🛍️   Business Directory
📣   Classifields
🛍️   Business Directory
📣   Classifields

පිරිමින්ගේ තට්ටය පෑදෙන්නේ ඇයි?

පිරිමින්ගේ තට්ටය පෑදෙන්නේ ඇයි?

තට්ටය පෑදීම අවුරුදු 20දී පටන් ඇතිවිය හැකියි. මෙවර Meet Your Doctor වැඩසටහනට සහභාගී වූයේ චර්ම රෝග පිළිබඳ විශේෂඥ වෛද්‍ය ජනුකා ගලහිටියාව මහත්මියයි.

හිසකෙස් යනු මොනවාද? එහි වර්ධනය සිදුවන්නේ කෙසේද?
හිසකෙස් යනු බාහිර රූප අලංකාරයේදී සමේ පවතින වැදගත් උපාංගයක්. සමේ ඇතිවන හිසකෙස් හා රෝම වර්ධනය වන්නේ එකම ආකාරයටයි. මේවා හිසකෙස් ලෙස වැඩි ප්‍රමාණයක් හිස් කබලේ හා ඉතිරිය අඩු වශයෙන් ශරීරයේ රෝම වශයෙන් පවතියි. සාමාන්‍ය පුද්ගලයෙකුගේ හිසෙහි හිසකෙස් ලක්ෂයක් පමණ තිඛෙයි. එම එක කෙස් ගසක් දින 14ක පමණ කාලයක් පවතියි. ඒ වගේම දිනපතා හිසකෙස් 100 - 150 අතර ප්‍රමාණයක් හැලී යාම ස්වභාවික තත්ත්වයක්. හිසකෙස් සඳහාද ජීවන චක්‍රයක් පවතියි. එනම් කෙස් ගසක් වැඩෙන කාලයක්, විවේකීව තිඛෙන කාලයක් හා කෙස් හැලෙන කාලයක් පවතියි. හිසකෙස් වැඩෙන කාලය සාමාන්‍යයෙන් අවුරුදු 2 සිට අවුරුදු 6 දක්වා දික්විය හැකියි. එම කාලසීමාව මත එක් එක් අයගේ හිසකෙස්වල වර්ධනය තීරණය වේ. කෙස්ගස් වර්ධනය වන කාලසීමාව අනුව අදාළ පුද්ගලයාගේ හිසේ පවතින හිසකෙස් ප්‍රමාණය තීරණය වේ. මෙම හිසකෙස් සාමාන්‍යයෙන් හිස් කබලේ හිසකෙස් වලින් 80%ක් පමණ වේ. පසුව මාස 2, 4ක් පමණ විවේකී තත්ත්වයේ තිඛෙන හිසකෙස් ඉන් පසුව හැලී යයි. පසුව එතැනනින් නැවත "පැපිලා" නැමැති කොටසින් කෙස් ගසක් වර්ධනය වේ.

හිසකෙස් ගැලවී යාම පිළිබඳ කතාබහ කළොත්?
මෙම හිසකෙස් පිළිබඳ පවතින චක්‍රයේ වෙනස්කම් නිසා හිසකෙස්වල වෙනස්කම් ඇති වේ. සමහර විට කොට්ටවල, නානකාමරවල, පනාව හා අතුගාන අවස්ථාවලදී හිසකෙස් ගැලවී යන බව දැකගත හැකියි. මෙය මුළු හිස් කබලම ආශ්‍රය කරගෙන හිසකෙස් ගැලවීයාමක් ලෙස හැඳින්වේ. ඇතැම් අයගේ නළල ප්‍රදේශය ආශ්‍රය කරගෙනද හිසකෙස් ගැලවී යා හැකියි. මීට බොහෝදුරට හේතුවන්නේ මානසික ආතතිය, කායික ආතතිය විය හැකියි. ඇතැම්විට උසස් පෙළ විභාගය, ශල්‍යකර්මයකට භාජනය වීම, දරු ප්‍රසූති, ඩෙංගු වැනි රෝගී තත්ත්ව මෙවැනි ආතති වලට හේතු වේ. ඇතැම්විට හිසකෙස් ගැලවී යන අවස්ථාව වීමට මාස 6කට පමණ පෙර එම ආතතියට මුහුණ පා ඇතිබව වැඩිදුර තොරතුරු සොයාගෙන යාමේදී පැහැදිලි වේ. ඊට හේතුව වර්ධනය වෙමින් තිබුණු කෙස් ගස් හිටි හැටියේ විවේකී මට්ටම දක්වා පත්වීමයි. ඒ හේතුව නිසා එම කෙස් ගස් මාස 3,4කින් හැලී යා හැකියි. මෙය කැපී පෙනෙන ලෙස අඩුවීමක් හෝ නොවීමක් විය හැකියි. නමුත් මෙය එතරම් බියවිය යුතු තත්ත්වයක් නොවේ. පසුව නැවත එම හැලී ගිය තැන්වලින් කෙස්ගස් වර්ධනය වේ. නමුත් එම කෙස් ගස් තිබුණ තත්ත්වයට පත් වීමට නොහැකි වූවොත් ඒ සඳහා ද බලපාන හේතු තිබිය හැකියි. මෙහිදී තයිරොයිඩ් ග්‍රන්ථියේ ක්‍රියාකාරිත්වය අඩුවීමක් හෝ වැඩි වීමක් ඇතිවිය හැකියි. ඊට අමතරව හිසකෙස් වැඩීමට උපකාරි වන සින්ක් සහ යකඩ ඌනතා නිසාද හිසකෙස් ගැලවී යා හැකියි. ඇතැම් රෝගීන් ලබා ගන්නා ඖෂධ නිසාද (උපත් පාලන පෙති වැනි) හිසකෙස් ගැලවි යා හැකියි. මීට අමතරව පිළිකා රෝගීන්ගේද හිසකෙස් සෑහෙන ප්‍රමාණයක් 80%ක් 90% ක් වැනි ප්‍රමාණයක් හැලී යා හැකියි.

