🛍️   Business Directory
📣   Classifields
🛍️   Business Directory
📣   Classifields

අසුබ ශක්තීන් දූරින්භූත කරන පළිඟු

අසුබ ශක්තීන් දූරින්භූත කරන පළිඟු
හෙළ ඉතිහාසය සාක්ෂි සහිතව මීට වසර පන්දහසකටත් එහා දිවෙන බවට අද මුළු ලෝකයම පිළිඅරන් තිබෙනවා. මැණික් විද්‍යාව, ජොතීර්වේදය සහ හෙළ වෙදකම උපරිමයට ප්‍රයෝජනයට ගත් අවධියක් ලෙස අපගේ හෙළ ඉතිහාසයේ ගෙනහැර දැක්විය හැකි ප්‍රබලම රාජ සමය තමයි රාවණ රජ සමය. අද ලෝකයේ කැපී පෙනෙන ජාතීන් වන ඇමෙරිකානුවන්, චීන ජාතිකයන්, ජපන්නු සහ රුසියානුවන් අපේ මේ හෙළ ඉතිහාසය කෙරේ දක්වන ඇල්ම සහ උනන්දුව පුදුමාකාරයි. ඒ විතරක් නොවේ, ඇමෙරිකාවේ නාසා ආයතනය අපේ රටේ පුවත්පත්වල පළවන හරවත් ලිපි ඔවුන්ගේ භාෂාවට පරිවර්තනය කරගෙන එම කරුණු ඉතා ගැඹුරෙන් විශ්ලේෂණය කිරීමක් සිදු වෙනවා. මොකද මා මේ පිළිබඳව හොඳින්ම දන්නේ අපේ තරුපති හමුවේ දිගහැරෙන මේ මැණික් විද්‍යාව ලිපි පෙළ පිළිබඳවත් බොහෝ කරුණු අප හා සම්බන්ධ වෙමින් නිරන්තරයෙන් ඔවුන් පැහැදිලි කරගන්නා නිසා. ඒ කියන්නේ 'මව්බිම' තරුපති කියන්නේ නාසා ආයතනයත් ඇහැ ගහගෙන ඉන්න පුවත්පතක්. ඉතින් අපගේ පුවත්පත ලැබූ අසීමිත ප්‍රසිද්ධිය පිළිබඳ සතුටක් ලබන ගමන් අද මා ඔබ වෙත ඉදිරිපත් කරන්නට යන්නේ මැණික් ආධාරයෙන් විශ්ව ශක්තිය ලබාගන්නා අපූරු ක්‍රමවේදයන් අප වාසය කරන නිවෙස්වලට එහෙමත් නැතිනම් ව්‍යාපාරික ස්ථානයන්ගේ දියුණුවට සහ අප වැඩ කරන ආයතනයන්ගේ හිතසුව පිණිස යොදාගන්නේ කොහොමද කියන එක පිළිබඳවයි. මේ මැණික් විද්‍යාව ආධාර කරගෙන හෙළයන් ගුවන් යානා නිපදවා ලොවක් මවිත කළ අයුරු ඔබ අසා ඇති. රාවණ රජුගේ දඬු මොනරය ක්‍රියාත්මක කිරීමට පළිඟු ආධාරයෙන් ශක්තිය නිපදවූ බව අදටත් ජනප්‍රවාදයේ පැවැත එනවා. මෙසේ සෑම විදියකින්ම අපේ හෙළයන් ප්‍රයෝජනය අරගෙන තියෙන්නේ විශ්ව ශක්තියයි. ඔබ හොඳින් බලන්න ඕනෑම දාගැබක මුදුනතින් දිස් වන්නේ කුමක්ද? මැණික් නොවේද? ධාතු ගර්භයේ මැණික් තැන්පත් කිරීමට හේතුව කුමක්ද?
