This site has features that require javascript. Follow these simple instructions to enable JavaScript in your web browser.
විස්තර ලුහුඩු දැන්වීම්
ශ්‍රද්ධාට පොලිස් ආරක්ෂාව



සුරූපී නිළි ශ්‍රද්ධා කපූර් පසුගිය සතියේ රොක් සංගීතයට අනුව ගී ගැයීමට පුහුණු වුණා. ඒ ඇයට රඟපෑමට ලැබී තිබෙන චරිතයක් නිසයි. ෆර්හාන් අක්තාර් අධ්‍යක්ෂණය කරන ‘රොක් ඔන් ටු’ චිත්‍රපටයේ ඇයට රඟපෑමට නියමිතව තිබෙන්නේ රොක් ගායිකාවකගේ චරිතයක්.

ඒ සඳහා රොක් සංගීතය පිළිබඳ අවබෝධයකුත් ඇයට ලබා ගැනීමට සිදුවී තිබෙනවා. “මම කොහොමත් සින්දු කියන්න ආසයි. ඒත් මේ වගේ පුහුණුවීම්වල යෙදිලා නැහැ. ෆර්හාන් අක්තාර් යටතේ රඟපාන්න මම බය වුණා. මම එයා නිර්මාණය කරපු චිත්‍රපට බලල තියෙනවා. ඉතින්, ෆර්හාන් වගේ ප්‍රවීණයකු යටතේ රඟාපන්න ලැබීම වාසනාවක්.” ශ්‍රද්ධා පැවසුවා.

මේ සුරූපිනිය ඇතැම් විචාරකයන් හඳුන්වන්නේ බොක්ස් ඔෆිස් රැජන හැටියටයි. ඇය දැන් එතරම් ම ජනප්‍රියයි. රසික හදවත් දිනා සිටින ශ්‍රද්ධා යන යන තැන්වල විශාල පිරිසක් එක්රොක් වීම දැන් සුලබ දෙයක් වෙලා. ශ්‍රද්ධා මෑතකදී මුම්බායි හි සුප්‍රසිද්ධ අවන්හලකට පැමිණියා. ඇය පැමිණ සිටින බව ආරංචි වූ රසික රසිකාවියන් 500 ක පමණ පිරිසක් අවන්හල ප්‍රධාන දොරටුව අසලට එක් රොක් වුණා.

මේ නිසා ශ්‍රද්ධාට එතැනින් පිටත්ව යන්න ලේසි වුණේ නැහැ. අවන්හලේ කළමනාකාරිත්වයට සිදුවුණේ එම පිරිස හසුරුවන්නට පොලීසිය කැඳවීමටයි. පොලිස් නිලධාරීන්ගේ මැදිහත්වීමෙන් මෝටර් රථයට ගොඩ වැදුණු ශ්‍රද්ධා රසික පිරිසට ආචාර කිරීමට දැඩි උනන්දුවක් දැක්වූවා. තම මෝටර් රථයේ වහලයේ දොරටුව විවර කළ ඇය, නැඟී සිටිමින් රසික සහෘදයනට ආචාර කළේ ඔවුන්ගේ උණුසුම් ප්‍රතිචාර මැද්දේයි.

ශ්‍රද්ධාගේ මෝටර් රථයට ඉදිරිපසින් පොලිස් නිල රථයක් ගමන් කරනු ද දකින්න ලැබුණා.