මගේ පෙම් ජවනිකා බිරිඳට ප්‍රශ්නයක් නෙවෙයි..

මේ දිනවල පුංචි තිරයේ වැඩිපුරම දක්නට ලැබෙන ප්‍රේක්‍ෂක ආදරය ආකාර්ශනය දැඩි සේ ලබාගත් රංගන ශිල්පියෙක් මෙවර සදැල්ල කතාබහකට එකතු කරගන්න හිතුවා. ඒ ආදරණීය රංගන ශිල්පියා විශ්ව කොඩිකාර.

ඔව් මේ දිනවල ටෙලි නිර්මාණ කිහිපයක්ම විකාශය වෙනවා. මම සම්බන්ධ වුණූ ස්වාධීන රුපවාහිනියේ හදවිල අරණත්, සිරස රූපවාහිනියේ කියාදෙන්න ආදරේ තරම් සහ හිරු නාළිකාවේ අහස් මාළිගා නිර්මාණ හරහාත් තමයි දකින්න ලැබෙන්නේ.

ස්වාධීන රුපවාහිනියේ විකාශය වන ලක්‍ෂ්මන් පුෂ්පකුමාර මහත්මයාගේ හදවිල අරන නාට්‍යයේ විශාරද නිපුන් සංගීත ගුරුවරයෙක්ගේ චරිතයක් නිරූපනය කරන්නේ. ඇත්තටම මට ලැබුණු වෙනස්ම චරිතයක්. ඒ වගේම හිරු නාළිකාවේ විකාශය වන අහස් මාළිගා නාට්‍යයේ ත්‍රීරෝද රථ රියදුරෙක්. ඔහු මේ වෙද්දි ව්‍යාපාරයට ඇවිල්ලා ඉන්නවා. අවසන් කොටස් ටික තමයි විකාශනය සිදුවන්නේ. ඊට අමතරව මෑතකදීම විකාශය ආරම්භ කරපු සිරස නාළිකාව විකාශය වන මහේෂ් රත්සර මද්දුමආරච්චි මහත්මයාගේ “කියාදෙන්න ආදරේ තරම්” නාට්‍යයට වෙනස්ම චරිතයකින් සම්බන්ධ වෙන්න අවස්ථාව ලැබිලා තියෙනවා. ධනුෂ්ක රත්නායක මහත්මයා අධ්‍යක්ෂකවරයා විදියට කටයුතු කරන්නේ. ඉතින් ප්‍රේක්‍ෂකයන්ට මේ තුළින් මුලින් මාව එපාවෙනවා වගේ පොඩි දෙයක් තියෙනවා. නමුත් ඉදිරියේ දී ඒ දේවල් ටිකක් වෙනස් වෙනවා. ඒ වෙනස දකින්න රාත්‍රී 8.30 කියා දෙන්න ආදරේ තරම් නිර්මාණයක් එකක දිගටම රැඳිලා ඉන්න කියලා ආරාධනා කරනවා.

ඇත්තටම නාට්‍යය පටන් අරන් තවම සති තුනක් වගේ. නමුත් මේ කාලය ඇතුළත ඉතාමත් හොඳ ප්‍රතිචාර ලැබෙනවා. ඒ ලැබෙන ප්‍රතිචාරවලින්ම හිතාගන්න පුළුවන් බොහෝ දෙනෙක් නාට්‍යයක් එක්ක එකතු වෙලා ඉන්නවා කියලා. ඉතින් නාට්‍යයට මේ විදියට ප්‍රතිචාර ලැබීම ගැන ඇත්තටම සතුටුයි.

මේ නාට්‍යය ජනප්‍රිය වෙන්න ලොකුම හේතුවක් විදියට මම දකිනවා. චරිත තෝරා ගැනීම, මහේෂ් රත්සර මද්දුමආරච්චි මහත්මයා ඔහුගේ තිර පිටපතට චරිත ගැළපීම හැමදාමත් වගේ හොඳින්ම කරලා තිබුණා. මගේ පළමු ටෙලි නාට්‍යය “පබළු” නිර්මාණයේ සිට මම ඔහුව හඳුනනවා සහ ඔහුගේ නිර්මාණ කිහිපයකටම සම්බන්ධ ප්‍රතිචාර ප්‍රේක්‍ෂකයන්ගෙන් ලැබුණා. ඒ වගේම මේ නාට්‍යයේ චරිතත් මම පෙර සඳහන් කළ පරිදිම සියලුම චරිත ප්‍රධාන චරිතවල සිට සාමාන්‍ය චරිත දක්වාම හැකියාවන් තියෙන රංගන ශිල්පීන් තමයි තෝරගෙන තියෙන්නේ. ඒ නිසාම මේ නාට්‍ය විකාශයවෙලා ටික කාලයක් වුණත් ඉතා ඉහළ ප්‍රතිචාර ලැබෙනවා.

