ශක්‌තිය දෙන දීප්ත ග්‍රහයෝ
ග්‍රහයො දීප්ත වෙනව කියන්නේ ජීවිතය දීප්තයි කියන එක නේ. අද අපි බලන්නෙ මිථුන ලග්න කරුවන්ට කොහොමද ග්‍රහයන් දීප්ත වෙන්නේ කියල.
මේ ලග්නය වායු ගනයට තමයි අයිති. වායු ඉතිං ආවා ගියා නේ. ස්‌ථිර නැහනේ මේකත් එහමයි. ඒ කියන්නේ ස්‌ථිරත් නැති අස්‌ථිරත් නැති උබය ග්‍රහයෙක්‌නේ. හරියට අර මඩේ හිටවපු ඉන්න වගේ තමයි. මෙයාල කරන්නේ එකක්‌. කියන්නේ තව එකක්‌. ඒ වගේම තමයි එකක්‌ කරන ගමන් තව දාහක්‌ ජාති හිතනවා. සිතුවිලිවල අරමුණක්‌ නැති නිසාම ලෝකයේ ප්‍රසිද්ධ චින්තකයොත් මේ ලග්නයෙන් අඩුයි. මේ වෙනස්‌වීම ඒ ලග්නය පෙන්නන රූපයෙන් උනත් පේනවනේ. ඒ කියන්නේ ගැහැණියකුත් මිනිහෙකුත් දෙන්නෙක්‌ එකට ඇඳපු රූපයක්‌ තමයි තියෙන්නේ. මේ දෙන්න එකට ඉන්න කොට කොහොමත් එක අරමුණක යන්න අමාරුනේ. ඒ කියන්නේ මේ දෙන්න හුදකලාව තිබ්බොත් දන්නවානේ වෙන දේ. ඕනම දේවල් අමතක කරනවා. ඕන නැති දේවල් කරනවා. මෙයාලත් එහෙමයි ලොකුවට පටන් ගන්නවා. ඒ වගේම වේගයෙන් අත්හරිනවා. කියන්නේනම් හරි කරන්නම් කියල තමයි. ඒත් කරනකම් විශ්වාස නැහැ. මේ ගති පාලනය කරන්න තමයි උපතේ දී මෙයාලගේ ග්‍රහයන් දීප්තව ඉන්න ඕන. ඒත් මිථුන ලග්නයට ග්‍රහයො දීප්ත නැහැ. ඒ කියන්නේ ලග්නෙත් දීප්ත ග්‍රහයො නැහැ කියන එකනේ... ඒ හින්දම තමයි මේ සිතුවිලි වෙනස්‌ වෙන්නේ.
මේ ලග්න කරුවන්ට ගුරු 02 වැනි භාවයේ උපතේදී තැන්පත් වෙලා ඉන්නවනම් දීප්තයි. හොඳ සමාජ සම්බන්ධතාවක්‌ පෙන්නනවා. පවුලේ සාමය සමඟිය පවතිනවා. අතමිට හිඟවෙන්නේ නැහැ. ඕන දේට කොහෙන් හරි ලැබෙනව. හොඳ ආගමික සම්බන්ධතා පවත්වා ගන්නවා. එයින් ලොකු ආදායමක්‌ ලබනවා. ඒ කියන්නේ දහම් පොත්පත් අලෙවිය. පිරිකර කඩ කරගෙන යැම වගේ දේවල් හොඳට සරු දකිනවා. හැබැයි මෙතන ආදායම් සීමාව පන්නන්න බලන්නේ නැහැ. මොකද ඕනවට වැඩිය ලෞකික සම්පත් ලැබීමත් පිරිහීමට හේතුවක්‌ නේ.
මිථුන ලග්න කරුවාගේ තුන්වැනි භාවය අයිති රවිට. මෙතන උච්ච ප්ලුටොට තමයි. ඒත් ගොඩක්‌ දුර ඉන්න වාමන ග්‍රහයෙක්‌ගෙන් ලොකු වෙනසක්‌ බලාපොරොත්තු වෙන්න අමාරුයි. හැබැයි මෙතන ඉන්න ප්ලූටෝ තම වංශය අතර බබලවන කෙනෙක්‌ කරන්න බලනව.
මිථුන ලග්න කරුවාගේ හතරවැනි භාවයේ බුධ ඉන්න එක දීප්තයි. ඒ වගේම මේ නිසාම භද්‍ර කියන පංචමහා පුරුෂ යෝගයෙන් එකක්‌ද ලබනවා. උගත්කම පිහිටනවා. ඒ උගත්කමට යන යන තැන සල්ලිය බාගේ ඉඩකඩම් දේපළ ලැබෙනව. හැමෝ ගෙන්ම වාසියක්‌ තමයි ලැබෙන්නෙ.
බොහෝ දෙනා හිතන්නේ සෙනසුරා කොහාටත් නරකයි කියලනේ.
