රමහා ශ්‍රාවක වූද සෘධි ප්‍රාතිහාර්යය පෑමෙහි අග්‍ර වූද මොග්ගල්ලාන හිමියෝ තමන් වහන්සේට පහර දීමට සතුරන්ට ඉඩ හැරිසේක. පසුව බුදුන්වහන්සේ හමුවට ගොස්‌ පිරිනිවන්පෑමට පෙර අවසර ගත් සේක. ඒ උන්වහන්සේ ද තම ආයුෂ කෙළවර බව දුටු හෙයිනි. එහෙත් බුදුහිමියන් හා රහත් උතුමෝ ආයුෂය ගැන දැනගත්තේ තම විශිෂ්ට ඥනයේ බලයෙනි. ආයුෂ ගැන සෙවීමට වඩා ඉතා උසස්‌ ඥන උන්වහන්සේලා සතු විය. ආයුෂ සෙවීම පිළිබඳව ජ්‍යොතිෂ් ශාස්‌ත්‍රය මෙලොවට බිහි කළ සෘෂිවරුන්ගේ නියමයන් මෙතැන් සිට සාකච්ඡා කරමු.
ජ්‍යොතිෂ් ශාස්‌ත්‍රය ගැන උසස්‌ දැනීමක්‌ නැතිව වුවද සාමාන්‍ය නිමිති ක්‍රම මගින් ආයුෂ දැනගත හැකි ක්‍රම ජ්‍යොතිෂ් ශාස්‌ත්‍රයේම දැක්‌වේ. ලදර්ශන නිමිත්තල එවැන්නකි. දර්ශන නිමිත්ත යනු දකින දේවල් අනුව ආයුෂ තීරණය කිරීමයි.
මේ අනුව යම් කෙනකු ස්‌නානය කළ පසුව පළමුවෙන්ම පපුවේ හෘදය වස්‌තුව අසල ප්‍රදේශය දිය වියළී යන්නේ ද ඔහුගේ ආයුෂ කෙළවර වෙමින් පවතින බව කියෑවේ.
තවද යම් කෙනකු කාකයන් යුවළකගේ මෛථූනය දකී ද එය මරණය හෝ විශාල විනාශයක්‌ හෙවත් විපතක්‌ හඟවයි.
අරුන්ධතී නම් තාරකාව නොපෙනී යන යමෙක්‌ ඇද්ද ඔහුගේ ආයුෂ වර්ෂ දෙකකට සීමා වන බව ජ්‍යොතිෂ නියමයයි. අරුන්ධති තාරකාවන් දෙකක්‌ අහසේ පිහිටා ඇත. එකක්‌ නම් මහ වලසා නම් තාරකා මණ්‌ඩලයේ පෙනෙන තාරකා හතෙන් එකකි. අනෙක වෘෂභ රාශියේ වෘෂභ රූපයේ ඇස ළඟ පිහිටි කාණ්‌ඩ දෙකෙන් කුඩා තරුවය. මරණයට අවුරුදු දෙකකට පෙර සිට මේ හරහා නොපෙනී යැමට පටන් ගනී.
මේ අතර "සෝම ඡායාව" නොපෙනී යැමද තම ආයුෂ හමාර බව හඟවයි. සෝම යනු චන්ද්‍රයාට කියන නමකි. සෝම ඡායාව නම් සඳඑළිය නිසා වැටෙන තමන්ගේ සෙවනැල්ල දෙසම බලා සිට එක්‌වරම අහස දෙස බලන විට තත්පර කීපයක්‌ දකින සුදු පාට ඡායාවයි. මෙම ඡායාව මරණයට වර්ෂ දෙකක්‌ ළං වූ විට නොපෙනේ යෑයි ජ්‍යොතිෂයේ සඳහන් වේ.
මේ අතර මේෂ, වෘෂභ රාශි අතර පිහිටා ඇති ලකැතිල නැකතේ සාමාන්‍ය ඇසට තාරකා හයක්‌ පෙනෙන නමුත් තම මරණයට ආසන්න වන විට තාරකා හතක්‌ පෙනෙන්නට ඇති බව කියනු ලැබේ.
