උපන් යෝගයෙන් ඔබේ පලාපල මෙහෙමයි !
විෂ්කම්භ, ප්‍රීති, ආයුෂ්මන් ආදී වශයෙන් යෝග සත් විස්‌සකි. ඔබ උපන් මොහොතේද මෙම යෝග විසිහතෙන් එක්‌ යෝගයක්‌ උදාව තිබුණු අතර ඒ කුමන යෝගය දැයි ජන්ම පත්‍රයෙහි සඳහන් කර තිබේ. පුරාණ ආචාර්යවරු විසින් උපන් යෝගය අනුව පලාපල විස්‌තර කර තිඛෙන ආකාරයට ඔබගේ දැන ගැනීම පිණිස ඒවා එකින් එක පහත විස්‌තර කෙරේ.
විෂ්කම්භ :
අසමසම වූ චිත්ත ශක්‌තියක්‌ද, දැඩි ආත්ම ශක්‌තියක්‌ද උපතින්ම උරුම කරගත් ඔබ දියුණුවට පත්වීමේ දැඩි අභිලාෂයකින් යුක්‌ත වේ. ආගමික කටයුතු සඳහා දැඩි නැඹුරුවක්‌ ඇතිවෙයි. දුරදක්‌නා නුවණින්ද, තියුණු බුද්ධියකින්ද යුක්‌ත වෙයි. මනා රූසපුවක්‌ වේ. දෙමාපියාදී වැඩිහිටියන්ටද කීකරු වේ. අන් අයගේ ගෞරවයට පාත්‍ර වේ.
ප්‍රීති :
ස්‌ත්‍රී පක්‍ෂය සමග පහසුවෙන් ආශ්‍රයට වැටේ. උසස්‌ සිතුවිලිවලින් යුක්‌ත වේ. සෑම කටයුත්තකදීම ශූර බවකින් යුතුය. සිය අරමුණ මුදුන්පත් කර ගනියි. සිතුම් පැතුම් වෙනස්‌ නොකරයි. අලංකාරයට විනෝදයට කැමැති වේ. විවිධ අංශ පිළිබඳ සහජ දස්‌කම් යෙදේ.
ආයුෂ්මන් :
ආත්ම ගෞරවය ආරක්‌ෂා වන අන්දමට කටයුතු කරයි. ප්‍රසිද්ධියට පැමිණේ. සැප සම්පත් ධන ධාන්‍ය හිමිකර ගනී. කලා අංශයට ලැදි බවක්‌ ඇති අතර ඒ පිළිබඳව සහජ හැකියාවන් තිබීමටද පිළිවන. දැඩි ආත්ම ශක්‌තියක්‌ සිත තුළ පවතී.
සෞභාග්‍ය :
නිතරම තමාගේ දියුණුව පළමුකොට බලයි. පොදු වැඩ කටයුතුවලට මැදිහත් වීමට ඛෙහෙවින් කැමැති වේ. ගරු බුහුමන් ලබන තත්ත්වයට පත්වේ. බොහෝ දෙනා වසඟයට පත්වන ශක්‌තියකින් යුක්‌ත වෙයි. බොහෝ කටයුතුවලට දක්ෂයකු වන අතර බලවතුන්ගේ ආධාර උපකාර ලැබීමටද හේතුයි.
ශෝභන :
කරදර බාධක ඇතත් ප්‍රමාණවත් ඉගෙනීමකට බලය යෙදේ. ඉක්‌මනින් කෝපයට පත් වන්නෙකි. තම යුතුකම් ඉටු කරන්නට වෙහෙසෙයි. හොඳින් හිතාමතා තීරණ ගනියි. ආකරෂණය ශක්‌තියක්‌ද වේ.
අතිගණ්‌ඩ :
අශුභ යෝගයක්‌ හැටියට සැලකේ. මෙහි මධ්‍යම කොටසෙහි උපදිතොත් සිය මව්ට අහිතකර බවද අවසානයේ උපදිතොත් පියාට අහිතකර බවද දත යුතුය. හුදකලාව ප්‍රිය කරයි.
සුකර්ම :
ආගම දහමට නැඹුරුය. යහපත් මාර්ගවලින් මුදල් උපයයි. අනුන්ට උදව් උපකාර කරන්නට නිතර සූදානම්ය. කාමුක ගතිය වැඩි වෙතත් චරිතයට කැළලක්‌ කර නොගනී. යුක්‌තිගරුක පුද්ගලයකු වන අතර සමාජය තුළ ගෞරවාදරයට පාත්‍ර වන්නෙකු වෙයි.
ධෘති :
දේපළ ඉඩකඩම් සහිත සැපවත් දිවියක්‌ ගත කිරීමට වාසනාව වේ. ගුණවතෙකු ලෙස හොඳින් ජීවත්ව සමාජයෙන් ගරු නම්බු ලබයි. කාර්යක්‍ෂම බුද්ධිමත් තැනැත්තෙකි.
