සෝතාපන්න වීමට අවශ්‍ය ඉන්ද්‍රීය ධර්ම පහ
01. තෙරුවන් කෙරෙහි අචල ශ්‍රද්ධාව
02. වීර්ය (බලවත් චින්තයක්‌) ඇති කර ගන්න ඕනා මම ඒකාන්තයෙන්ම මැරෙන්නට ප්‍රථම සෝතාපන්න වන බව සතර අපායෙන් සදහටම මිදෙන්නට දිනපතා වීර්ය කරමි.
03. සතිය සිහියෙන් යුතුව දවස ගෙවීම (විසිරුණු සිත නැතිව දවස ගත කිරීම)
04. එවිට ඔබගේ සිත් සමාධිමත් වෙනවා. සිත දුවන විසිරුණු ගතිය නැති වෙනවා (සමාධි කියන්නේ පමණක්‌ කට්‌ටිය දින ගණන් භාවනා කරන්න යනවා එය නොවේ ගෙදර දොරේ වැඩ කරගනිමින් රැකියාව කරගනිමින් කිසිම දෙයක්‌ කෙරෙහි ඇලෙන්නේ ගැටෙන්නේ නැතිව සිතීම
05. එවිට සමාධිමත් සිතින් සියලු දේ අනිත්‍ය වී ගිය හැටි දකින්න. බුදුරජාණන් වහන්සේත් අනිත්‍ය වෙලා ගිය හැටි මගේ මව් දෙමවුපියනුත් අනිත්‍ය වෙලා ගිය හැටි දකිමින් මම කුඩා කාලයේ සිටිය විදිය නොවේ දැන් මමත් අනිත්‍ය වී ගිහින් තියෙනවා කිසි දෙයක්‌ නිත්‍ය නෑ සෑම දෙයක්‌ම අනිත්‍ය වෙලා යනවා. ඔබට ඇහැට පෙනෙන සෑම දෙයක්‌ම අනිත්‍ය වෙලා යන හැටි දකින්න.
ඉහත ආකාරයෙන් ඉන්ද්‍රීය ධර්ම 05 සමබර කර ගතහොත් ඔබගේ සක්‌කාය දිට්‌ඨිය නැති වී යයි.
01. සක්‌කාය දිට්‌ඨිය කියන්නේ ඔබ ඔබට ඕන විධියට සිතන සිතට. මම බුදුරජාණන් වහන්සේ කියූ විධියට ඒකාන්තයෙන්ම මැරෙන්නට ප්‍රථම සෝතාපන්න වෙමින් මම ඉහත සඳහන් ආකාරයට ඉන්ද්‍රීය ධර්ම 05 සමබර කරගනිමින් තෙරුවන් කෙරෙහි අචල ශ්‍රද්ධාවෙන් වීර්යයෙන් සතියෙන් සිහියෙන් සමාධිමත් සිතින් අනිත්‍ය භාවනාව වඩමින් සිටියහොත් ඔබගේ සක්‌කාය දිට්‌ඨිය නැති වී සෝතාපන්න ඵලය සාක්‌ෂාත් කර ගැනීමට හැකි වේ.
ඉහත සඳහන් අයුරින් බුදුරාජාණන් වහන්සේ කියූ පරිදි කළ යුතු දේ කරන උපාසක උපාසිකාවන්ට විශ්වාසයක්‌ එනවා දැන් තමන් නැවතත් සතර අපායට නොවැටෙන බව නවත්වන්න එපා තවත් දිගින් දිගටම දවස පුරා සියලු දේකම අනිත්‍යය දකිමින් සතුටින් සිටින්න.
දැන් ඔබ නුවනින් ගලපන්න (ඔබ දැන් මැරිලා නැවත කොහේ උපදිනවාද කියලා ඔබ දන්නවාද?)
01. ඇයි ඔබ බුදුරජාණන් වහන්සේ කියූ ආකාරයට සෝතාපන්න නොවී සදහටම සතර අපායට විහින් වැටෙන්න හදන්නේ?
02. ඇයි ඔබ බුදුරජාණන් වහන්සේ කියූ ධර්මය අකීකරු භාවයෙන් ගන්නේ?
