This site has features that require javascript. Follow these simple instructions to enable JavaScript in your web browser.
විස්තර ලුහුඩු දැන්වීම්
ෂාරුක්ගෙ පුතාගෙයි ඓශ්ගෙ දුවගෙයි

පසුගිය නත්තල් කාලයේ පැවැත්වුණු උත්සවයකදී ෂාරුක් ඛාන්ගේ පවුලෙ අයයි, බච්චන් පවුලේ අයයි කාජල්ගේ පවුලේ අයයි එකිනෙකා මුණගැහුණා. ඒ වෙලාවේ ෂාරුක් ඛාන්ගේ පුංචි පුතු අවුරුදු 2ක් වුණු අබ්රාම් සහ ඓශ්වර්යාගේ අවුරුදු 4ක් වුණු ආරාධ්‍යා බොහොම සමීපව මිතුරුකමින් සෙල්ලම් කරමින් සිටියා.

මේ දෙන්නාගේ යාළුකම කොයිතරම්ද කියනවා නම් උත්සවය ඉවර වුණාට පස්සෙත් මේ දෙන්නව වෙන් කරන්න පුළුවන් වුණේනැහැ.තින් ඒ වෙලාවේ ෂාරුක් බොහොම අපූරු අනාවැකියක් කිව්වා. "කාලයක් හින්දි සිනමාවේ හොඳම කපල් එක මම සහ කාජල්. අද රන්වී-දීපිකා, සිද්ධාර්ත් සහ අලියා,ෆාවඩ් සහ සෝනම් ඉදිරියෙන්ම ඉන්නවා. තව අවුරුදු 15කින් හින්දි සිනමාවේ හොඳම කපල් එක අබ්රාම් සහ ආරාධ්‍යා වේවි. සමහර විට ඇත්ත ජීවිතයේ පවා..." කියලා.

ඒ වෙලාවේ මැදට පැනපු කාජල් මෙහෙම කිව්වා. "එහෙම වෙන්නේ කොහොමද අබ්රාම්ට වැඩිය ආරාධ්‍යා අවුරුදු දෙකක්ම වැඩිමල්නේ" කියලා. ෂාරුක්ගේ උත්තරයවුණේ "ආදරය කරන්න වයස ප්‍රශ්නයක් වෙන්නේ කොහොමද? එහෙනම් ඔයයි මමයි කොච්චර ෆිල්ම්ස්වල ආදරේ කළාද? ඔයා මට වැඩිය කොච්චර වැඩිමහල්ද?" කියලා කිව්වා. එහෙම කිව්වාට ෂාරුක්ට දැන් 50යි. කාජල්ට 41යි. ඉතින් මේ කතාබහ අහගෙන හිටපු අමිතාබ් බච්චන් මෙහෙම කිව්වා. "ෂාරුක්ගේ කතාව ඇත්තක් බවට පත් වේවා කියලා මම පරාර්ථනා කරනවා" කියලා.



දුලංජලී මුතුවාඩිගේ
මව්බිම