ලග්නය කන්‍යානම් මෙය කියවන්න - කාන්තාවන්ට පමණයි
ලෝකායන කේන්ද්‍රයේ 6 වැන්න ලෙස සැලකෙන අංශක 150 සිට අංශක 180 දක්‌වා විහිදී ඇති රාශිය කන්‍යාවයි. මෙහි අධිපතිත්වය දරන්නේ බුධයිs. සිකුරු, කන්‍යා කාන්තාවන්ට නීචයි. රවි චන්ද්‍ර කුජ ගුරු සතුරුයි. බුධ ලග්නයේ නම් ඔබ බුද්ධිමත් කාන්තාවක්‌ම වෙයි. එසේ වුවත් ඔබ උපන් නවාංශකයට අනුව ඔබගේ ගති ලක්ෂණ වෙනස්‌ වන අයුරු ඔබටම පැහැදිලි කර ගත හැකි වේවි. මේ නවාංශක පිළිබඳව ප්‍රායෝගිකත්වයට ලක් කිරීමෙනි.
ඒ අනුව කන්‍යා ලග්න කාන්තාවන් කන්‍යා කටක නවාංශක කාන්තාවන් වශයෙනුත් මකර, මීන නවාංශක කාන්තාවන් වශයෙනුත් වෘෂභ නවාංශක කාන්තාවන් වශයෙනුත් කොටස්‌ තුනකට බෙදා මේ කාන්තාවන්ගේ ගති ලක්ෂණ, චරිතවත් භාවය, සිතුම් පැතුම් කෙබඳුදැයි විග්‍රහ කර බලමු. මේ වර්ගීකරණයට අනුව මේ කාන්තාවන් ඔබ අවබෝධ කර ගැනීමෙන් ඔබේ ආදරවන්තිය ඔබේ බිරිඳ, ඔබේ මිතුරිය සමඟ දිගු ගමනක්‌ යා හැකි වේ. එසේ නොවුවහොත් ඔබේ ජීවිතය අවුල් වී බලාපොරොත්තුද? සුංවී යා හැකියි.
මේ අනුව කන්‍යා ලග්නයෙන් උපන් මීන, මකර නවාංශක කාන්තාවන් පිළිබඳව පළමුව විමසා බලමු.
මේ කාන්තාවන්ගේ දුර්වලතාවයක්‌ ලෙස පෙනී යන්නේ ආ ගිය තැන සුළු දේට පවා විමසීමෙන් තොරව රණ්‌ඩු කළකෝලාහල ඇතිකර ගැනීමයි. එසේම හදිසි අනතුරුවලටද ලක්‌වීමේ ප්‍රවණතාවය වැඩියි. ශරීර උෂ්ණත්වය අධිකයි. ගින්දර අකුණු සැර විදුලිය හා විෂ සතුන්ගෙන් අනතුරු ඇතිවිය හැකියි. පුරුෂ පාර්ශ්වය පිළිබඳ දැඩි ප්‍රියත්වයක්‌ දක්‌වයි. මේ නිසාම අන්ත්‍රාදායක රෝගවලටද ගොදුරු විය හැකියි.
මේ කාන්තාවන් අලංකාරයට ආහාරවලට ගිජුබවක්‌ දක්‌වයි. නිතර ජලය බීමට අවශ්‍යයි. ධනය ඉපැයීමේ දක්‍ෂතාවයද ඇත. මෙබඳු කාන්තාවන්ගේ කුජ වික්‍රමස්‌ථානගත වුවහොත් ඒ කාන්තාවන් පවුලේ බාලයා විය හැකියි.
මීන, මකර නවාංශක කාන්තාවන් විවාහයට හා ආදර සම්බන්ධතා පැවැත්වීමට පෙර මේ පිළිබඳව අවබෝධයෙන් සිටිය යුතුයි.
ඔබේ කේන්ද්‍රයේ ලග්නය 12, 8, 7, 4, 2, යන ස්‌ථානවල කුජ හෙවත් අඟහරු සිටියේද?
එය ඔබේ විවාහයට බාධා ඇතිවීමටත් ආදර සම්බන්ධතා බිඳවැටීමටත් හේතුවන්නකි. එසේම විවාහයෙන් පසු සිය සැමියාට මාරක ගෙන දෙන්නක්‌ද විය හැකිය. එම නිසා එම දෝෂ මඟහැරෙන ආකාරයේ කේන්ද්‍ර හිමියන් සොයා ගැනීමෙන් ඔබේ ජීවිතය සාර්ථක වෙයි.
මෙබඳු කාන්තාවන්ගේ කුජ 7 වැන්නේ සිටියේ නම් සැමියාට හදිසි අනතුරු විපත් ගෙන දෙන්නා සේම ගුරුගේ දෘෂ්ඨියට ලක්‌වීමෙන් දීර්ඝ කාලීන රෝගියෙක්‌ බවට පත්වෙයි. අඬදබර විවාහ කඩාකප්පල්වීම, දික්‌කසාද වීමට මේ ග්‍රහ පිහිටීම් හේතු වන බැවින් ඒ පිළිබඳව පූර්ව අවබෝධයෙන් සිටීම ඔබේ ජීවිතයට වැදගත් වේවි. මේ කාන්තාවන්ට සිකුරු මහ දශා අතුරු දශා කාලවල බොහෝ සැප සම්පත් ධන සම්පත් උදාවන නිසා එබඳු කාලවල ව්‍යාපාර පවා ආරම්භ කිරීම සුබවේ.
