This site has features that require javascript. Follow these simple instructions to enable JavaScript in your web browser.
විස්තර ලුහුඩු දැන්වීම්
ශිව දෙවියන් විනාශ කරන්නේ නරක නපුරයි
“අවනීන්ඩ්‍රි ඕර් අනුවුම් අසෙයියා දු” යන දෙමළ කියමනෙන් ප්‍රකාශ වන්නේ විශ්වයේ සියලු කටයුතු සිදුවන්නේ “ශිව“ හෙවත් ඊශ්වර දෙවිඳුන්ගේ සිතැඟි අනුව බවය. ඊශ්වර දෙවිඳුගේ විංශති කාලෙට පවුකරුවන් හට හොඳ නැතිලු යනුවෙන් ඊශ්වර විංශතිය ගැන කවිකොළකාරයන් ප්‍රකාශ කළේ ඊශ්වර දෙවිඳුගේ ඒ දැඩි ප්‍රතිපත්තියය. මාධව නිධානයේ දැක්වෙන කල්පාරම්භයේ ඡවර (උණ) ජීවාණුව ලොවට උත්පාද වූ කතාව එවැනි දැඩි ප්‍රතිපත්තියක එහෙත් බලකාමයට සහ පුහු අහංකාරයට එරෙහි එක් අවස්ථාවකි. ඒ මෙසේය. කල්පාරම්භයේ තෙත්‍රා යුගයේදී දක්ෂගේ දියණිය සති ස්වයංවරයේ පිහිටා තම ස්වාමිපුරුෂයා ලෙස ශිව තෝරා ගත්තාය. ඊට උදහස්ව සිටි දළු විසින් කාලයාගේ ඇවෑමෙන් අශ්වමේධ යාගය සූදානම් කළේය. එයට දියණිය සතීට ඇරයුම් කළද ශිව දෙවිඳුට කිසිදු ආරාධනාවක් නොවීය. තම කැමත්තක් නොමැතිව එහි ගිය සතීගේ ආරක්ෂාවට ශිව සිය සේනාව සමග එහි යැවීයමයි. එහිදී ශිව දෙවිඳුට ගරුත්වය දක්වන කිසිවක් සිදු නොවූ තැන සතී තම සිරුර යෝගාග්නිය කරණකොටගෙන භෂ්මශාත් කරගත්තාය. මෙයින් කෝපයට පත් ශිවගේ සේනාව දක්ෂගේ සේනාව සමග යුද්ධ කරන්නට වූහ. එය ඇසූ ශිවද එහි ගොස් දක්ෂගේ අශ්ව මේද යාගය සහ ඔහුගේ සේනාවද විනාශ කර දමන ලදි. සිය තෙවන ඇස හෙවත් නළල්නෙත මෙහෙයවා වීරභද්‍ර (ධාරණ) නම් රාක්ෂයකු මවා නළ‍ලේ ඩාබිඳුවලින් ජවරගේ පාද ජීවාණුව මවා දක්ෂගේ බලකාමය අතනොහරින නිසා ඔහුගේ සේනාව සහ යාග පූජාවද විනාශ කළේය. ඉන්පසු වීරභද්‍ර රාක්ෂයා තම මෙහෙවර නිමාකොට ඉතින් මම කුමක් කරන්නේ දැයි ශිව දෙවිඳුගෙන් එකත්පස්ව හිඳ විමසීය. එවිට ශිව දෙවිඳුන්ගෙන් ලැබූ නියෝගය වූයේ ඔබ මනුෂ්‍ය ලෝකයට ගොස් වැරදි ආහාර බුදින (විශේෂයෙන්ම ගවමස්) වැරදි චර්යාවන් කරන පුද්ගලයන්ගේ සිරුරුවලට වැදී ජවරය උපදවා ලන සේය.එයින් ලෝකයට ජවර (උණ) රෝග කාරක ජීවාණුව උත්පාද වූ බවය.