The Hobbit: The Desolation of Smaug

Trek into Darkness, 12 Years a Slave, The Fifth Estate සහ August:Osage Country යන චිත්‍රපට වලට දුන් දායකත්වය අභිබවා වසරේ හොඳම නළුවා ලෙසින් සම්මාන දිනාගැනීමට බෙනඩික් කම්බර්බැච් සමත් වූයේ The Hobbit:The Desolation of Smaug හි ස්මවුග් ලෙස දැක්වූ රංගන දායකත්වය හේතුවෙනි. The Lord of the Ring තුන් ඈදුරු චිත්‍රපට මාලාවේ අලුත් චිත්‍රපට එකතුව ලෙසින් තිරගත වීම ඇරඹි The Hobbit: An Unexpected Journy චිත්‍රපටයේ දෙවැන්න ලෙසින් වාර්තා පිට වාර්තා තබමින් තිරගතවන The Hobbit: The Desolation of Smaug පැය තුනකට ආසන්න කාලයක් පුරා දිග හැරේ. පීටර් ජැක්සන්ගේ තිර රචනයක් වන මෙහි අධ්‍යක්ෂණය සඳහා පළමුව යෝජනා වූයේ ගුලෙයිමෝ ඩෙල් ටෝරෝ ය. නමුත් කෙසේ හෝ The Hobbit දෙවැන්නෙහි අධ්‍යක්ෂණය සිදුවූයේද පීටර් ජැක්සන් අතිනි. The Hobbit පළමු වැන්නෙහි අවසානයත් සමඟ ආරම්භවන මෙහි ස්මවුග්ගේ වියෝවෙන් අනපේක්ෂිත අභියෝග රැසකට මුහුණ දෙන බිල්බෝ, ඩ්වාවුස් කණ්ඩායම සමඟ පවතින ගිවිසුම සම්පුර්ණ කිරීමට දරන උත්සාහයන් අතරින් චිත්‍රපටය ඉදිරියට ගලාගෙන යයි. හොබිට් හෙවත් බිල්බෝගේ චරිතයට පන පොවන්නේ මාටින් ෆ්‍රිමන් වන අතර ගන්ඩොල්ෆ් ලෙසින් ඉයන් මැක්කෙලන් ද, තෝරින් ලෙසින් රිචඩ් ආමිටේජ් ද, ස්මවුග් ලෙස බෙනඩික් කම්බර්බැච් ද රංගන දායකත්වය සපයයි. හෝවාර්ඩ් ෂෝගේ සංගීතයෙන් ස්වර ගැන්වුණු The Hobbit: The Desolation of Smaug හි I see fire ගීතය දැනටමත් ප්‍රේක්ෂක හදවත් පැහැර ගන්නට සමත්ව ඇත. New Line Cinema, Metro-Goldwyn-Mayer සහ WingNut Films හැරෙන Warner Bros. Pictures යටතේ බෙදා මෙම චිත්‍රපටය 2013 දෙසැම්බර් 2 දින ලොස් ඇන්ජලීස් නුවර දී තිරගත වීම ඇරඹිණි. 1937 වසරේ J. R. R. තෝල්කියන්ගේ Hobbit නවකතාව පාදක කරගෙන නිර්මාණය වූ චිත්‍රපට මාලාවේ දෙවැන්නෙහි දී බිල්බෝ හට ගිවිසුම් ප්‍රකාරව කටයුතු කිරීමට හැකිවේද, ඔහුගේ උත්සාහයන් සාර්ථක වේද? සිත්මල්යායෙන්...