ජනවාරි මාසයේදී උපන් ඔබට හිමි ගතිගුණ
අපි දහදෙනෙක් ගත්තොත් ඒ දහදෙනාගේ ගති සොබාවන් විවිධයි. නමුත් එකම මාසයක උපන් අයගේ ගතිගුණවල යම් යම් සමානතාවන් තිබෙන බව පැවැසෙනවා. ජනවාරි මාසයේ පටන් අපි මේ අය ගැන සොයා බලමු. හොඳයි ඔබ උපන්නේ ජනවාරියේද? බලන්න එහෙනම් මේ ගතිගුණ ඔබටත් හිමිද කියලා.
මහන්සි වී වැඩ කරන්න කැමැති ඔබ බොහොම සංවිධානාත්මක කෙනෙක්. පරිපාලනයට දක්‍ෂයි. ඒ වගේම සිතාමතා කටයුතු කරන කෙනෙක්.
හරිම සංවේදීයි. හැඟීම්බරයි. පුංචි ළමයින්ට ආදරෙයි. ඔබ ඔබේ කුඩා කාලයේ සිටම නායකත්ව ගතිගුණ පෙන්වූ අයෙක්. ඒ වගේම ඔබේ ආත්මශක්තිය හරිම ප්‍රබලයි. නිවැරැදි හා ඉලක්කය කරා හඹා යන මාර්ග සහ ක්‍රියාපිළිවෙත් තෝරාගන්නට ඔබ නොපසුබටයි.
ඔබේ සංවේදී සිත නිසා ඔබ හුඟාක්ම කැමැතියි ඔබේ ආදරවන්තිය හෝ ආදරවන්තයා ඔබේ හැඟීම් වටහා ගන්නට පුළුවන් කෙනෙක් නම්. එහිදී ඔබ අපේක්‍ෂා කරන්නේ ඔබේ ඉස්මතුවීම. එය ආත්මාර්ථකාමීකමක් නොවේ. ඔබේ හැඟීම් ඔවුන් වටහා නොගත්තොත්, ඔබ බෙහෙවින් කම්පා වෙනවා. ඒ ඔබ සංවේදී කෙනෙක් නිසයි.
ඒ වගේම ඔබ ඉතාම හැඟීම්බර කෙනෙක්. සුළු දේකින් පවා කලබල වෙලා මානසික අසහනයකට සහ හිතේ සාංකාවට පත්වීමේ නැඹුරුවක් තිබෙනවා. හරිම පහසුවෙන් මානසික බිඳවැටීම්වලට ලක්වෙන අයෙක්.
ඒ වගේම ඔබ හරිම අවිවේකී අයෙක්. ඔබට තිබෙන්නේ යහපත් සංකල්පනාවක්. ලිවීම, කියවීම, ගායනය වැනි අංශවලට දක්‍ෂතා දක්වනවා. සමාජශීලීයි.
ඉතාම තියුණු පරිකල්පනා ශක්තියක්ද ඔබට හිමියි. පරෙස්සම් වන්න. ජීවිතයේ කිහිප වතාවකම බිඳවැටීම් සිදුවන්න පුළුවන්.
සෘජුයි. අවංකයි. අසීරු වැඩකටයුතු පවා සන්සුන්ව තනිව කිරීමට ඔබ සමත්. පිරිසක් සමඟ එකතුවෙලා සහයෝගයෙන් වැඩකරන්නත් ඔබ දක්‍ෂයි. නමුත් ඔබ හුඟාක් වෙලාවට බලන්නේ තනිවම වැඩකරගන්න.
ඔබ අලුත් අලුත් අදහස් ඉදිරිපත් කරනවා. වෙනස්වීමට කැමැතියි. සංචාරය කරන්නත් කැමැතියි. ක්‍රමයෙන් දියුණුවන ඕනෑම දෙයකට පහසුවෙන් හැඩගැහෙන්න ඔබට පුළුවන්. නමුත් ඔබ ගන්නේ ඉක්මන් තීරණ. ටිකක් කලබලයි.
කිහිප අවස්ථාවකදීම ඔබට නායකත්වය හිමි වුවත් සමහර අවස්ථාවලදී ඔබ එය අත්හැර දමන්නට ඇති. ව්‍යාපාර කටයුතු කිරීමේදී විවිධ ගැටලුවලට මැදිවෙන්න පුළුවන්.
අනෙක් පැත්තට බැලුවොත් ඔබ ඔබේ උනන්දුව අඩුකරගෙන විවිධ බාහිර ප්‍රශ්න පිළිබඳ ආකූලතා ඇති කරගැනීමට පෙලඹෙනවා. ඒ වගේම ජීවිතය පුරාවටම විටින් විට බිඳවැටීම්වලට මුහුණ දීමට සිදුවෙනවා. නිවැරැදියි කියා එහෙම සිතලා ඔබ සිදුකරන ඇතැම් දේවල් නිසා සමහරුන් පීඩාවට පත්විය හැකිය. අන්න ඒක නම් ඔබේ දුර්වලකමක්.
හැබැයි, ඔබ හැම වෙලාවටම අනෙක් අයගේ දුර්වලකම් දිහා ඇහැගහගෙන ඉන්නේ. අනෙක් අයගේ ඇද කුද සොයන්න ඒවා ගැන කියන්න බොහොම කැමැතියි. සමහර අවස්ථාවල තරමක් මුරණ්ඩු ගති ලක්‍ෂණත් පෙන්වනවා. ඒ වගේම ඔබ දැඩි මතධාරියෙක් විදියට හඳුන්වන්න පුළුවන්.
හැබැයි අනෙක් අයගේ සිත් රිදවන්න නම් ඔබ අකැමැතියි. ඒ නිසා අන්‍යයන් හා එකමුතුකම පවත්වාගන්න ඔබ නිහඬව වෑයම් කරනවා. බොහෝ විට ඔබ ජයග්‍රාහී පුද්ගලයෙක් විදියට හඳුන්වන්න පුළුවන්.
මහනුවර - සිසිත මධුෂාන් 0719097850
උපුටා ගැනීම මව්බිම පුවත්පත
