This site has features that require javascript. Follow these simple instructions to enable JavaScript in your web browser.
විස්තර ලුහුඩු දැන්වීම්
සබ්බ පාපස්ස ගාථා 4 4 මහ නිධානයකි

"අප්පමානෝ බුද්ධෝ අප්පමානෝ ධම්මෝ අප්පමානෝ සංඝෝ" යනුවෙන් මෙලොව පහළ වූ බුදුවරුන්ගේ සංඛ්‍යාව අප්‍රමාණ වන අතර උන්වහන්සේ විසින් මෙලොවට දේශනා කළා වූ සද්ධර්මයද අප්‍රමාණ වේ. එසේම තථාගත සද්ධර්මය මෙසේ ලෝකයට දේශනා කිරීම සඳහා පහළ වූ සංඝරත්නයෙහි සංඛ්‍යාවද එසේම ප්‍රමාණ කළ නොහැකිය යන්න මෙහි එන අදහසයි. මෙසේ ත්‍රිවිධ රත්නයෙහි ඇති ගුණ බලය අප්‍රමාණ වන කල්හි එහි ඇති ආශීර්වාදයද අනන්ත අප්‍රමාණ බව අප විශ්වාස කරනු ලබන සත්‍යයකි. එසේ හෙයින් ලෝක සත්ත්වයා ත්‍රිවිධ මහා රත්නත්‍රය ප්‍රසාදයෙන් සරණ යා යුතු යැයි බුදුරජාණන් වහන්සේ දේශනා කළ සේක. ආශීර්වාදයක් නොපැතිය යුතු අතර තුනුරුවන් සරණ ගිය පුද්ගලයා කිසි විටෙකත් යන්ත්‍ර මන්ත්‍රාදියක පිහිටක් නොපැතිය යුතුය. යන්න ඇතැමුන් සිතා සිටින දෙයකි.

"නත්ථි මේ සරණං අඤ්ඤං බුද්ධෝමේ, ධම්මෝමේ සංඝෝමේ සරණං වරං..." මෙම ගාථා පාඨය අනුව තුනුරුවන් හැර වෙනත් සරණක් මා හට නැතැයි කියන පුද්ගලයා දෙවියන් පසුපස හෝ යන්ත්‍ර මන්ත්‍ර පසුපස යෑම ත්‍රිවිධ රත්නත්‍රයට නිග්‍රහ කිරීමක් යැයි ඇතැමුන් තර්ක විතර්ක කරති. මෙම මතය අතිශයින් සාවද්‍යය. සරණ එකකි. පිහිට එකකි. සරණ යනු අසරණව මේ සංසාර ගමනේ ගමන් කරනු ලබන පුද්ගලයාට සරණක් වියහැකි යමකි. සංසාර සාගරයේ අසරණ වූ අපට ලැබෙන එකම සරණ නිර්වාණයයි. එය දෙවියකු පසුපස හෝ යන්ත්‍ර මන්ත්‍ර පසුපස ගොස් ලබාගත හැකි දෙයක් නොවේ. යන්ත්‍රයක් මතුරා කර පැලඳීමෙන් හෝ තොවිල් කිරීමෙන් නිවන් දැකිය නොහැකිය. එබැවින් නිර්වාණ මාර්ගයට ඇති එකම සරණ තුන් සරණ බව වටහා ගත යුතුය. පිහිට යනු තාවකාලික උදව්වයි. පුද්ගලයකු මෙම ජීවිතයේ යම් යම් කටයුතු කරගෙන යෑමේදී ඔහුට ඇතිවන විවිධ දුෂ්කරතා අවම කරගන්නා අදහසින් ඔහු විවිධ පිහිට බලාපොරොත්තු වෙයි. ඔබ වයෝවෘද්ධ කෙනෙක් නම් දිගු දුර ගමක් යන විට ඔබගේ පාද රිදෙන්නට වූ විට කෙනකු ඔබට සැරයටියක් ගෙනත් දුණනා නම් එහිදී ඔබ ඔබගේ ගමන් පහසුව ගැන සිතා එම සැරයටිය පිහිටක් කරගත්තාට ඔබේ සරණාගමනය බිඳෙයිද? නැත. අසනීපයක් වූ විටදී බෙහෙතකින් පිහිටක් ගැනීමේදී ඔබගේ සරණාගමනය බිඳෙන්නේ නැත. එසේම යම් යම් ග්‍රහ අපලයකින් පීඩා විඳි මොහොතක හෝ දුක් කම්කටුලු ඇති වූ අවස්ථාවක දෙවියන්ට පුද පූජාවක් තැබුවාට යන්ත්‍රයක් බැන්දාට දෙහි ටිකක් කැපුවාට එයින් ඔබට ශාන්තියක් සිදුවේ නම් එයින් පිහිට ලබාගත්තාට කිසිදු වරදක් නොවේ.