ශුල :
බුද්ධිය අතින් ඉහළ තත්ත්වයකට පත්වේ. ආගමික භක්‌තියෙන්ද යුක්‌ත වේ. උගත් දෙයින් පල ප්‍රයෝජන ලබන හිස්‌ නැති ජීවිතයකි. එහෙත් ශරීර සනීපයට බාධා මතු කෙරේ.
ගණ්‌ඩ :
ශරීර සනීපයට බාධා වෙතත් එදිනෙදා මතුවන ගැටලු පහසුවෙන් විසඳීමට හැකි ශක්‌තියක්‌ යෙදේ. නිදහසට ඛෙහෙවින් ගරු කරයි. පටන් ගන්නා වීර්යයෙන් යුතුය. හෙවත් එක සමාන උනන්දුවකින් කටයුතු කරන්නට දක්‍ෂ වෙයි.
වෘද්ධි :
යහපත් පවුල් පරිසරයකට උරුමකම් කියයි. අන්‍යයන්ගේ සිත් ඇද බැඳ තබා ගන්නා මනා පෙනුමකින් යුක්‌ත වෙයි. කලා විෂයන් පිළිබඳ දැඩි ඇල්මක්‌ දක්‌වන්නෙකි. අන් අය සමග හවුලේ වැඩ කටයුතු කිරීමේ හැකියාවද තිබේ.
ධෘම :
සැප සම්පත් ලැබීමට හේතු වේ. ප්‍රධානත්වයකට, නායකත්වයකට පත්වීමට උත්සාහ කරයි. මනා ශරීර ශක්‌තියකින් යුතුය. ආත්ම ශක්‌තියද අඩු නොවේ. ස්‌ථිරසාර ආදායම් මාර්ගයක්‌ ඇති කරගන්නා අතර උපන් තත්ත්වයකට වඩා දක්ෂයකු ලෙස සමාජයේ කැපී පෙනෙන තත්ත්වයකට පිවිසෙයි.
ව්‍යාඝාත :
දැඩි ආත්මාභිමානයකින් යුතු අයෙකි. නායකත්වය පතා කටයුතු කරයි. ඕනෑම විෂයයක්‌ ගැන සහජ දැනීමක්‌ වේ. ආත්ම ගෞරවය කෙලෙසන පහත් වැඩ නොකරන හෙයින් අන්‍යයන්ගේ ගෞරවාදරයටද පාත්‍ර වේ.
හර්ෂණ :
බොහෝ ශිල්ප ශාස්‌ත්‍රයන්හි නිපුණයෙක්‌ වෙයි. විනෝදයට සැප සම්පත් විඳීමට බලවත් ආශාවක්‌ උනන්දුවක්‌ තිබේ. ප්‍රසිද්ධියක්‌ ලැබීමට හැකිය. ගති පැවතුම් යහපත් වේ. රජයෙන් මෙන්ම ප්‍රභූ පුද්ගලයන්ගේද ආධාර උපකාර ලබයි. උසස්‌ තනතුරු පදවි ලැබේ. ධනය වස්‌තුවද ලැබේ.
වජ්‍ර :
විරුද්ධ පාර්ශ්වයේ අවධානය දිනා ගැනීමට ඔබට ඇත්තේ සුවිශේෂ හැකියාවකි. තත්ත්වය උසස්‌ කර ගැනීමට බලවත් උත්සාහයක්‌ දරයි. එසේ කර ගැනීමටද හැකිය. ඉගෙනීමට වඩාත් කැමැති වේ. දියුණුවටද යහපත්ය.
සිද්ධි :
හොඳ පරාර්ථකාමියෙකි. පින් දහම්හි හැසිරෙයි. පෙර පිනද වේ. නොපසුබට උත්සාහය, එඩිතරකම ඇති අයෙකි. බොහෝ ක්‌ෂේත්‍රයන් පිළිබඳව දැනුම ලබාගනී. නමුත් මානසික රෝගාබාධ ඉස්‌මතු විය හැකිය.
ව්‍යාතිපාත :
අශුභ පලදෙන යෝගයකි. විවිධාකාරයේ බාධා ඇති වෙයි. චිත්ත පීඩාද උරුම වන අතරේ උත්සාහයන්ද කඩාකප්පල් වීමට හේතුයි. වරින් වර තීරණ වෙනස්‌ කරයි.
