This site has features that require javascript. Follow these simple instructions to enable JavaScript in your web browser.
Sithmal Yaya
ලග්නයට හිමි රැකියාව - අද මීන ලග්නය
හෝටල් ක්‍ෂේත්‍රයෙන් වාසියි ප්‍රවීණ ජේ‍යාතිර්වේදී සරත්චන්ද්‍ර බෝතලාගේ මීන ලග්නයට ලග්නාධිපති වන ගුරු ග්‍රහයාම දහ වැන්න වන කර්මස්ථානයටද හිමිකම් කියයි. ඔබගේ ගුරු දහ වැන්න තුළ සිටී නම් ගුරු හංස යෝගය උදාකරන අතර, හොඳ රැකියාවක් ලැබීමටද භාග්‍ය උදා කරයි. ගුරු වෘත්තිය, මැති ඇමැතිවරුන් හා රාජ්‍ය අංශවල ඉහළ තනතුරු දරන අය බිහිකරන පිහිටීමකි. අවංකව රැකියාව කරන අතර, කාලය අපතේ නොයවයි. තමන්ගෙන් ඉටුවිය යුතු යුතුකම් ඒ අයුරින්ම ඉටුවෙයි. සිකුරු දහ වැන්න තුළ නම් ව්‍යාපාරවලට හා රෙදිපිළි ආශි්‍රතව කරන රැකියාවකට යොමු කරයි. විසිතුරු භාණ්ඩ නිර්මාණය මඟින් කලා ක්‍ෂේත්‍රය හා හෝටල් කර්මාන්තවලින් ධනය ඉපැයීමට හැකියි. ඔබ කටක, සිංහ, කන්‍යා ලග්න හිමි අයකු නම් රැකියාවට වරින් වර කරදර ඇති කරයි. ශනි ග්‍රහයා දහ වැන්න තුළ නම් විදේශ ගමන්වලට හිමිකම් දරයි. ප්‍රමාණවත් මුදලක් රැකියාව තුළින් ලබයි. තරමක් වෙහෙස මහන්සි වී රැකියාව කිරීමට සිදුවන අතර, තමන් මුලදී බලාපොරොත්තු වූ රැකියාවට අමතර වෙනත් රැකියාවක් ලබයි. රාහු ග්‍රහයා දහ වැන්න තුළ නම් නිතර නිතර ගමනේ යෙදෙන ආකාරයට රැකියාවේ නිරත වෙයි. අධ්‍යාපනය සාර්ථක වූ අයකු නම් ඉන්ජිනේරුවකු විය හැකියි. කේතු ග්‍රහයා දහ වැන්න තුළ නම් තමන්ට ලැබෙන රැකියාව දිගටම කරයි. නමුත් දියුණුවක් ලැබීමට තරමක් අසීරු විය හැකියි. ප්‍රසිද්ධිය නොලබන තැනක රැකියාව කරයි. රහස් ක්‍රමවලින් ධනය ඉපැයීමට දක්‍ෂයෙකි. රවි ග්‍රහයා දහ වැන්න තුළ නම් ස්ථීර රජයේ රැකියාවකට භාග්‍ය ඇත. රජයේ ඉහළ තනතුරු දරන අය ඇසුරු කිරීමට කැමැත්තක් දක්වයි. ඔබ ඔවුන්ව දැන හැඳින නොසිටියත් යහළුවන්ට ඥාතීන්ට තමන් තමන්වම වර්ණනා කර කතා කරයි. රැකියාව තුළ තනතුරු නොලැබුණත් ඉහළ තනතුරු දරන අයකු ලෙස ලෝකයාට පෙන්වයි. සඳු ග්‍රහයා දහ වැන්න තුළ නම් තමන් උගත් දෙයින් උපරිම පල ප්‍රයෝජන ලබයි. රැකියාව කරන කාලය තුළද යමක් ඉගෙන ගනී. පාසල් අධ්‍යාපනයට අමතරව වෙනත් වෘත්තීය හැකියාවක් ලබයි. මුදල් ඉපැයීමට හොඳයි. අඟහරු ග්‍රහයා දහ වැන්න තුළ නම් ඔබගේ යෝගකාරක ග්‍රහයා දහ වැන්න තුළ පිහිටීම තුළින් හොඳ රැකියාවකට වාසනාව ලබයි. තමන් නොසිතූ ආකාරයට රැකියාවට ආරාධනා ලැබෙයි. තමන් වැඩි වෙහෙසක් මහන්සියක් නොදැක්වුවත් නිසි කලට වයසට රැකියාව හිමිවෙයි. උසස්වීම් ලබයි. හොඳ වැටුපක්ද හිමිවෙයි. බුධ ග්‍රහයා දහ වැන්න තුළ නම් ඔබ දැනීම, බුද්ධිය මෙහෙයවා කරන රැකියාවක්ට හිමි අයෙකි. ලිපි ලේඛන, පොත්පත් ආශි්‍රතව රැකියා අංශවලට යොමු කරයි. ඔබ ජේ‍යාතිෂය විෂය ඉගෙනීමට කැමැත්තක් දැක්වුවොත් එහි සාර්ථකත්වයක් ලැබිය හැකියි. බාධාවකින් තොරව කැමැත්තෙන් රැකියාව කරයි. උපුටා ගැනීම මව්බිම පුවත්පත