තථාගතයන් වහන්සේ විසින් උගන්වනු ලබන්නේ "මහණෙනි සතුන් මරමින් ප්‍රාණ ඝාතයේ යෙදෙමින් සිදුකරන මහා යාගයට දෙවියෝ නොපැමිණෙත්. ප්‍රාණඝාතාදියෙන් වෙන්ව කාය වාග් සංවරයෙන් සිදුකරන යාගයට උතුමෝද පැමිණෙත්" යනුවෙනි. එබැවින් යන්ත්‍ර මන්ත්‍ර ආදී මෙම ශාස්ත්‍රයන් කෙරෙහි විශ්වාසයක් තබා පිරිසුදු ලෙස කරනු ලබන මන්ත්‍ර කර්මයකින් බෞද්ධයාට වන හානියක් නැතැයි අපගේ විශ්වාසයයි. ලොව සියලු බුදුවරුන්ගේ අනුශාසනාව හෙවත් සබ්බ පාපස්ස අකරණං යන ගාථාව සෑම බෞද්ධයකු විසින්ම ඉතා ආදර ගෞරවයකින් භාවිත කරනු ලබන ගාථා දැහැනකි. බුදුන් වහන්සේගේ මහා අවවාදය වූ මෙම ගාථාව මෙලොව පහළ වූ යම්තාක් බුදුවරයන් වෙයිද ඒ සියලුම බුදුවරයන් විසින් ලෝකයාට දේශනා කරන ලද ගාථාවයි. මෙලොව බුදු වූ සියලුම සම්මා සම්බුදුරජාණන් වහන්සේගේ සිරි මුවින් නිකුත් වූ මෙම ගාථා රත්නය අප්‍රමාණ වූ ශක්තියක් ඇති මහා බලවත් ගාථාවකි. මෙම ගාථාව හා සමාන තවත් බුද්ධ ගාථාවක් මෙලොව නැතැයි මන්ත්‍ර ඇදුරන් අතර විශ්වාසයක්ද තිබේ. මෙම උතුම් වූ ගාථා රත්නය සමඟ තවත් ගාථා 3ක් වශයෙන් ගාථා 4ක් සහ ඒවාට අදාළ සුවිශේෂී වූ ක්‍රමයන් සතරක් මන්ත්‍ර ශාස්ත්‍රයේ උගන්වනු ලබයි. යම්කිසි පුද්ගලයකු විසින් මෙම ගාථා සතර දන්නේ නම් සතර වරම් දෙවියන් විසින් මේ ලෝකය ආරක්‍ෂා කරන්නාක් හා සමානව පුද්ගලයාට ආරක්‍ෂාව සැලසෙන බව විශ්වාස කරයි. මෙම ගාථා සතර දත් කිසිම ඇදුරකු මෙය තවත් කෙනකුට දීමට කිසිසේත් කැමැති නොවේ. ලෝකයේ පුද්ගලයාට මෙම ගාථා සතර සහ ඒවායෙන් කළ හැකි හාස්කම් නිසි පරිදි දැන සිටියහොත් ඔහු සතර මහා නිධානය ලත් තැනැත්තකු බඳු ආශ්චර්යකින් වැජඹෙන බව පැරැණි ගුරු පොත්වල සඳහන්ව තිබේ.