හැබැයි මිථුන ලග්න කරුවාගේ 05 වැනි භාවයට සෙනසුරු නරක නැහැ. ඒ වගේම දීප්තයි. මේ භාවය වර්තමාන පින් පෙන්වන තැනනේ. මෙතන සෙනසුරු ඉන්නකොට ඉගෙනීම පිහිටවනවා. හැම දෙයක්‌ම හොඳින් ග්‍රහණය කර ගන්නවා. කරවන අයෙක්‌ නොවෙයි කරල පෙන්වන අයෙක්‌ තමයි මෙතන සෙනසුරු හදන්නේ. ඒක නිසා ඔය මිථුන ලග්නෙ ජනප්‍රිය වැඩකාරයො බොහෝ දෙනෙක්‌ට මේ පිහිටීම තියෙනව. දරුවන්ට නම් ටිකක්‌ අපලයි.
අපලයි කියන්නේ තමා අභිබවා යන්න දරුවන්ට අමාරුයි කියන එක. ඒත් ගොඩක්‌ අම්මල තාත්තලගෙ එකම අරමුණ තම දරුවා මුළු ලෝකයේම බැබලෙනවා දැකීම නේ.
හය වැනි භාවය කියන්නේ ඕනම කෙනෙක්‌ගේ සතුරො ගැන වගේම ලෙඩ රෝගත් පෙන්වන තැනනේ. මෙතන අයිතිත් අඟහරුට. ඒ කියන්නේ මෙතන මේ ලග්න කරුවාට ටිකක්‌ බලපාන තැනක්‌ වෙනව කියන එකනේ. හැබැයි මෙතන උපතේ දී ඉන්න කේතුයි යුරේනෂුයි දෙන්නම දීප්තයි. කේතු හතුරො පෙන්නල දෙනවා. ඒ වගේම යුරේනෂ් උනත් හොඳට හොඳයි. හැබැයි නරක්‌ උනොත් තමයි නරක. මෙතන ඉන්න කේතු බොහෝවිට පෙන්නල දෙන්නේ සංසාර ගමන සුවපත් කරන්න හරස්‌වෙන හතුරො තමයි. හැබැයි ටිකක්‌ කලබලකාරයෙක්‌ එක්‌ක එකතුවෙන යුරේනෂ්නම් ඔය කාලයක්‌ එක්‌තැන් කරන්න බලනවා.
සාමාන්‍යයෙන් ඕනම කෙනෙක්‌ 07 බොහොම වැදගත් විදියට සලකනව. ඒ වෙන මොකවත් නිසා නොවෙයි. ඔය කසාදයට බලන ප්‍රධාන තැනක්‌ වෙන්නේ 07 කොටුව නිසා. හැබැයි මිථුන ලග්න කරුවාගේ 07 ට දීප්ත ග්‍රහයෝ නැහැ. ඒකට ඉතිං හිත නරක්‌ කර ගන්න ඕන නැහැ. මොකද මේ ලග්න කරුවාට හත දීප්ත ඕනම කෙනෙක්‌ ගැලපෙනවා. ඒ කියන්නේ මේ ලග්න කරුවාගේ විවාහය වාසනාවන්තයි. වාසිදායක ගනුදෙනුවක්‌ වෙනවම තමයි.
මිථුන ලග්න කරුවාගේ 08 වැනි භාවයේ කුජ දීප්තයි. මෙතන අයිතිත් සෙනසුරුට. ඒ වගේම මේක භෞම දොaෂයක්‌ විදියටත් සලකනවා. මේ පිහිටීමේ එක හොඳක්‌ තියෙනවා. හිත හිත ඉන්නේ නැතුව ඕන දේකට මූණ දෙනව. හැම දෙයක්‌ම කරන්නේ හරි කලබලෙන්. හැබැයි ඒව හරියනවා. ඒ කියන්නේ මෙයාල ඔය හිතුවක්‌කාරෙට කරන වැඩ හරියනව කියන එකනේ. හවුල් වැඩත් හරියනව. හැබැයි හවුල්කාරයො නිතර ඉන්නේ කනස්‌සල්ලෙන්. ඔවුන්ට පාඩු වෙන්න තියෙන ඉඩකඩ මෙයින් වැඩි බව පේනවා. විවාහය උනත් පරක්‌කු වෙන්න තියෙන ඉඩකඩ තමයි වැඩි.
මේ ලග්න කරුවාගේ 10 වැනි භාවයේ සිකුරු උපතේදී තැන්පත් නම් දීප්තයි. මෙයාලට කාන්තාවන්ගෙන් හරි ඉල්ලුමක්‌ තියෙන්නෙ. ඒ වගේම ආගමික සම්බන්ධතාත් බොහොමයි. රජයේ ලැබීම්ද සහිතයි. රස්‌සාව උනත් මේ වගේ දේකට තමයි සම්බන්දෙ වැඩි. ඒ කියන්නේ ආණ්‌ඩුවේ රස්‌සාවක්‌නම් වනිතා කටයුතු අමාත්‍යාංශය. එහෙමත් නැත්නම් එය කාන්තාවන්ට වෙන් වුණ රාජ්‍ය නොවන සංවිධානයක. නැත්නම් මහිලා සමිතියක උනත් ගිහින් වාඩිවෙලා හිටියත් කතා කරල තනතුරුත් දීල ආදායමක්‌ ලැබෙන්නත් හදල දෙනවා. ඒ වගේම තාත්තට උනත් මේ පිහිටීම හොඳයි. තමා නිසා කාන්තාවන්ගෙන් තාත්තට උදවු උපකාර ලැබෙනවා. හැබැයි කවදාවත් පියාට තමා ඉක්‌මවා යන්න ලැබෙන්නේ නම් නැහැ. ඒ වගේම පින්වන්තයි. දසසිල් මාතා ආරාම හදන්න වගේම ඒවා දියුණු කරන්නත් හිතනවා.
