This site has features that require javascript. Follow these simple instructions to enable JavaScript in your web browser.
විස්තර ලුහුඩු දැන්වීම්
අංක 07න් උපන් අය හැමවිටම

null

ඕනෑම මාසයක 07, 16, 25 දිනවල උපන් අයට මෙම පෞද්ගලික අංක 7 හිමිවන අතර මෙම අංක 7 ට නැප්චූන් ග්‍රහයා අධිපති බව අංක විද්‍යාව තුල පිළිගැනේ. එලෙසින්ම අංක 7 හි සෘජු සම්බන්ධතාවයක් අංක 2 ට ඇත. අංක 2 මෙන්ම සෑම කටයුත්තකදී ම මනස මුල්වන ස්වභාවයක් අංක 7 ට ද ඇත. (අංක 2 පිළිබඳව දැනට සාකච්ඡා කර ඇත.) 7, 16, 25 උපන් ඔබ ගුප්ත ශාස්ත්‍ර ආදිය කෙරෙහි ප්‍රිය කරයි. මනස දියුණුකර ගැනීමට කැමතිය.

අමනුෂ්‍යයන් සම්බන්ධ තොරතුරු, ගවේෂණ, විශ්ව කිරණ ස්වභාව ගැන තොරතුරු ගුප්ත ඥාණය සම්බන්ධ තොරතුරු අතීන්ද්‍රිය ඥාණ පිළිබඳ විස්තර, පාර මනෝවිද්‍යාව පිළිබඳ අධ්‍යයන ගවේෂණ කියැවීම් ආදියට ඔබ ඉතා කැමති වෙයි. බොහෝ දෙනෙක් අංක 2 හි ස්වරූප 7, 16, 25 යන දිනවල උපන් අයට ඇතිබව ප්‍රකාශ කළ ද අංක 2 ට වඩා මදක් පමණ තද බවක් අංක 7 හි ඇත. ඔබට විදෙස් ගතවීමේ වාසනාව පවතින අතර බොහෝ සේ සංචාරයන් හා ඇවිදීම් යෙදෙනු ඇත.

ඔබ ඉපදී ඇත්තේ මැයි 21 - ජුනි 26, සැප් 21 - ඔක් 26, ජන 21 - පෙබ 19යන කාල පරාසයක නම් නිශ්චිතවම විදෙස් ගතවනු ඇත. ආගම දර්ශනය ආදී පැති වලට කැමැත්තක් ඔබතුළ පවතින අතර ඒ ගැන දැනුම සහ භක්මත් ස්වරූපය ඇත. නමුත් සාම්ප්‍රදායික ලෙස ඇදහීම වෙනුවට නව අර්ථකථන ලබාදීම් නව පැතිකඩ ඔස්සේ දැකීම් ඇතිවේ.

අන්අය සමග වාසය කිරීමේ දී සෞම්‍ය වන අතර ඔවුන් සමග ගැටීම් ඉතා අඩුය. අන් අයගේ සිත් රිදවීමට ඔබ කැමති නොවේ. කොණ්ඩා මෝස්තර දැමීම් ආදිය ට ඉතා ප්‍රිය බවක් ඇත. අප‍්‍රියෙල් 21 සිට මැයි 26 දක්වා නම් ඉතා හොඳට පිළිවෙළට අඳින කෙනෙකි. මෝස්තර නිරූපන වලට කැමතිය. විරුද්ධ ලිංගිකයන්ට ඉතා ප‍්‍රිය වනු ඇත. පොදුවේ මෙම දිනවල උපන් අයගේ ඇස් කාන්තිමත් ය. බැලීමෙන් පවා අන් අය වශී වන ගතියක් ඇත.

ජලය ට ඉතා කැමතිය. වැසිකිලි යාමේදී සහ ස්නානය කිරීමේදී බොහෝ වේලා නාන කාමරය හෝ වැසිකිළිය තුළ රැඳී සිටිනු ඇත. වසරේ ජුනි 21 - ජුලි 26 ජන 21 - පෙබ 19 කාලවල ඔබට සුබදායක ය. ඔබගේ නව කටයුතු ආරම්භ කිරීමට මෙම කාලවල 7, 16,25 දින යොදා ගැනීමෙන් ඉතා උසස් ඵල ලැබෙනු ඇත. මෙම කාලයේ නොමැති වුවත් 7, 16, 25 දින විශේෂ කටයුතු නව කටයුතු ආදියට යොදා ගන්න. 2, 11, 20, 29 යන දිනයන්ද ඔබට ඉතා සුබදායක වන අතර 1, 10, 19, 28 යන දිනයන්ද මිතුරු ය. සුබයි. ආර්ථිකය සම්බන්ධ සලකා බලන කල හොඳින් උපයාගත හැකි බවක් ඇත.

කිසිසේත් ණයදීම් ආදියට නොයන්න. ණය දීමෙන් පසු ඒ ණය ආපිට ලබාගැනීම ඔබට ඉතා දුෂ්කර වෙයි. සෙම් අසනීප ආහාර ජීර්ණ පද්ධතිය ආශ‍්‍රිත රෝග, උදර ආබාධ ඇතිවන බවක් ඇත. මානසික රෝග ලිංගික දුර්වලතා අතපය හිරි වැටීම වකුගඩු අසනීප ඇතිවිය හැකිය. ඔබට කොළපාට සහ කොබෙයියාගේ අලූ වර්ණය ඉතා සුබවන අතර චන්ද්‍රකාන්ති වෛරොඩි මුතු පාෂාණ පැළඳීම ඉතා සුබයි.

උපුටා ගැනීම සිළුමිණ