මාගේ ගුරුවරුන්ටද සිය ජීවිතය ලෝක සත්ත්වයාගේ යහපත පතා මෙම මහාර්ඝණීය ගාථා සතර වෙන වෙනම ඔබට ඉදිරිපත් කරමි. ශාස්ත්‍රය ඹකෙනෙකුගෙන් තවත් කෙනකු අතට ගියාට වරදක් නැත. නමුත් හුවමාරු විය යුත්තේ කාටත් යහපත් වන ශාස්ත්‍රයන් පමණි. අපගේ ඇති ඇතැම් පොත්වල අග්‍රගණ්‍ය වූ වටිනා මන්ත්‍ර වේයන්, කාවන් ආදී සත්ත්වයන් විසින් විනාශ කොට ඇති අවස්ථා දකින විට මෙම ශාස්ත්‍රය එසේ විනාශ වුවහොත් කා හටත් එයින් වන සෙතක් නොමැති නිසා මෙම ගාථා සතර ඉදිරිපත් කරමි. මෙම ගාථා සතර සහ ඒවායින් කළහැකි ගුරුකම් වෙන වෙනම ඔබට ඉදිරිපත් කළ යුතුය. පුද්ගලයකුට ලබාදෙන දේ කිසිදු අඩුවක් නොමැතිව ලබා දීම සංසාරයෙහි සර්ව සම්පූර්ණ මිනිසුන් ලෙස ඉපදීමට හේතුවෙන කුසලයක් බව අප දැඩිව විශ්වාස කරමු. එම නිසා මෙවර ඔබට තරුපතිවලින් එම ගාථා සතර ඉදිරිපත් කරමි. මේ සතියේ මෙය ඔබ හොඳින් පාඩම් කරගන්න. ඉදිරියේදී සතියෙන් සතියට ඒ එක එක ගාථාවක් පාසා ඉතාම පැහැදිලිව එහි ක්‍රමයන් සහිතව ඉදිරිපත් කරමි. ඒ නිසා මේ ලිපිය නැති කරගන්න එපා. සිතුමිණක් යැයි සිතා. ප්‍රවේශම් කරගන්න. මා විසින් ඔබට මේ ලබා දෙන්නේ මා අත්විඳි අත්්දුටු සත්‍යම ගාථා සතරයි. සතර මහ නිධානයටත් වඩා මා හට වටිනාකමක් උදාකළ මේ ගාථා සතර මෙවර ඔබට නිර්ලෝභීව දෙමි. මෙයින් ලැබෙන කුසලය මටත් මගේ ගුරු මවුපියන්ටත් නිර්වාණාවබෝධයටත් හේතු වේවා!

සබ්බ පාපස්ස අකරණං
කුසලස්ස උප සම්පදා
සචිත්ත පරියෝ දපනං
ඒතං බුද්ධාන ශාසනං

සබ්බ පාපස්ස සත්ථානං
අෂ්ට සම්පත්ති සාධකං
සර්ව කාර්ය කම්ම සත්ථානං
දේව දේවාති රූඩනං

තෛ්‍රලෝක තිලක ලෝකස්මිං
සර්ව සම්බුද්ධ සාධනං
ඒතේන රක්‍ෂතු මයිහං
ජය ශ්‍රී ජයතු මංගලං

සබ්බ පාපහිතා සත්තා
රත්තකාය සුතා සුතං
අෂ්ට චක්‍ර නාමානං - උෂ්ට භූෂණ භූෂණං
සර්ව සිද්ධි හරං තේජෝ - නම-- සත්තානු සාසනං
බුද්ධ වූ ජීව අති ශේ‍ර්ෂ්ඨං - සර්ව ශ්‍රී ජයතු මංගලං
ශාන්ති ජයතු මේ මයිහං - ශ්‍රද්ධා ශ්‍රී ජයතු තේජසාම්
සබ්බ පාපස්ස නාමානං තුවං සං ස්ව-- වශී කරං සත්තා දුක්ඛා සුඛා ඒතානාං බුද්ධ භාසිතං

ඔබට සියලු බුදුවරයන්ගේ සරණ ලැබේවා!

ඒ. සුමනවංශ හිමි 
071-8241354
මව්බිම