This site has features that require javascript. Follow these simple instructions to enable JavaScript in your web browser.
විස්තර ලුහුඩු දැන්වීම්
සිහිනයෙන් සියල්ලම දැනගත හැකි අරුම පුදුම ගුරුකමක්
අපේ ජීවිතවලට විවිධාකාරයේ කරදර බාධක ඇතිවන වෙලාවට අපි විවිධ ක්‍රමවලින් ඒවාට පිහිට හොයාගෙන යනවා. සමහර වෙලාවට අංජනම් බලනවා. නිමිති බලනවා. පේන අහනවා... මේ හැමදේම අපි කරන්නේ අපට ඇතිවෙච්ච කරදරයෙන් බේරෙන්න මොනවාහරි ක්‍රමයක් හොයාගන්නනේ. ඔය අතරෙ සමහර අයට හීනයක් හරි පෙනිල ඒ කරදරෙන් ගොඩඑන ක්‍රමයක් හම්බවෙනවා. නමුත් මේ කිසිම ක්‍රමයකින් තමන්ගේ ප්‍රශ්නය තමන්ට විස¼දා ගන්න බැරිවෙන වෙලාවල් ඕනෑතරම් තියෙනවා. මෙවර ලිපියෙන් මම ඔබට කියල දෙන්න යන්නේ සිහිනයෙන් පලාපල දැනගැනීමේ ක්‍රමයක් ගැන. සිහිනයෙන් දකින දේවල් බොරු කියල අපි හිතුවට සිහිනය අපේ සියලුම ආගම්වල ඉගැන්වෙන දෙයක්. විශේෂයෙන්ම බුදු දහමෙ සිදුහත් කුමාර උපත ගැන දැනගත්තෙත් සිහිනයකින්. ඒ නිසා බෞද්ධයන්ගෙ ජීවිත එක්ක සිහින හැම වෙලාවකම බැඳිල තියෙනවා. සිහිනයෙන් සුබ-අසුබ දැන ගැනීමේ ක්‍රමය ගොඩක් ඉස්සර ඉඳලාම මිනිසුන් භාවිත කරපු ඉතාම නිවැරැදි ක්‍රමයක්. නමුත් අද වෙනකොට මේ තත්ත්වය නැතිවෙලා ගිහින් තියෙන්නේ ක්‍ෂණික ක්‍රම ඔස්සේ මිනිස්සු පේන අහන්න යන නිසයි. මහන්සි වෙලා මේ දේ කරගත්තොත් අංජනමකින්, පේනකින් බලල දැනගන්නවටත් වඩා හොඳින් තමන්ට මේ තොරතුරු දැනගන්න පුළුවන් වෙනවා. ඒ නිසා මෙන්න මේ ක්‍රමය අත්හදා බලන්න ඔබට පුළුවන් නම් ඒක හරියට දෙවියන්ගෙන් වරමක් ගත්තා වගේ වැඩක් වේවි. මේ ක්‍රමයට අවශ්‍ය වන්නේ උනන්දුව, පිරිසුදුකම සහ කැපවීම විතරයි. අපි බලමු මොකක්ද මේ සිහිනයෙන් සුබ අසුබ දැනගන්නා ක්‍රමය කියල. මේ ක්‍රමය අනුගමනය කරන්න සතියේ ඕනෑම දිනයක පුළුවන්. හැබැයි දවල් කාලයේ මේක කරන්න බැහැ. අනිවාර්යයෙන්ම මේ ක්‍රමය කළ යුත්තේ රාත්‍රියේ තමන් නිදාගන්න කිට්ටු වෙලයි. ඒ නිසා මේ වැඩේ කරගන්න වෙන්නේ රාත්‍රි යාමයේදීයි. මුලින්ම තමන් හොඳින් නාලා පිරිසුදු වෙන්න ඕනෑ. අපිරිසුදු කයක් තියෙන පුද්ගලයාගේ මනසත් නිතරම අපිරිසුදු වෙනවා. ඒ නිසා ස්නානය ඉතාම වැදගත් වෙනවා. මේ ගුරුකමට විතරක් නෙවෙයි ඕනෑම ගුරුකමකට කලින් ඇදුරා ඉස් සෝදා නා පිරිසුදු විය යුතු බවයි අපේ මුතුන්මිත්තෝ අපට කියල දීල තියෙන්නේ. ඒ නිසා ඔබ මුලින්ම ස්නානය කළ යුතුයි. ඉන්පසුව සුදුපාට ඇති ඇඳුම්වලින් සැරැසෙන්න ඕන. මේ තමයි පූර්ව සූදානම. ඒ වගේම එදා දවසට මස් මාංසවලිනුත් වළකින්න පුළුවන් නම් ඒක ඉතාම වැදගත් වෙනවා. මතක තියාගන්න මේ ක්‍රමය ඉතාම නිවැරැදි සහ සත්‍ය ගුරුකමක්. ගෙදරට වැටිච්ච පොල් ගෙඩිය හොරෙන් අරන් ගියේ කවුද?, නෝනා ගෙදර එන්න පරක්කු වුණේ මොකද වගේ පුංචි දේවල්වලට නම් මේක පාවිච්චි කරන්න එපා. තමන්ට දැනගන්න බැරිම දෙයක් ඉතාම නිවැරැදිව මේකෙන් දැනගන්න පුළුවන්. නමුත් මේ මන්ත්‍ර විහිළුවට