ඉහත සඳහන් කරන ලද්දේ දර්ශන නිමිති අනුව ආයුෂ දැනගන්නා ක්‍රමයකි. මෙයට අමතරව ආයුෂ දැනගත හැකි ක්‍රමයක්‌ ලනාඩි ශාස්‌ත්‍රයල හෙවත් නළ ශාස්‌ත්‍රයේ දැක්‌වේ.
මෙම ශාස්‌ත්‍රය පදනම්ව ඇත්තේ හුස්‌ම ඉහළ පහළ වැටීම සිදුවන නාස්‌පුඩු අනුවය. කෙනෙකුගේ ශ්වසනය තම දකුණු හෝ වම් නාසාපුටයෙන් පමණක්‌ පැය 6 ක් සිදුවේ නම් ආයුෂ වර්ෂ පනහකි. පැය දොළහක්‌ තම ආයුෂ වර්ෂ 25 කි. පැය 18 ක් නම් ආයුෂ වර්ෂ 12 යි. පැය 24 ක් නම් ආයුෂ වර්ෂ 10 කි. එමෙන්ම දින 28 ක් එකම නාසා සාපුටයන් හුස්‌ම ගනී නම් ඔහු හෝ ඇය ඉදිරි දින 10 ඇතුළත අවසන් හුස්‌ම හෙලනු ඇත. මේ පිළිබඳ වැඩි විස්‌තර ලියුම්කරුගේ ලබුදුදහම හා ජ්‍යොතිෂයල ග්‍රන්ථයෙන් දැනගත හැකිය. මේ අතර ආයුෂ ගණනය කරන ක්‍රම ද ජ්‍යොතිෂයේ දැක්‌වේ. ඒවා ලවරන මිහිරල ආදී පැරණි ග්‍රන්ථවලින් දැනගත හැකිය. අප සාමාන්‍යයෙන් හිතන්නේ මිනිසකුගේ පරමායුෂ වර්ෂ 120 පමණ වන බවය. එහෙත් සමහර ග්‍රහ පිහිටීම්වලින් මීට වඩා ආයුෂ ඇති කෙනෙකු උපදවන බව ද වරාග මිහිර ග්‍රන්ථයේ සඳහන්ය. මේ එවැන්නකි.
ලග්නය සිංහ රාශිය වී එහි ගුරුද, සිකුරු කටකයේද බුධ කන්‍යාවේද පාප ග්‍රහයෝ 8, 6, 10, 11 ද සිටියේ නම් එකල උපන් මනුෂ්‍යයා වර්ෂ 1000 ක් ජීවත් වේ.
ආයුෂ කෙනෙකු මාතෘ ගර්භයේ පිළිසිඳගන්නා විටම තීරණය වන දෙයක්‌ බව ධර්මයේ සඳහන් වේ. මෙම ආයුෂයත්, ඌෂ්ණයත්, විඤ්ලුණයත් ශරීරයෙන් ඉවත්ව ගිය විට ඔහු හෝ ඇය මරණයට පත් වූවා යෑයි කියමු.
ජ්‍යොතිෂයේදී ආයුෂ ලග්නාධිපතිගෙන්ද, ශරීරය ලග්නයෙන් ද ඌෂ්ණය රවිගෙන් ද විඤ්ලුණය සඳුගෙන් ද පෙන්වයි. ඉහත රවි, සඳු, ලග්නාධිපති යන ග්‍රහයන් තම ලග්නයට ඇති සබඳතා දුර්වල වන දිනෙක මරණය සිදුවනු ඇත. නැතිනම් අපට වෙනත් සිරුරක්‌ කරා යන්නට සිදුවනු ඇත.
මරණය යන වචනයට අපි අකැමැත්තෙමු. එය බොහෝ දුර යෑයි අපි සිතමු. එහෙත් දිනෙන් දින ඒ මරණය අපි කරා පැමිණෙනු ඇත. මරණය යන වචනය පිළිකුල් කරනවාට වඩා එය සදාතනික සත්‍යයක්‌ ලෙස පිළිගැනීමට හුරුවීම ප්‍රඥගෝචරය. මරණානුස්‌සතිය ආනුභාව සම්පන්න භාවනාවකි.
කෑගල්ලේ සුනිල් කුමාර ගම්ලත්
උපුටා ගැනීම දිවයින පුවත් පත