වාරියන් :
කාව්‍යකරණය, චිත්‍ර ශිල්පය, සංගීතය ආදී කලා ශිල්පයන්හි නිපුණයන් වීමට වාසනාව තිබේ. ඒ පිළිබඳ දැඩි ඇල්මක්‌ද, උනන්දුවක්‌ද දක්‌වන්නෙකි. ඉතා ප්‍රසිද්ධ කෙනකු සේ ජීවිතය ගතකරයි. නීතිගරුක හැමවිටම සාධාරණය ඉටු කිරීමට පෙළඹෙයි.
පරිඝ :
දෙමාපිය ගුරුවරාදීන්ට ආදර ගෞරව දක්‌වයි. උපන් තත්ත්වයකට වඩා ප්‍රබල වේ. සංගීතයට ඇලුම් කරයි. හොඳ කවිකාරයෙකි. වචන ශක්‌තිය ප්‍රබලය. බුද්ධිමත්ව කටයුතු කරන අතර ඕනෑම විෂයක්‌ කෙරෙහි දැනුම ඇත්තෙකි.
ශිව :
ආත්ම ගෞරවය ආරක්‌ෂා කරගනී. ඉගෙනීමද හොඳයි. ආගම් ධර්ම ගැන හොඳ අවබෝධයක්‌ ඇත්තෙකි. සතුරන්ගෙන් තොරව යහපත් ප්‍රීතිමත් දිවියක්‌ ගතකිරීමේ භාග්‍ය උදා වේ. කීර්තිමත් පුද්ගලයෙකුද වේ.
සිද්ධ : ඥණ ශක්‌තිය, ධාරණ ශක්‌තිය පවතී. ගුණ යහපත්කමින් යුක්‌ත වේ. ස්‌ත්‍රී පාර්ශ්වයේ ආශ්‍රයද, ඔවුන්ගෙන් උදව් උපකාරද හිමිකර ගනී. දියුණුව සඳහා බාධක බිඳගෙන ඉදිරියට යයි. සැපවත් ජීවිතයකි.
සාධ්‍ය :
අනුන්ගේ දුකට පිහිට වේ. සමාජ ගෞරවය ලබයි. රැකීරක්‍ෂා ව්‍යාපාරාදී කටයුතුවලට ශුභපල යෙදේ. ගුරුවරු දෙමාපියාදීන්ට හිතවත්ය. ප්‍රසන්න පෙනුමෙන් යුක්‌ත වේ. ආර්ථික ශක්‌තියෙන්ද මානසික ශක්‌තියෙන්ද පොහෝනා කෙනෙක්‌ වෙයි.
ශුභ :
තමාගේ දක්‌ෂතා නිසා සමාජයේ ඉහළින් කැපී පෙනෙයි. යහපත් මාර්ගවලින් මුදල් උපයයි. තමා විසින්ම ආර්ථික ස්‌ථාවරත්වය දියුණු කරගනී. උගත්කම දැනුම ඇති අයෙක්‌ වෙයි. ලෝභ නැත.
ශුභ්‍ර : දැනුම, බුද්ධිය යහපත්ව යෙදේ. චින්තන ශක්‌තියෙන් දියුණුය. මනා පෙනුමෙන් යුක්‌ත වන අතර කාර්යශූරකම ද වේ. ධනය ඉපැයීමටද දක්‌ෂය. කුමන අභියෝගයක්‌ වුවද බාර ගැනීමට සමත්ය.
බ්‍රහ්ම :
නොයෙක්‌ ශිල්ප ශාස්‌ත්‍රාදීන් ප්‍රගුණ කරන්නෙක්‌ වෙයි. තම උත්සාහයෙන්ම දියුණු වීමට බලයි. ආගමික අංශයේ උසස්‌ අය ඇසුරට ලැබේ. ගුණවතෙකු ලෙස සමාජයේ ගෞරවයට පාත්‍ර වේ.
මහෙන්දා :
දියුණු මනසකින් යුක්‌තය. උපන් තත්ත්වයට වඩා බොහෝ දුර යයි. ගුණධර්ම දනී. සතුරු බලය බිඳගෙන ජයග්‍රහණය කරා පිවිසෙයි. ඉන්ද්‍රිය සංවරය, අධ්‍යාපනය අතින් ඉහළ තැනකට පත්වේ.
වෛධෘති :
අශුභ පලගෙන දෙන්නා වූ යෝගයක්‌ හැටියට සැලකේ. සමාජයේ පිළිනොගන්නා පුද්ගලයෙක්‌ වෙයි. අලසය. මානසික වශයෙන් පිරිහෙයි. නිරෝගීකමේ අගය නොදන්නා අතර ශරීර සනීපය ගැනද තැකීමක්‌ නොවේ.
බණ්‌ඩාරවෙල මංජුල තරුකෙම
උපුටා ගැනීම දිවයින පුවත් පත
.jpg "සහකරු සහකාරිය ගැන හත්වැන්නෙන් දැනගන්න")
