This site has features that require javascript. Follow these simple instructions to enable JavaScript in your web browser.
විස්තර ලුහුඩු දැන්වීම්
කරීනා කපූර් මවු පදවියට



“මම අම්මා කෙනෙක් වෙන්නෙ තව අවුරුදු දෙකකින් විතර. ඒ වෙන තුරු මවු පදවිය ලබන්න මගේ බලාපොරොත්තුවක් නැහැ.” මෙහෙම කියා තිබුණේ සුපිරි නිළි කරීනා කපූර්. ඒත්, කරීනා ට එච්චර කාලයක් බලා ඉන්න ඕනෙ වෙලා නැහැ. ඇය මේ වනවිට දරු සම්පතක් බලාපොරොත්තුව සිටින බවයි අල්ලපු රටෙන් උණුසුම් ආරංචියක සටහන් වී තිබුණේ. ඇ‍ෙග් සැමියා, සායිෆ් ද ඒ ගැන බලාපොරොත්තු සහගතව සිටින බවත් ඒ ආරංචියෙහි සටහන් වුණා.

ඇය කුඩා දරුවන්ට හරිම ආදරෙයි. තම සැමියා, සායිෆ් ගේ පළමු විවාහයේ දරුවන්ටත්, තම සොහොයුරිය කරිස්මා කපූර් ගේ සිඟිති දරුවන් දෙදෙනාටත් ඇය දැඩි සෙනෙහසක් දක්වනවා. විශේෂයෙන් ම, සොයුරිය කරිස්මාගේ දරු දෙදෙනා ව සුරතල් කරන්නට කරීනා හරිම කැමැතියි. ඒ දරු දෙදෙනාත් කරීනා ළඟ දැවටෙමින් ඇගේ උණුසුම ලබන්නට කැමැතියි.

කරීනා සහ සායිෆ්ගේ සමීප හිතවතකු ඉන්දීය වෙබ් අඩවියකට පවසා තිබුණේ මේ ආරංචිය ගැන නිවැරැදි කරුණු කරීනා ළඟදීම ප්‍රසිද්ධියේ ප්‍රකාශ කරනු නිසැක බවයි.

සිලුමිණ