ඔබේ දරුවාගේ මාරක අපල සප්තාම්ශ කේන්ද්‍රයෙන් හඳුනා ගනිමු
දරුවන් සම්බන්ධ සප්තාම්ශ කේන්ද්‍රයෙන් බැලිය යුතුමය. දරුවන් කී දෙනෙක්‌ ලැබේද? නොලැබේද? නපුංසකද, විවාහය සිදුවන්නේ කවර කාලයේදීද, දරුවන් ලැඛෙන්නේ කවර කාලයකදීද ආදී තොරතුරු උදා ලග්නයෙන් පමණක්‌ බැලිය නොහැකිය. ඔබේ ජන්ම පත්‍රයේ සැඟවී ඇති ජන්ම පත්‍රවලින් එකකි සප්තාම්ශ කේන්ද්‍රය.
ඔබේ ජන්ම පත්‍රයේ එක්‌ රාශියකට අංශක තිහක්‌ තිබේ. මෙය හතෙන් ඛෙදීමෙන් සාදා ගන්නා කේන්ද්‍රයට සප්තාම්ශ කේන්ද්‍රයෑයි කියනු ලැබේ. මේ අනුව එක්‌ කොටසක ප්‍රමාණය අංශක හතරයි, කලා 17 යි විකලා 8.04 වේ.
මෙය ගිණිය යුතු නීති රීති ඇත. ඉහත ගණනය කළ පරිදි උපන් මොහොතට අදාළ අංශකය හෝ ග්‍රහයන් සිටි අංශක ඔත්තේ රාශියක්‌ නම් ඒ රාශි නාමයෙන්ද, ඉරට්‌ටේ රාශියක්‌ නම් ඒ රාශි නාමයෙන්ද ගත යුතුය. මේෂ, මිථුන, සිංහ, තුලා, ධනු, කුම්භ ඔත්තේ රාශි වන අතර ඉතිරි රාශි ඉරට්‌ටේ රාශි යනුවෙන් හඳුන්වයි.
දරුවා ඉපදෙන කාලය පවා සප්තාම්ශ කේන්ද්‍රයෙන් බලාගත හැකිය. එපමණක්‌ද නොව තම දරුවන්ට සරසවි වරම් ලබා උසස්‌ රැකියාවක්‌ ලැබේද? නැද්ද? පිළිබඳවද සප්තාම්ශ කේන්ද්‍රයෙන් බැලිය යුතුමය.
මේ හා සමාන සප්තාම්ශ කේන්ද්‍ර 1963 මැයි මස තෙවැනි සතියේ එක්‌තරා දිනක උපන් දෙපාර්ශ්වයටම ඇත. දැන් ඔබ සියලු දෙනාගේ ජන්ම පත්‍රවල සප්තාම්ශ කේන්ද්‍රය නොමැති බව ලේඛකයා දනිමි. ජ්‍යොතිෂවේදියකු ලවා සප්තාම්ශ කේන්ද්‍රය සාදා ගන්න.
1 මේෂ, 2 වෘෂභ, 3 මිථුන, 4 කටක, 5 සිංහ ආදී වශයෙන් රාශි හඳුනා ගැනීම සඳහා සප්තාම්ශ කේන්ද්‍රයේ අට වැන්නේ අංක එක සටහන් කරමින් ඉදිරියට අංක සටහන් කර ඇත.
දැන් ඔබේ ජන්ම පත්‍රයේ සප්තාම්ශ ලග්නය කුමක්‌ හෝ වේවා ධනු රාශියේ ගුරු රාහු සිටී දැයි පරීක්‍ෂා කරන්න.
චන්ද්‍ර කේතු මිථුන රාශියේ (අංක 3) සිටී දැයි බලන්න. ඒ අයට කුමන හෝ දුක්‌ පීඩාවක්‌, වේදනාවක්‌ අනිවාර්යයෙන් ලබාදේ. විවාහයෙන් වෙන් කිරීමේ ප්‍රවණතා තිබේ. වැන්දඹු කිරීමේ ප්‍රවණතා තිබේ. හදිසි අනතුරු, වාහන අනතුරු ශල්‍යකර්මවලට පවා බඳුන් කළ හැකියි.
මෙවැනි ජන්මීන්ට 2014 ජුලි මාසයට පෙර කුමන හෝ දඬුවමක්‌ දීමේ ප්‍රවණතා වැඩිය.
මෙවැනි යුවතියන් රැකියාවක්‌ කරන්නේ නම් ආයතනික කාමාතුරයන්ගේ චාටු බස්‌ වලට රැවටී එය ස්‌වාමියාට හසු වීමේ ප්‍රවණතා තිඛෙන බවද සිහි තබා ගෙන මෙම කාලය තුළ ප්‍රවේසම් විය යුතුමය.
මගේ රත්තරං පුතේ යනුවෙන් පියා පවසන විට ඔහු ඉදිරිපිට දීම ඇතැම් යුවතියන් සිනාසෙයි. හේතුව දරුවාගේ උප්පැන්නයට පමණක්‌ පියාගේ නාමය දී ඇති බව එම යුවතිය දන්නා නිසාය.
මේ පිළිබඳ සප්තාම්ශ කේන්ද්‍රයේ උප පදය පතිත වූ ස්‌ථානය හා අනෙකුත් ග්‍රහයන් පතිත ස්‌ථාන අනුව පැවැසිය හැකිය.
පොලිසි, උසාවි, බන්ධනාගාරයට යැම, සියදිවි නසා ගැනීමට එල්ලීම, වසබීම, අතපය කඩා දැමීම, ආදී අවිද්‍යාව තුළ මංමුළා වූ ක්‍ෂණික මෝඩ තීරණ ගැනීමට හේතුව පෙර ආත්මවලදී කලත්‍රයාට දරුවන්ට දෙපාර්ශවයේ ඥතීන්ට කරන ලද කෙනෙහිලිකම් පළිගැනීම් නිසාය.
දරුවන් පිළිබඳ උදා ලග්නයෙන් පස්‌වැන්න සහ පහ අධිපති පමණක්‌ ගැන ලිවීම අශාස්‌ත්‍රිය කරුණකි.
දරුවන් පිළිබඳ උප පදයෙන් පස්‌වැන්නද නවාංශකයේ උප පදයෙන් පස්‌වැන්නද සප්තාම්ශ කේන්ද්‍රයේ උප පදයෙන් පස්‌ වැන්නද පුත්‍ර කාරක ගුරුද ගුරු සිටි තැනින් පස්‌ වැන්නද බැලිය යුතුමය. උත්පාදනය නොහොත් පැටව් බෝ කිරීමේ වගකීම රවි නොහොත් සූර්යයා දරයි. මේ පදනම මත සූර්යයා සිටි ස්‌ථානයද ඉන් පස්‌වැන්නද, ගැබ ආරක්‍ෂා කිරීමේ වගකීම චන්ද්‍රයා නොහොත් සඳු දරන නිසා සඳු සිටි ආකාරයද, ඉන් පස්‌වැන්නද බැලිය යුතුමය.
කේ. එච්. සරත් මහින්ද
උපුටා ගැනීම දිවයින පුවත්පත
