🛍️   Business Directory
📣   Classifields
🛍️   Business Directory
📣   Classifields

පදිංචි ස්ථානයේ භූත දෝෂ සිංහ ලග්නය

පදිංචි ස්ථානයේ භූත දෝෂ සිංහ ලග්නය

සිංහ ලග්න හිමි ඔබට ලග්නාධිපති රවි ග්‍රහයා වන අතර, රවිගේ දසා කාලය ඔබට ජීවිතයේ අති විශිෂ්ට ප්‍රතිඵල උදා කරන දසා කාලයකි. රවි මහ දසාව අවු. 6ක් පමණ කාලයක් පවතින බැවින් හොඳ ආත්ම විශ්වාසයක් ගොඩනැඟෙන අතර, තම ජීවිතයේ හුදෙක් බලාපොරොත්තු ඉටුවන කාලයක් හැටියට කිව හැකියි. මහත් අභිමානයෙන් යුතුව කටයුතු කරන අතර, තමන් කෙරෙහි තරමක් මාන්නයෙන් යුතුවද කටයුතු කරන අවස්ථා ඇතිවිය හැකියි.

උපන් කේන්දරය තුළ රවි ලග්නයේ නම් උසස් තනතුරු ලැබීමට ප්‍රභූ ඇසුර ලැබීමට සුදුසු කාලයකි. දේශපාලනයට අවතීර්ණ වුණොත් ස්ථිරවම ජය ලැබිය හැකියි. රවි දෙවැන්න තුළ නම් මුදල් ලැබීමට යහපත්ය. තුන් වැන්න තුළ රවි සිටීම නීච වුවත් ඉතා හොඳයි. නිහතමානීව රවිගේ දසා කාලය ගත වෙයි. විදේශ ගමන් ඇති කරයි. රවි පස්වැන්න හා නවවැන්න තුළ නම් ඉගෙන ගන්න දරුවන්ට අධ්‍යාපනය සාර්ථක කරන දසා කාලයකි. එකොළොස් වැන්න තුළ නම් ලැබීමට ඉතා හොඳ වන අතර දහ වැන්න තුළ සිටීම රැකියාවල දියුණුවක් ලබයි. අට වැන්න තුළ රවි සිටී නම් ඔබ ඉතාමත් පරිස්සම් විය යුතු දසා කාලයකි. අධික ලෙස උණ ගැනීම හා සතුරු කරදර අනතුරු ඇති විය හැකියි. සඳුගේ මහ දසා කාලය ඔබට සඳු මහ දසා කාලය අවු. 10කි. දොළොස් වැන්න අධිපතියා නිසා එතරම් සුබ පල ඇති නොකරයි. ජීවිතයේ ගොඩාක් බලාපොරොත්තු ඇති කරගනී. නමුත් සිතූ ආකාරයට එය ඉටු නොවීම නිසා සිත්තැවුල් ඇති කරයි. ජලයෙන් පරෙස්සම් විය යුතු කාලයකි. චන්ද්‍රයා හතර වැන්න තුළ සිටී නම් සෙම් අමාරු බහුල වන අතර, සඳුගේ දසා කාලය තුළ සිත් තැවුල් ඇති කරයි. කනස්සලු ස්වභාවයෙන් සිටින කාලයකි. චන්ද්‍රයා අට වැන්න තුළ නම් ජලයෙන් විපත් කරදර ඇති කරයි. දහ වැන්න තුළ සිටී නම් රැකියාවේ විශාල දියුණුවක් ලබන අතර ව්‍යාපාරයක් පටන් ගැනීමට සුදුසු කාලයකි. විදේශ ගමන්වලට භාග්‍ය ලබයි. අඟහරුගේ දසා කාලය අඟහරු දසා කාලය අවුරුදු 7කි. ඔබට ජීවිතයේ බලාපොරොත්තු සඵල වන දසා කාලයකි. ගේ දොර ඉඩකඩම් යාන වාහන ලබයි. පෙර පින් පලදෙන අතර, අඟහරු 3, 4, 6, 11, 9 යන තැනක සිටී නම් ඉතා හොඳ දසා කාලයයි. අඟහරු 5, 9 යන තැනක සිටීම ඉගෙන ගන්න දරුවන්ට සාර්ථක ප්‍රතිඵල අත් කරයි. අට වැන්න තුළ අඟහරු සිටී නම් තමන්ට උරුම දේපළක් වාහනයක් අහිමි කරයි. පියාට දරුණු රෝගයක් ඇති විය හැකියි. රාහුගේ දසා කාලය රාහු දසාව රාහුගේ දසා කාලය අවු. 18කි. රාහු දෙවැන්න තුළ නම් හදිසි ධන ලාභ ලබයි. පහසුවෙන් මුදල් උපයයි. තුන් වැන්න තුළ නම් සමාජයේ ජනප්‍රිය වෙයි. ප්‍රේම සබඳතා ඇති කරයි. අවිවාහක අයට මංගල යෝග උදාවෙයි. රාහු හතරවැන්න තුළ නම් එතරම් හොඳ නැත. ශරීරයේ ලේ නරක් වීම් හා පපුව ආශ්‍රිතව රෝග මතු කරයි. මවට අපල ඇති කරන අතර පදිංචි ස්ථානය තුළ භූත දෝෂ හටගනී.