03. මම දිනපතා උදේ පාන්දරටත් රෑට නිදාගන්න යැමට ප්‍රථමත් අනිත්‍ය භාවනාව කරමින් සෝතාපන්න වෙමි (සදහටම සතර අපායෙන් මිදෙමි) මම ඒකාන්තයෙන්ම මාර්ගඵල ලාභී දෙවියෙක්‌ වෙමි.
04. ඔබ දැන් සීල, සමාධි, ප්‍රඥ, මාර්ගයට එන්න ප්‍රඥව කියන්නේ අනිත්‍ය භාවනාව වඩන සිත සෑම දෙයක්‌ම විදර්ශනා නුවණින් බලන සිත විදර්ශනා නුවණ කියන්නේ තමන් සාරාසංඛ්‍යකල්ප ලක්‌ෂයක්‌ දෙවියන් වෙමින් තිරිසන් සතුන් වෙමින් ප්‍රේතයන් වෙමින් අපායට වැටී කල්ප ගණන් ලෝදිය ගින්දරට අසු වී අනේකවිද දුක්‌ වින්ද හැටි දකින සිත තමයි විදර්ශනා නුවණ කියන්නේ.
05. නැහැ දැන් මට ඕන විධියට සිතන්නේ නැහැ. මම ඒකාන්තයෙන් අනිත්‍යය භාවනාව කර සෝතාපන්න වෙමි. මම මරණයෙන් පසුව මාර්ගඵලලාභී දෙවියෙක්‌ වී දිව්‍යලෝකයේදී නිවන් අවබෝධ කර ගන්නවා. මම දැන් සෝතාපන්න වෙන්න බලවත් චින්තනයක්‌ සකස්‌ කර ගත්තා. ඒ අනුව ක්‍රියා කරමි.
06. සතර අපායෙන් මිදුණු පුද්ගලයා පමණයි ,නිවන් මාර්ගයට අවතීරණය වන්නේ, එසේ අවතීර්ණය වීමට පුළුවන් වන්නේ අනිත්‍ය භාවනාව දිගටම වැඩූ පුද්ගලයාට පමණයි. සෝතාපන්න වන්නේ දැන් සිතන්න ඔබ නිවන් සැප ලැබේවා ලැබේවා ලැබේවා කියා ගියාට ඵලක්‌ නොවේ ඔබ ඒකාන්තයෙන්ම සතර අපායට වැටේ (අනිත්‍ය භාවනාව වැඩුවොත් පමණයි සතර අපායෙන් මිදෙන්නේ)
07. බුදුරජාණන් වහන්සේ දේශනා කරලා තියෙනවා ඔබ සතර අපායෙන් මිදුණේ නැත්නම් (මේ ආත්මයේ උතුම් සෝතාපන්න ඵලය සාක්‌ෂාත් කර ගත්තේ නැත්නම්) ඔබට විඳින්න වන දුක ඔබට දවසකට කස පහරවල් 300 ක්‌ ගහනවා යෑයි සිතන්න. ඒ වගේ අවුරුදු 300 ක්‌ කස පහරවල් ගහනවාට වැඩිය වේදනාවක්‌ ඔබට විඳින්න සිද්ධ වෙනවා. සතර අපායවල්වලට වැටුනහම. එක නිරයකට වැටුණ පසු නිරයවල් 136 ක්‌ තියෙනවා. ඒ නිරයවල් 136 ටම වැටිලා අවසානයේ අවීචි මහ නිරයටත් වැටිලා අවුරුදු කල්ප ගණන් දුක්‌ විඳින්න සිද්ධ වෙනවා. ඇයි දැන් ඔබ විහින් සතර අපායට වැටෙන්න හදන්නේ? කල්ප ගණන් දිව්‍ය සැප විඳීමට මාර්ගඵල ලාභී දෙවියෙක්‌ වී පැනගන්න. ඔබට උතුම් සෝතාපන්න ඵලය සාක්‌ෂාත් කරගෙන මාර්ගඵල ලාභී දෙවියෙක්‌ වීමට හැකි වේවා·
උපුටා ගැනීම දිවයින
