🛍️   Business Directory
📣   Classifields
🛍️   Business Directory
📣   Classifields

අංක තුන දිනක උපත ලබා ඇත්නම් මෙය කියවන්න

අංක තුන දිනක උපත ලබා ඇත්නම් මෙය කියවන්න

03, 12, 21,30 දිනයන්වල ඔබ උපත ලබා ඇත්නම් මා විසින් ලියන කරුණු කාරණා ඔබට කොතෙක් සමීපද කියා ටිකක් හිතා බලන්න. අංක 03 ගුරු නොහොත් බ්‍රහස්පති ග්‍රහ තරුවට අයත්ය. එම නිසා ටිකක් ලොකුවට වැඩ කරන්න දඟලන්නේ අංක 03 යටතේ උපන් අයවේ. නීති ගරුක වන්නේද එම අයයි. ඒ වගේම බුද්ධිමත් වේ. නොයෙක් දක්ෂතා බහුලව පෙනී යයි. යමක් සැලසුම් කිරීමට ද ඉක්මනින් යමක් අවබෝධකර ගැනීමටද ජීවන අංක 03 හිමි උදවිය දක්ෂ වේ. ස්ථිර අරමුණක් ඇතිව හිතට මොනතරම් බාධක ආවත් ධෛර්යවන්තව කටයුතු කරයි. තැනට සුදුසු විදිහට කටයුතු කිරීමට අංක 03 හිමි අය ළඟ විශාල බලයක් තිබේ. ඒ වගේම කවුරු මොනවා කීවත් තමාගත් තීරණය මතම කටයුතු කරන අතර ඕනෑම සමාජයක කාගෙවත් හිත නොරිදා කටයුතු කිරීමටද දක්ෂ, හපන්කමක් ඇත. තැනට උචිත අයුරින් කටයුතු කරන නිසා බොහෝ දෙනාගේ පැහැදීමට ලක්වන්නේ නිරායාසයෙනි. ඇත්ත ඇති සැටියෙන් දකින අංක 03 හිමියා නීති ගරුත්වය අකුරටම පිළිපදින ගතියක් ඇත. සතුට විනෝදය වගේම ප්‍රසන්න පරිසරයක ජීවත්වීමට ඉතා කැමැතියි. ඒ වගේම වැදගත් පුද්ගලයන්ගේ ඇසුරට ලක්වන බව ද කිව යුතුය. ආත්ම ගරුත්වය පණ මෙන් රකිනු ඇත. ඉතා සැහැල්ලු හදවතක් අංක 03 හිමියා ළඟ තිබේ. අනුන්ට උදව් කරන්නේ උදව් ලාබ බලාපොරොත්තුව නොවේ. කරන දේ හදවතට එකඟවම කිරීමට බොහෝ සේ උත්සාහ දරනු ඇත.

අංක 03 හිමියා අධ්‍යාපන කටයුතුවලටද හරිම දක්ෂකමක් දක්වනු ලැබේ. තමා පදිංචි ස්ථානය වුවද ඉතා සිත්ගත් අයුරින් සකස් කර ගැනීමට දැඩි උත්සාහයක් දරන බව කිව යුතුය. ජීවිතයේ මුල් අවධිය ප්‍රමාණය ඉක්මවා වැඩ කිරීමට යැම තුළින් ස්නායු දුබලතාවලටද අංක 03 හිමි අය ලක්වේ. පීනස, හිසරදය වගේම උදරාබාධවලට සමහර අංක 03 හිමි අය ලක්වන බව මා දැක ඇත. වැඩ කටයුතු රාශියක් එකවර කිරීමට උත්සාහ කරන නිසා දැඩි වෙහෙසට පත්වේ. එය එතරම් සුභවාදී වන්නේ නැත. ශරීරය ගැනත් ටිකක් හිතා බලා කටයුතු කරන්න. පිරිස් පාලන කටයුතුවල නිරතව කටයුතු කරන විට සතුරන් ඇතිවිය හැකි නිසා කල්පනාකාරීවීම ඉතා අගනේය.

උගුරේ ආබාධ, මේදය අධික වීම නිසා ඇඟපත තරවීම අංක 03 හිමියාට තදින්ම බලපාන ප්‍රශ්නයක් වේ. ඕනෑම වසරක පෙබරවාරි සිට මාර්තු 27 දක්වාද, නොවැම්බර් 21 සිට දෙසැම්බර් 27 දක්වාද වකවානු අංක තුන හිමි අයට වඩාත් යහපත් බව පෙනී යයි. අඟහරුවාදා, සිකුරදා යන දවස්ද මාසයේ 03,12,21, 30 දිනයන්ද වැදගත් කටයුතු සඳහා යොදා ගන්න. ඉන් විපුල ඵල නෙළා ගත හැකිය. වයස අවුරුදු 12, 21, 30, 39, 48, 57 වර්ෂවලදී ඉතා වැදගත් දේවල් සිදුවිය හැක. ගුරු හිමි අංක 03 නිසා දියුණුව ගෙන දෙන්නේ ජීවිතයේ මැදි වයස් කාල සීමාවලදීය. වයස අවුරුදු 21 සිට 30 දක්වා සමහර අයට ඉතා ඉහළ දියුණුවක් ගෙන දුන් අවස්ථාද ඇත. අංක තුන යටතේ උපන් ප්‍රසිද්ධ අය ගැන අපි ටිකක් හිතා බලමු. ගුරු හිමි අංක 03 පිළිබඳව කරුණු ටිකක් කියා දුන් අතර ඔබ ඉපදී ඇත්තේ අංක තුන යටතේ නම් මා ලියා ඇති දේවල් හරිද? වැරදිද? කියා ටිකක් හිතා බලන්න.

ජ්‍යෙතිෂවේදී සුසිල් ප්‍රේමචන්ද්‍ර
උපුටා ගැනීම දිවයින පුවත් පත