රාහු පස් වැන්න හා නව වැන්න තුළ සිටීම නිසා රාහුගේ දසාව ඉගෙන ගන්න දරුවන්ට සාර්ථක ප්‍රතිඵල අත්වෙයි. 8 වැන්න තුළ නම් සොයා ගැනීමට අසීරු රෝග ඇති කරයි. ගුරුගේ දසා කාලය ගුරු 5 වැන්න තුළ සිටී නම් ඔබට ඉතා හොඳයි. ඉගෙන ගන්න දරුවන්ව අධ්‍යාපනයේ ඉහළටම රැගෙන යයි. වාණිජ විෂයන්වලට යොමු කරයි. දරුපල අපේක්‍ෂිත අයට පින්වන් පිරිමි දරු උපත් ලබන කාලයකි. ගුරු 8 සිටීම භූමි ලාභ විදේශ ගමන් ඇති කරයි. නව වැන්න තුළ සිටීම ධනය ලැබීමට හොඳ වන අතර උසස් අධ්‍යාපනයටද වාසනාව පවතියි. ගුරු 6 සිටී නම් උදරය ආශි්‍රතව රෝග මතු වෙයි. ආගම දහම කෙරෙහි උනන්දුව අඩු කරයි. හරි දේවල් වැරැදි ලෙස පිළිපදින කාලයකි. ගුරු 12 සිටීම විදේශ ගමන්වලට හොඳයි. එම දසා කාලය ආගම දහමට ළැදිව කටයුතු කරයි. අනුන්ට සේවය කරන කාලයකි. සෙනසුරුගේ දසා කාලය සෙනසුරුගේ දසා කාලය අවු. 19කි. ඔබට 6, 7 යන ස්ථානවලට අධිපතියා වන අතර, එම ස්ථානවලම සෙනසුරු සිටී නම් සුබපල ඇති කරයි. එබැවින් ඔබට සෙනසුරු හතේ සිටීම නරක නැත. දිග්බලය පවතින අතර සස යෝගයද උදා කරයි. මෙම දසා කාලය විවාහ වීමට සුදුසු කාලය නම් යහපත් විවාහයක් සිදුවෙයි. තුන් වැන්න තුළ සෙනසුරු සිටීම ඉතා හොඳයි ඉහළ නනතුරු විදේශ ගමන් සමඟින් සෙනසුරු දසාව තුළ දියුණුවක් ලැබිය හැකියි. 12 වැන්න සෙනසුරුට නරක තැනකි. රෝග හා නීතිමය ප්‍රශ්න කරදර තම සහකරුගෙන් හෝ සහකාරියන්ගෙන් ඇති කරන කාලයකි. බුධගේ දසා කාලය බුධගේ දසා කාලය අවුරුදු 17කි. ඔබට ධනස්ථාන හා අයස්ථාන අධිපතියා නිසා ජීවිතයේ මූල්‍යමය වශයෙන් දියුණුවක් ලැබිය හැකි දසාවකි. 2, හා 11 තැනක සිටීනම් ලැබීමට ඉතා හොඳයි. හොඳ ආර්ථික ස්ථාවරයක් ගොඩනැඟෙයි. බුධ 6 වැන්න තුළ සිටීනම් මුදල් ප්‍රශ්න නිසා සතුරු කරදර උපදවයි. සොර සතුරු කරදර ඇති කරයි. අටවැන්න තුළ බුධ සිටීම ඉතාම නරකයි. බුධට නීච ස්ථානයකි. අතමිට හිඟ පාඩු ඇතිකරන අතර විශාල වශයෙන් ණයවීම් වෙයි. දරුණු රෝග තත්ත්වයක් නිසා ළඟ ඇති මුදල් වියදම් වෙයි. බුධ සමඟ ගුරු සිටියොත් සුබපල අත්කරයි. කේතුගේ දසා කාලය අවුරුදු 7ක් ගතවන කේතුගේ දසා කාලය ඔබට හොඳ නරක ඇති වන්නේ කේතු උපතේදී සිටි ස්ථානය අනුවයි. 3, 6, 11 තැනක සිටීනම් දියුණුවක් ලබන දසා කාලයකි. ලග්නය තුළ කේතු සිටියොත් නිතර නිදිමත ගතිය ශරීරය කෙට්ටු වීම ඇතිකරයි. දෙවැන්න තුලා නම් මුඛරෝග ඇති කරයි. 4 සිටීනම් කේතුට උච්ච බැවින් ඉඩකඩම් ලැබිය හැකියි. 10 සිටී නම් රැකියාව තුළ කරදර ඇති කරයි. සිකුරුගේ දශා කාලය සිකුරුට අවුරුදු 20කි. 3, 10 තැනක සිකුරු සිටීනම් ඉහළ තනතුරු ජනප්‍රියතාව හා ව්‍යාපාර රැකියාවල විශාල දියුණුවක් ලබයි. ප්‍රවාහන පහසුකම්, සමාජ ඇසුර ලබයි. සිකුරු දෙවැන්න තුළ සිටීනම් නීච රාශියකි. රැකියාව තුළ ප්‍රශ්න කරදර ඇතිවිය හැකියි. තමන්ගේ චරිතයට කැළැල් ඇතිකර ගනී. සිකුරු සමඟ බුධ සිටියොත් ඉතා හොඳයි. හදිසි ධන ලාභයක් ලබයි. සිකුරු 8 සිටීම උච්ච රාශියයි. නිධන් වස්තු, මැණික් වටිනා දේවල් ලබන අතර විදේශ ගමන් ලැබීමට භාග්‍ය උදාකරයි.

ප්‍රවීණ ජේ‍යාතිෂවේදී සරත්චන්ද්‍ර බෝතලාගේ
උපුටා ගැනීම මව්බිම