මෙයාකාරයෙන් ගත් කල ඉතාමත් දියුණු ශිෂ්ටාචාරයක් පැවැති එකල එනම් මීට අවුරුදු දහස් ගණනකට පෙර ලොව මවිත කෙරූ සීගිරිය, මහ මුහුද පරදවන වැව් අමුණු, අදටත් ලෝක පුදුමයන් වන පිරීමිඩ, මහා කඳු පරදවන දාගැබ් තැනූ ඒ අසිරිමත් යුගයන්හි මැණික් විද්‍යාව එම සමාජයේ විශේෂම අංගය ලෙසින් භාවිතයේ යෙදී ඇති බවට තවත් කරුණු කාරණා අවශ්‍ය නැත. මෙවන් විස්මිත විද්‍යාවක් අප වාසය කරන ස්ථානවල සෞභාග්‍ය සඳහා නිවැරැදිව යොදාගත හොත් අපගේ වැඩකටයුතු, ආර්ථික පසුබිම, පවුල් පසුබිම සහ සමාජීය පිළිගැනීමද උපරිමයක් කරා ගෙන යා හැකි බව කිව යුතුය. බොහෝ පසුබෑම් සහිත නිවෙස් තුළ නියමකාරයෙන් මැණික් ස්ථානගත කිරීමෙන් එහි තිබූ පසුබෑම් ස්වභාවයන් මුළුමනින්ම සුබදායීි අතට සැකසෙනු අප දැක තිබෙනවා. මේ සඳහා අපි උපයෝගී කරන්නේ පළිඟුª බෝල විශේෂයක්. මේ පළිඟු තමයි මා ඉහත සඳහන් කළ දැගැබ්වලත් ඉහළම රඳවා තිබෙන මැණික් වර්ගය. ඒ වගේම පිරිමීඩවලත් මේ පළිඟු මුදුන් දක්නට තිබෙන්නක්. පළිඟු වලට අකුණු සැර පවා ප්‍රතික්‍ෂේප කිරීමේ දැඩි හැකියාවක් තිබෙනවා. ඒ වගේම ඕනෑම අසුබ කිරණ වර්ගයක් විකර්ෂණය කර හැරීමේ හැකියාව මේ කියන පළිඟු සතුයි.නිවෙසක හෝ ව්‍යාපාරික ස්ථානයක විශ්ව ශක්ති හැසිරවීම කරද්දි නිවැරැදි කෝණයන් සහ සූර්යාලෝකය වැටෙන දිශාව පිළිබඳවත් විශේෂ අවධානයට ලක් කළ යුතුයි. ඒ වගේම මේ කාරණාව සඳහා වාස්තු පිළිබඳවත් යම් හෝ දැනුමක් තිබුණොත් හොඳයි. මේ විශේෂිත කැපුම් යොදා සකසගන්නා පළිඟු බෝල, හෙවත් (ශ්‍රී භචපබල) නිවෙසක හෝ ව්‍යාපාරික ස්ථානවල උළුවස්සේ සහ ජනේලවල එල්ලීම හෝ ස්ථානගත කිරීම ඉතාම සුබයි. ඒ තුළින් නිවැරැදිව විශ්ව ශක්ති ගලනය සිදුවන ආකාරයටයි ඒවා ස්ථානගත කළයුතු වන්නේ. මෙසේ පළිඟු සවි කිරීමේදී එම නිවෙසේ මුලින්ම සවි කරන පළිඟුව ක්‍රිස්ටල් ක්ලෙන්ස් කිරීම නම් ක්‍රමවේදයකට ලක් කිරීමෙන් අසුබ ලෙස සිදුවූ පරමාණු චලනයන් ඇත්තේ නම් එමඟින් සුබ තත්ත්වයට පත්වීමත් සිදුවෙනවා. මෙසේ කරගත් නිවෙසක් හෝ ව්‍යාපාරික ස්ථානයක් පළිඟු බෝල මඟින් අසුබ ශක්තීන්ගෙන් ආරක්ෂා කරන අතර සුබ කිරණ මඟින් එම නිවෙස් හෝ ව්‍යාපාරික ස්ථාන වඩාත් උද්දීපනය වෙනවා. එවිට ඔබගේ ධනාත්මක සිතිවිලි සහ කරන කියන ව්‍යාපාර තිබුණාට වඩා ඉතා ශීඝ්‍රයෙන් සහ ශක්තිමත්ව දියුණු වන ආකාරය ඔබටම අත්විඳිය හැකියි.
මැණික් උපදේශක මිලින්ද එදිරිසිංහ 0766488248
මව්බිම