මම අහස දිහා බලන් ඉන්නවා මෙච්චර වතුර බින්දු ගොඩක් කොහොමද වැටෙන්නෙ කියලා…
ඒ මමද ඉන්නෙ කියලා වෙලාවකට හිතුණා…
ඈත පිටිසර දුෂ්කර ගම්මානයකට අසංවර වැස්සක් ඇදහැලුණා. ඒ ඇදහැලුණු වැස්සෙන් පිපුණ පුංචි මලක් අපි දැක්කා. ‘අසංවර වැස්සක්’ ටෙලිනාට්‍යය ඔබත් නැරැඹුවානම් මේ පුංචි මල දැන හඳුනනවා ඇති. ඒ පුංචි සිඟිත්තිය තමයි දනුජි දිනත්යා සේමින්දි. ඒ සුරතල් හඬින් පුංචි දුව අපි එක්ක පොඩි කතාවකට මුලපිරුවා.
චූටි දුව දැන් හරි ජනප්‍රියයි නේද?
ඔව්… මාමේ තාමත් මට හැමෝම කතා කරන්නේ ‘චූටි’ කියලා.
‘අසංවර වැස්ස’ ටෙලිනාට්‍යයේ රඟපානවා වගේම දුව වැස්සේ තෙමෙන්නත් ආසයිලු නේද?
ගෙදරදි
නම් වහින කොට අම්මාට හොරෙන් මිදුලට බැහැලා නටනවා. තවත් වෙලාවකට මම අහස
දිහා බලාගෙන ඉන්නවා. මෙච්චර වතුර බින්දු ගොඩක් කොහොමද වැටෙන්නේ කියලා.
දනුජි දුව ඉස්සෙල්ලාම රඟපාපු ටෙලිනාට්‍ය මතකද?
ධනංජය මාමා මාව ‘හුස්ම වැටෙන මල්’ කියන ටෙලිනාට්‍යයට රඟපාන්න ගත්තා. ඊට පස්සේ හදවතේ කතාව, මහපොළොව ටෙලිනාට්‍යවල ළමා චරිත රඟපෑවා.
දැන් දුවට මේ ඔක්කොම චරිත රඟපාන්න මුලින්ම ලැබුණු හැටි මතකද?
ඔව්…
මට මතකයි. මම 2019 ‘දෙරණ – සිඟිති අවුරුදු කුමරිය’ තරගයට ඉදිරිපත් වුණා.
ඒකෙන් අවසන් දසදෙනා අතරට මාවත් තේරුණා. ඊට පස්සේ තමයි මට ටෙලිනාට්‍යවලට
රඟපාන්න යන්න අවස්ථාව ලැබුණේ.
කැමරාවක් ඉදිරියට ඇවිත් රඟපාන්න බය හිතුණේ නැද්ද ඉතින්?
‘හුස්ම
වැටෙන මල්’ ටෙලිනාට්‍යයේ තමයි මම කැමරාවක් ඉදිරිපිට රඟපෑවේ. සාරංග මාමා,
දිනක්ෂි නැන්දා එක්ක තමයි මට රඟපාන්න තිබුණේ. ඉතින් නැන්දයි, මාමයි මට
ගොඩාක් උදවු කළා. රඟපාන විදිය කියලා දුන්නා.
දුව රඟපාපු ටෙලිනාට්‍ය රූපවාහනියේ යද්දි දුවගේ රඟපෑම දැකලා මොකද හිතුණේ?
ඒ මමද ඉන්නේ කියලා වෙලාවකට හිතුණා. තවත් වෙලාවකට හිතුණා මම මේ විදියට රඟපෑව නම් හොඳයි කියලා. මටම සතුටුයි මාව එහෙම දැක්කම.
දනුජි දුව පාසල් යන්නේ කොහෙටද?
ආර්. ජී. සේනානායක මහා විද්‍යාලයට, නාරම්මල. පළමු පන්තියේ තමයි මම තවම ඉගෙනුම ලබන්නේ.
දුවට තවම චිත්‍රපටයක රඟපෑමට අවස්ථාව ලැබුණේ නැද්ද?
සංජීව
පුෂ්පකුමාර මාමාගේ ‘අරම්මාන’ චිත්‍රපටයේ රඟපෑමට අවස්ථාව ලැබුණා. ආශාවෙන්
ඉන්නේ ඒ චිත්‍රපටයේ මගේ රඟපෑම කොහොමද කියලා දැකබලා ගන්න.
වසන්ත විතාණගේ
උපුටා ගැනීම මව් රට