ගන්න එපා. ඒ වගේම අනවශ්‍ය දේවල් සඳහා භාවිත කරන්නත් එපා කියලා මුලින්ම මතක් කරන්නත් ඕන. හොඳයි දැන් මම අර මුලින් කියපු විදියටම නාල පිරිසුදු වෙලා පිරුවට ඇඳගෙන දැන් මල් තටුවක් හදාගන්න ඕනෑ. ඒ තටුව හදන්නේ මෙන්න මෙහෙමයි. පිරිසුදු කුඩා මේසයක් අරගෙන එයට කෙසෙල් කොළයක් එළාගන්න. දැන් ඒක උඩින් පහනක් පත්තු කරල තියන්න. හඳුන්කූරුත් තියන්න. පාට 5කින් මල් වර්ග 5කුත් මේ මේසෙ උඩින් තියන්න. කපුරු පෙත්තකුත් පත්තු කරන්න. පිනිදියත් ඉහින්න. බුලත් 7කින් සහ කාසි 7කින්ද ආසනය සකස් කරගන්න. කහ වතුරින් මේ සියල්ල මුලින්ම සෝදා ගන්නත් අමතක කරන්න එපා. තවත් සුවඳ හමන මල් වර්ග තියෙයි නම් ඒවත් මේ ආසනයේ තියල මුලින්ම බුදුන් වැඳල ඊළඟට මේ මන්ත්‍රයෙන් මහන්සි නොබලා 108 පාරක් නිකම්ම මතුරා ගන්න. ඉන්පසුව සුවඳ සාම්බ්‍රානි ටිකක් අරගෙන නැවැත 108 පාරක් මතුරමින් ආසනයට දුම් අල්ලන්න. මේ 216 වරක් කියැවෙන මන්ත්‍රය නොවරද්දවා කියන්න ඕනෑ. දිෂ්ටි කිරීම් ප්‍රාණ කිරීම් ආදී මන්ත්‍ර කිසිම දෙයක් අවශ්‍ය වන්නෙ නෑ. ඒ සියල්ලම මේ මන්ත්‍රය තුළින්ම කෙරෙනවා. ඒ නිසා ලොකු වෙහෙසක් දරන්න අවශ්‍ය නෑ වගේම ඕනෑම කෙනකුට මේක කරගන්නත් කරදරයක් ඇතිවෙන්නේ නෑ කියල බය නැතිවම අපි කියනවා. ඒ නිසා ඒ විදියටම කරගන්න. මතකයිනෙ, මුලින් වතාව නිකම්ම එතැන ඉඳගෙන 108 පාරක් කියලා ඊළඟට සුවඳ දුම් අල්ලමින් තමයි ඊළඟ 108 වතාව මතුරන්නෙ. දැන් අපි මතුරන මන්ත්‍රය දිහා බලමු. (පහත සඳහන් යන්ත්‍ර) මන්ත්‍රය නම් ටිකක් දිග තමයි. නමුත් මේ මන්ත්‍රයේ බලය අසාමාන්‍යයි. මේ මන්ත්‍රයට අපේ අය කිව්වේ 'දිව්‍ය ආරක්‍ෂා ගුරුකම' කියලයි. ඒකට හේතුව මේ මන්ත්‍රය කියන කෙනාව කතරගම දෙවියොත්, වල්ලි අම්මත් ආරක්‍ෂා කරන නිසයි. මේ මන්ත්‍රයෙන් එය කියවන පුද්ගලයාටත් පුදුම තරමේ ආරක්‍ෂාවක් ඇතිවෙනවා. නොයෙක් භූත දෝෂවලින් ආරක්‍ෂා වීමේ හැකියාවක් ලැබෙනවා. ඒ නිසා ආරක්‍ෂාවකුත්, ලැබෙන සියලු දේ දැනගන්නත් පුළුවන් ක්‍රමයක් නිසා තමයි මේකට දිව්‍ය ආරක්‍ෂා ගුරුකම කියල කියන්නෙ. ඉතින් මේ මන්ත්‍රයෙන් අර මුලින් කියපු විදියට 216ක් මතුරල තමන්ගේ ඉස පැත්තට ආසනේ සිටින සේ එතැනම ළඟින් තමන්ට නිදාගන්න තමයි තියෙන්නේ. රාත්‍රියේදී සිහිනයෙන් තමන්ට දැනගන්න ඕනෑ කාරණාවත් හිතෙන් හිතාගෙන 'අද මට මේ කාරණාව පිළිබඳ සියලු තොරතුරු දැනගන්නට ලැබේවා' කියල හිතාගෙන නිදාගන්න. අනිවාර්යයෙන්ම තමන්ට රාත්‍රියේදී දේවතාවුන් සිහිනයෙන් පෙනී ඉඳල කළ යුත්ත, නොකළ යුත්ත කියල දෙයි. ඒ විතරක් නෙවෙයි. ආරක්‍ෂාවට තෙල් ටිකක් මතුරන්න, නූලක් දාන්නත් මේ ගුරුකම ඉතාම ප්‍රත්‍යක්‍ෂයි. ඔන්න ඉතින් මේ ලස්සන ක්‍රමයත් කරල බලන්න. දේවාලවලට ගිහින් සල්ලි වියදම් කරනවට වඩා තමන්ගෙ දේ තමන්ටම දැනගන්න පුළුවන් නම් ඒක කොච්චර දෙයක්ද? නොබියව මේ දේ කරන්න. මේක හරියටම හරි. ඔබ සැමට සෙතක්ම වේවා. සුමනවංශ හිමි - 071-8241354 උපුටා ගැනීම මව්බිම