මෙයාලගේ එකොළොස්‌ වැන්නේ රවි ඉන්නවානම් ඒකත් දීප්තයි. හැබැයි බලන් ඉන්න අය කියන්නේ මහ ආඩම්බරකාරයො කියල. හිත යටින් ඊර්ෂ්‍යා කරනවා. ඒත් මුහුණට මොකුත් කවුරුත් කියන්නේ නැහැ. ඒක උපතින්ම ආපු පෞර්ෂයක්‌. ආදායම් උපයන්නත් මේක හේතුවෙනවා. මෙතන අයිති අඟහරුට. මෙතන රවි ඉන්නව කියන්aනේ අර සෙන්පතියෙක්‌ගේ ගෙදරට සේනාධිනායකය ගියා වගේ තමයි. බොහෝ දෙනෙක්‌ හිතනව වගේ මෙතන හරි බලගතු තැනක්‌. මෙතන ඉන්න රවි රජයේ ලැබීම් පෙන්නනවම තමයි. ඒ වගේම ඒව ලැබෙන්නෙත් රජුන්ගෙන් වීම විශේෂයි.
මිථුන ලග්න කරුවාට 12 වැන්නේ සඳු හා රාහු උපතේදී ඉන්නවනම් දීප්තයි. මේ දෙන්න එකට ඉන්නවා බොහොම අඩුයිනේ. අනික දෙන්නා පස මිතුරුනේ. හැබැයි මෙතන සඳු හොඳයි. මෙතන දීප්තව ඉන්න සඳු සිතුවිලි යහපත් කරනව. ඒ වගේම හොඳට නින්ද යනව. ඕනම දේකට නොසැලී ඉන්න ධෛර්යය ලැබෙනව, ඒ විතරක්‌ නොවෙයි චිත්ත පීඩා දරාගන්නවා. කොටින්ම මහමේරු පර්වතය වගේ ඕනෑම දුකකදී නොසැලී ඉන්නවා. හැබැයි 12 රාහු ඉන්නවනම් ලැබීම සීමා වෙලා නැහැ. ඒ කියන්නේ එයා ලෝකෙටම වැදගත් කියන එකනේ, ලැබෙන්නේ ලෝකයෙන්. ඉතින් මෙයාල මෙයාලත් නොදැනීම තමාට වගේම ගමට රටට හොඳ සම්පතක්‌ වෙලා. මිථුන ලග්නය ගත්තහම පේන දෙයක්‌ තමයි ලග්නයට 07 වැනි භාවයට වගේම නව වැනි භාවයටත දීප්ත ග්‍රහයො නැහැ කියන එක. මේ තුනම වැදගත් තැන්. හැබැයි මෙතෙන්නට දීප්ත ග්‍රහයො නැහැ කියල පසුතැවෙන්න ඕන නැහැ. මොකද දීප්ත කියන්නෙත් ග්‍රහයන්ගේ එක තත්ත්වයක්‌ විතරයිනේ. තව ග්‍රහයන්ගේ තත්ත්වයන් 09 ක්‌ තියෙනවා. මේ තත්ත්ව 10 න්ම දෙන්නේ ග්‍රහයන්ගේ එක්‌ එක්‌ ආකාරයේ හොඳ නරක. ඒක නිසා මේ ග්‍රහයො කොහොම හිටියත් අපට අනුන්ගේ දුකකදී දුක වැටහීම හොඳයි. පිහිටක්‌ වෙන්නෙත් ශක්‌තිය තියෙනවනම් පිහිටවෙන එකත් හොඳයි. අනුන්ගේ සැපතක්‌ බලල සතුටු වෙනවනම් ඊටත් වැඩිය හොඳයි. කාටහරි මා දුටු යමක්‌ කරල ඔහු ඒකෙන් සතුටුවෙනව දැකල හැබෑවටම සතුටු වෙනවනම් ඊටත් වැඩිය හොඳයි. මේ ගුණාංග සංසාරය පුරා ගේන්න ඕන. ඒ වගේම මේ භවයෙත් පුරුදු කරන්න ඕන. එතකොට උපතේදී ග්‍රහයො කොහොම හිටියත් ග්‍රහයන්ගේ ගෝචර ගමනේ දී එයාල ඔයාලට... හොඳම තමයි කරන්නෙ. මේ වගේම තවත් දවසක කටක ලග්නෙ දීප්ත ග්‍රහයො එක්‌ක හමුවෙමුකෝ.... එතෙක්‌ ඔයාලට තෙරුවන් සරණයි!
හෝමාගම ජී. සමරප්පුලිගේ
උපුටා ගැනීම දිවයින පුවත්පත
