උපන් දවස කියන ඔහුගේ/ ඇයගේ ගති ගුණ
ඉරිදා උපන් අයෙකු නම්,
රවිට හිමි දවස වශයෙන් සැලකෙන මෙම දවසේ උපන් අය සමාජය තුළ මූලිකත්වය ගෙන
කටයුතු කිරීමට රුචිකත්වයක්‌ දක්‌වන අතර කිසිවකුටත් දෙවැනි නොවන ගති ලක්‌ෂණ
ඇතිමුත් තම ප්‍රේමයේදී දැඩි අහංකාර බවක්‌ පෙන්නුම් කෙරේ. මෙම අයට උෂ්ණාධික
රෝගවලට භාජන වීමේ ප්‍රවණතාව වැඩි බවක්‌ පෙන්නුම් කෙරේ.
සඳුදා උපන් අයෙකු නම්,
සඳුට හිමි දවස වශයෙන් සැලකෙන මෙම දවසේ උපන් අය ප්‍රසන්න පෙනුමකින් හා
නිහතමානී පැවතුම් හිමි වුවත් ප්‍රසිද්ධියේ ප්‍රේම කිරීමට මැලිකමක්‌ දක්‌වන
මුත් එදිනෙදා වැඩ කටයුතුවලදී මන්දගාමී තත්ත්වයක්‌ ඇති අතර මෙම අය සෙම්
රෝගවලට නිතර භාජන වේ.
අඟහරුවාදා උපන් අයකු නම්,
කුජට හිමි දවස වශයෙන් සැලකෙන මෙම දවසේ උපන් අයකු නම් නිර්භීත එඩිතර
පෙනුමක්‌ පෙන්නුම් කරන අතර තම ප්‍රේමයේදී සුළු දේකට වුවත් කෝප වන මුත් මෙම
අය එක ප්‍රේම සම්බන්ධයකින් සෑහීමකට පත් නොවන අතර, නීතිමය ගැටලුවලටද මුහුණ
පෑමට සිදුවේ. නිතර චර්ම රෝග වැනි රෝගවලට ගොදුරු වේ.
බදාදා උපන් අයකු නම්,
බුධට හිමි දවස වශයෙන් සැලකෙන මෙම දවසේ උපන් අය දක්‌ෂ කථිකත්වයට හා
තීක්‌ෂණ බුද්ධියකට හිමිකම් කියන මුත් නිතර පොතපත කියවීමට හා ලිවීමට
රුචිකත්වයක්‌ දක්‌වයි. නමුත් තම ප්‍රේමය එතරම් සැලකිල්ලට ගනු නොලැබේ. වැඩ
කිරීමේදී කඩිසර කමක්‌, උනන්දුවක්‌ නොදක්‌වයි.
බ්‍රහස්‌පතින්දා උපන් අයෙකු නම්,
ගුරුට හිමි මෙම දවසේ උපන් අය තම ආත්ම ගෞරවය රැකෙන පරිදි ප්‍රේම
සම්බන්ධතාවක්‌ ගොඩනගා ගන්නා අතර යහපත් දිවි පෙවෙතකට හා විවාහයෙන් පසු
වාසනාවන්ත දරු සම්පත් ලැබීමටද හිමිකම් කියන නමුත් ධර්මානුකූලව තම ජීවන රටාව
ගෙන යැමට උත්සාහ ගනී.
සිකුරාදා උපන් අයකු නම්,
සිකුරුට හිමි මෙම දවසේ උපන් අය ප්‍රියමනාප රූ සපුවකට හිමිකම් කියන මුත්
තම ප්‍රේමය විනෝදකාමී ලෙස පවත්වාගෙන යැමට උත්සාහ ගන්නා අතර ප්‍රේම
සම්බන්ධතා කීපයකට හිමිකම් කියන මුත් සමාජය තුළ කැපී පෙනෙන අයෙකු වශයෙන් ද
විවාහයෙන් පසු දූවරුන්ගේ සත්කාර සැලකිලි ලැබීමේ වාසනාව ඇතිවේ.
සෙනසුරාදා උපන් අයකු නම්,
සෙනසුරුට හිමි දවස වශයෙන් මෙම දවසේ උපන් අය නිතර කලකිරුණු ස්‌වභාවයක්‌
පෙන්නුම් කරන මුත් ප්‍රේම සම්බන්ධතාවලදී සිත් තැවුල් ඇතිකර ගන්නා මුත්
මන්දගාමී කාල පරිච්ඡේදයක්‌ ගත කිරීමටද මෙම අයට සිදුවන අතර එහෙත් ආගමික
කටයුතුවලට උනන්දුවක්‌ දක්‌වන මුත් විවිධ රෝගාබාධයන්ට ලක්‌වීමට ඉඩ ඇත.
ඉහත දින අධිපති ග්‍රහයන්ගේ බල දුබලතා මත ඉහත ඵලාඵල සුබ අසුබ වෙනස්‌ විය හැකිය.
උපුටා ගැනීම දිවයින