පිරිමි අයගේ තට්ටය පෑදීමට හේතු?
අවුරුදු 18,20 සිට පිරිමි අයෙකුගේ තට්ටය පෑදිය හැකි අතර ඕනෑම වයසකදී වුවත් එය ඇතිවිය හැකියි. කොණ්ඩයේ සීමාව මෙහිදී ක්‍රම ක්‍රමයෙන් පිටුපසට ගමන් කළ හැකියි. මෙහිදී එම පුද්ගලයන්ගේ හිසේ තිඛෙන කෙස් ගස් කුඩාවීමට පටන් ගෙන හිස් මුදුණ දක්වා ඉදිරිපස කෙස් සීමාව පැමිණේ. මොවුන්ගේ පිටුපස කොණ්ඩයට මින් බලපෑමක් සිදු නොවේ. ඊට හේතුව ඇන්ඩ්‍රජන් නැමැති පිරිමි හෝර්මෝනයයි. මෙය හිස ආශි‍්‍රත සෛලවලට වැඩිපුර සංවේදී වේ.

කාන්තාවන්ටත් හිස කෙස් යාමේ ස්වභාවයක් ඇත. මෙය පිරිමි අයගේ තරම් කාන්තාවන් තුළ දක්නට නොමැත. මේ සඳහා හේතුව අන්ඩ්‍රජන් වලට හිස් කබලේ සංවේදීතාව වැඩි වීමයි. කාන්තාවන් බොහෝදුරට මීට ගොදුරුවන්නේ වයස අවුරුදු 50,60 වන විටය. නමුත් ඊට පෙර මෙවැනි තත්ත්වයක් ඇති වූවොත් එම කාන්තාවගේ හෝර්මෝන ආශි‍්‍රත ගැටලු තිබේදැයි සොයා බැලිය යුතුයි. මීට බොහෝ දුරට හේතුව පොලිසිස්ට්ක් ඕවරි ඩිසීස් නැමැති ගර්භාෂ ආශි‍්‍රත ගැටලුවයි.

කොණ්ඩය ගැලවී යාම සඳහා කළ හැකි ප්‍රතිකර්ම මොනවාද?
ආතතිය නිසා සිදුවන කෙස් ගැලවීම කිසිදු ප්‍රතිකාරයක් නොමැතිව වුවද සුව අතට පත්වේ. නමුත් තයිරොයිඩ් පිළිබඳ ගැටලු තිබේ නම් ඊට ප්‍රතිකාර කළ යුතුයි. ඒ වගේම ඇන්ඩ්‍රජන් හෝර්මෝනයේ බලපෑම නිසා සිදුවන තට්ටය පෑදීමට ඖෂධ ලබා ගත යුතුයි.මෙම ඖෂධ තරමක් මිලෙන් අධික වන අතර මානසික පීඩාවක් නිසා හිස කෙස් ගැල වී යනවා නම් ඛෙහෙත් භාවිතා නොකර සිටීම වඩාත් හොඳයි. ඊට අමතරව මේ සඳහා හෝර්මෝන ප්‍රතිකාර, හිසකෙස් බද්ධ කිරීමද සිදු කරගත හැකියි.

පිරිමින්ගේ තට්ටය පෑදෙන්නේ ඇයි?

උපුටා ගැනීම දිනමිණ පුවත් පත