කන්‍යා ලග්නයේ වෘෂභ නවාංශකයෙන් උපන් කාන්තාවන්ගේ ගති ලක්ෂණ පිළිබඳව :
විශේෂයෙන් මෙම කාන්තාවන් මානසික පීඩනයෙන් වේදනාවට ලක්‌වන්නියන් සේ පෙනී යයි.මේ කාන්තාවන්ගේ 12, 8, 6, ස්‌ථානවල රවි ග්‍රහයා තැන්පත් වීමෙන් පියාගෙන් හා පිය පාර්ශ්වයෙන් ලාභ ප්‍රයෝජන අඩු වී යයි.එසේම කන්‍යා ලග්නයේ වෘෂභ නවාංශකයෙන් උපන් මෙම කාන්තාවන්ගේ කර්මස්‌ථානයේ හෝ අයස්‌ථානයේ කුජ තැන්පත් වීමෙන් රැකියා දියුණුව, ධන සම්පත් ලැබීමට හේතු වෙයි. සමාජයේ උසස්‌ තනතුරු දැරීමටද වාසනාව ඇත.
නමුත් මෙම කාන්තාවන්ගේ කර්මස්‌ථානයේ රවි ග්‍රහයා සිටීමෙන් රැකියා නොලැබීමටද හේතුවෙනවා මෙන්ම ලැබූ රැකියාවත් කරදර බාධක මැද කරගෙන යැමට සිදුවෙයි. මෙම කාන්තාවන්ගේ රවි 7 වැන්නේ සිටීමෙන් හා රවි සිකුරු යෝග වීමෙන් විවාහයට බාධා පැමිණීමට හේතු වෙයි. රවි ලග්නයේ සිටීමෙන් කාන්තාවන්ට හිසේ අමාරු සහ ලිංගික ප්‍රදේශයේ රෝග ඇතිවීමට හේතු වෙයි. මෙම කාන්තාවන් දැඩි මාන්නය හා අහංකාර බව නිසා සමාජයේ කොන්වී යන බව පෙනී යයි.
විශේෂයෙන් මේ කාන්තාවන්ට රවි මහ දශාව, අතුරු දශා කාලවල අසුබ ඵල ගෙන දෙන අතර කුජ සිකුරු දශා කාලවලදී අධික සුබ පල ගෙන දේ. ව්‍යාපාර ආදිය ආරම්භ කිරීමට මෙම කාන්තාවන්ට කුජ සිකුරු දශා කාල ඉතාමත් යෝග්‍ය වේ.
කන්‍යා ලග්නයෙන් කන්‍යා කටක නවාංශකවලින් උපන් කාන්තාවන් පිළිබඳව විමසා බලමු :
මේ කාන්තාවන්ගේ විශේෂ දුර්වලතාවයක්‌ වන්නේ සෑම අවස්‌ථාවකම විමසා බැලීමෙන් තොරව කලබලයට පත්වීමයි. බ්‍රහස්‌පති ග්‍රහයා මෙම කාන්තාවන්ට ඉතාමත් අසුබ වන අතර සිකුරු ග්‍රහයා සුභපල දෙයි. ගුරු අයස්‌ථානගත වුවහොත් මෙම කාන්තාවන් පවුලේ වැඩිමහල් දරුවා විය හැකියි. නමුත් ඔවුන්ට පවුලේ වැඩිමහල් සහෝදර සහෝදරියන් ගෙන් ඵල ප්‍රයෝජන අඩුවේ.
මේ කාන්තාවන්ගේ ගුරු 4 වැන්නේ සිටීමෙන් සිය දේපළ විනාශ වී යාමත් 7 වැන්නේ සිටීමෙන් විවාහයට බාධා පැමිණීමත් 10 වැන්නේ සිටීමෙන් රැකියාවට බාධා පැමිණීමත් සිදුවන නිසා ඒ පිළිබඳව අවබෝධයෙන් සිටීම ඔබට වැදගත් වේ. විශේෂයෙන් කන්‍යා ලග්නයේ කන්‍යා කටක නවංශකවල උපන් කාන්තාවන්ගේ 7 වැන්නේ ගුරු සිටීමෙන් සිය වංශයට ජාතියට ආගමට විරුද්ධ පුද්ගලයන් සමඟ විවාහ වීමට සිදුවන බව පෙනී යන අතර නොගැලපෙන විවාහද සිදුවේ. මේ නිසා ඔවුන්ගේ විවාහ ජීවිත විනාශ වී ඇත.
මේ නවාංශක කාන්තාවන්ට සිකුරු ග්‍රහයා ධනස්‌ථානයේ හෝ අයස්‌ථානයේ යෙදී ඇත්නම් එබඳු කාන්තාවන්ට සමාජයේ උසස්‌ තනතුරු රැකියා ලාභ ගරු නම්බු හිමිවේ. එසේම සිකුරු දශා, අනු දශා කාලවලදී ඉහත ස්‌ථානවල සිකුරු ගමන් කරන්නේ නම් හදිසි ධනලාභද හිමිවේ. ඔබේ ප්‍රත්‍යක්‍ෂයට ලොතරැයි පතක්‌ ගෙන බලන්න. විශේෂයෙන් මේ කාන්තාවන් සිකුරු දශා කාලවල සිකුරාදා දිනපතා ආදර සම්බන්ධතාවයක්‌ ඇතිකර ගතහොත් ස්‌ථිර වශයෙන් එය විවාහයක්‌ වෙනවා. මේ නිසා සිකුරාදා දිනය සිකුරු හෝරාව මේ කාන්තාවන්ට වාසනාවන්ත දිනයක්‌ වේ.
උපුටා ගැනීම දිවයින