ශිව යනු දෙවියන් අතර විද්‍යාවට වෛද්‍ය ක්‍රමයට අධිපති මහා විද්‍යාඥයාද වේ. එය උක්ත කතාවෙන් සනාථ කෙරේ. එසේම හලාහල විෂ ලෝකය විනාශ කරන්නට හේතුවන නිසා එය පානය කිරීම සිදුකළේ ශිව දෙවිඳුගේ නරක නපුර විනාශ කිරීමේ න්‍යායට අනුකූලවය. මේ ක්‍රියාව නිසා කම්පාවට පත් පාර්ශ්වය නිදිවරා තම ස්වාමිපුරුෂයා වෙනුවෙන් යැදීම් කළ රාත්‍රිය මහශිව රාත්‍රියයි.මහශිව රාත්‍රියේ ශිව දෙවිඳුගේ උත්තම ගුණයට පූජෝපහාරයක් වුවද එය පතිදම් රැකිමේද ශුද්ධ වූ දීර්ඝ රාත්‍රියයි.බ්‍රහ්ම, විෂ්ණු, මහේෂ්වරයන ත්‍රි මූර්තිය විසින් කරන කාර්ය භාරය මෙසේය. උත්පාදනය (මැවීම) බ්‍රහ්ම විසින්ද, සුරැකීම ශ්‍රි විෂ්ණු විසින්ද විනාශය ශිව විසින්ද සිදු කරන බව කියවේ. එයට නිදර්ශනයක් මෙසේය. වරක් බ්‍රහ්ම තමන් ඉතා බලවත් බව ප්‍රකාශ කළ විට ශ්‍රී විෂ්ණු තමන් බලවත් බව එයට ප්‍රතිචාර ලෙස ප්‍රකාශ කළේය.මේ වාග් සංග්‍රාමය ඉතා දුරදිග ගිය විට ශිව දෙවිඳු ඊට කදිම විසඳුමක් ඉදිරිපත් කළේය. ඒ මෙසේය. ශිව දෙවිඳු අග්නි ජාලාවක් මවා එහි ආරම්භය සහ අවසානය සොයන ලෙස බ්‍රහ්ම දෙවියන්ට සහ ශ්‍රී විෂ්ණු දෙවියන්ට පැවැසීය. ඒ අනුව අග්නියේ ආරම්භය ශ්‍රී විෂ්ණු සෙවිය යුතු අතර බ්‍රහ්ම විසින් අවසානය සෙවිය යුතුය. මේ මහ බලවත් දෙවිවරුන් දෙපළට එකී අග්නියේ අග මුල සෙවිය නොහැකිවිය. මුලදී වැදගත්යයි නොසිතු මේ අග්නියේ අග මුල සෙවීමේ අභියෝගය හමුවේ මේ ඉතා ප්‍රබල දෙවිවරුන් දෙදෙනාම ඉතා නිහතමානීව බලවත් වන්නේ මෙහෙසුරු හෙවත් ශිව (ඊශ්වර) දෙවිඳු බව පිළිගත්තේය. ඊශ්වර, මහේෂ්වර, ශිව පුත්‍ර සිඟාමනි ආදි විවිධ නම් රාශියකින් යුක්ත “ශිව“ විසින් අහංකාරය විනාශ කළේ එසේය.එසේ හෙයින් :-ශිව හෙවත් ඊශ්වර දෙවිඳු විනාශ කරන්නේ නරක නපුරු පුහු අහංකාරය, බලකාමය, කුරිරු දුර්දන්ත බව අධර්මිෂ්ඨකම මිස යහපත සහ ධර්මිෂ්ඨකම නොවේ. ශිව දෙවිඳු වැඳ පිහිට ඉල්ලා ආයාචනය කළ යුත්තේ විශේෂයෙන්ම විද්‍යාව සොයන්නන් විසිනි.‍පොල්තෙල් පහන, වී, පඬුරු, ‍පොල්ගෙඩිය, පලතුරු, කැවිලි, බුලත්, සුදුමල්, සුදුමල් මාලාවක් පුද ද්‍රව්‍ය වේ.ඉතා නපුරු ඕනෑම බලවත් සතුරෙකු මෙල්ල කිරීමේ බලය ඉතා දරුණු රෝග සහ ඉතා බලගතු වින. භූමිපාළුවල බලය විනාශ කර ඔබ රැකදෙන්නේ මහ දෙවිවරයාණන් වන ශිවය.එවැනි ශිව සහ පාර්වතියට නමස්කාර වේවා ඕම් ශ්‍රී නමශීවාය නමඃ උපුටා ගැනීම ලක්බිම පුවත්පත