ඇත්තටම ගොඩක් සතුටුයි ඒ ගැන මොකද උතුම් පැතුම් හි මයන්තට ආදරය කරපු ප්‍රේක්ෂකයොත් බොහෝ දෙනෙක් ආදරයෙන් වැළඳගත් චරිතයක්. ඉතින් මේ නාට්‍යය සිරස නාළිකාවෙන් නැවත විකාශයක් සිදුවීම ලොකු සතුටක්, විශේෂයෙන්ම මමත් දැන් මේ නාට්‍යය බලනවා. මීට පෙර මම සම්බන්ධ “පැහැසරා” නාට්‍යයෙත් නැවත විකාශයක් සිදුවුණා. ඇත්තටම හරි ආසයි ඒ නිර්මාණ දකිද්දී.

ඔව්, ඇයත් ඒ නිර්මාණ වලට ගොඩක් කැමතියි. මගේ පවුලේ සියලුම දෙනාත් එහෙමයි. ඉතින් ඒ හැමදෙනාම ආසා කරපු ආදරේ කරපු නිර්මාණ තමයි නැවත විකාශය වෙන්නෙත්, ඉතින් ඒවා ගොඩක් කැමැත්තෙන් ආසාවෙන් නරඹනවා.

ඇත්තටම කිසි ගැටලුවක් නැහැ. මොකද මගේ වෘත්තිය ගැන තේරුම් අරගෙන තමයි ඇය මගෙත් එක්ක විවාහ වුණේ. ඉතින් ඒ සම්බන්ධව කිසි ප්‍රශ්නයක් නැහැ. අපි තේරුම් අරගෙන ජීවත්වෙන්නේ.

ගොඩක් සතුටුයි, ඒ ගැන කියන්න වචන නැති තරම්. ඕනෑම කලාකරුවෙක් බලාපොරොත්තු වෙන්නෙත් තමන් සම්බන්ධ වුණූ නිර්මාණ හරහා තමන්ව දකින්න ලැබීම ඉතින් මාව ඒ විදියට පුංචි තිරයේ ඒ චරිත රංගනයන් හරහා දකින්න ලැබෙද්දී මාරම හැඟීමක් දැනෙනවා. ඉතින් මට ආදරය කරන රසික රසිකාවියන් ඒ වෙනුවෙන් ලබාදෙන ප්‍රතිචාර ඒ ආදරය විශේෂයෙන් සඳහන් කරන්න ඕනෑ. ඒ ප්‍රතිචාර ආදරය එක්ක තමයි අපි අදටත් ශක්තිමත්ව සතුටින් මේ ක්ෂේත්‍රයේ රැඳිලා ඉන්නේ. ඉතින් ජීවිතේ ඒ දේවල් අමතක කරන්න බැහැ කවදාවත්ම. විවාහ වෙලා දරුවොත් ඉද්දි සාමාන්‍යයෙන් පෙම්වතාගේ චරිතය ලැබෙනවා අඩුයි.

ගොඩක් සතුටුයි. මම හිතනවා මම මගේ ස්වරූපය ආරක්ෂා කරගෙන තියෙන නිසා වෙන්න ඇති මට තවමත් ඒ චරිත ලැබෙන්නේ. නමුත් පෙම්වතාගේ චරිතය හැමදාම කරන්න බැහැ. කාලයයි පුළුවන් ඒ කාලෙන් පස්සේ වෙනත් චරිතවලට යන්න වෙනවා. ඒක ඇත්තටම රංගන ශිල්පියෙක් විදියට මට ප්‍රශ්නයක් නෙමෙයි. මම කොහොමත් කැමතියි මට ලැබෙන ඕනෑම චරිතයක් හරහා සමාජයට ආදර්ශයක් ලබා දෙන්න. ඒ වගේම පවුලේ හැමෝටම එකට සිට නරඹන්න පුළුවන් නිර්මාණ විතරයි මම භාරගන්නෙත්. ඉදිරියටත් ඒ දේවල් ඒ විදියටම සිද්ද වෙයි.

අහස් මාළිගා සහ කියා දෙන්න ආදරේ තරම් නාට්‍යවල පුළුවන් ආකාරයට රූගතකිරීම් ගෙවල්වල සිදු කරනවා. හේතුව ඒ නාට්‍ය සතියේ දවස් පහේම විකාශය වන නිසා නමුත් නිවසේ රැඳෙන කාලය මේ ටිකේ වැඩියි. ඉතින් විවේකයක් ලැබිලා තියෙන එක ගැන නම් සතුටුයි. මොකද පවුලේ අය එක්ක රැඳෙන්න කාලයක් ලැබිලා තියෙන නිසා.

ධනු විජේරත්න
උපුටා ගැනීම saaravita.lk