කාන්තාවන්ට පමණක් හැදෙන ලෙඩක් දැන් පිරිමින්ටත්
ලොව වෙසෙන සියලුම පිරිමින් අතරින් හතර දෙනෙකුගෙන් එක් අයකු මාසිකව ඔසප් වන බව නවතම පර්යේෂණයකින් හෙළි වුණා. පර්යේෂකයන් මෙම තත්ත්වය හඳුන්වන්නේ Men Periods ලෙසයි. එලෙස ඔසප් ආරම්භයට පෙර කාන්තාවන්ට මෙන්ම වේදනා, කැක්කුම් වැනි පූර්ව ඔසප් වේදනා ඇතිවන බවද මෙහිදී පර්යේෂකයන් පෙන්වා දෙනවා. මෙම පර්යේෂණය සඳහා තෝරාගත් පුද්ගලයන් 2412 දෙනාම බ්‍රිතාන්‍ය ජාතිකයන් වුණා. ඔවුන්ගෙන් 26%ක් පූර්ව ඔසප් වේදනාවෙන් පීඩා වින්දා. 56%ක් එම දිනවලත් සාමාන්‍ය දිනවල මෙන් කාලය ගත කළ අතර 47%ක් ඔසප් වේදනාව නිසා මානසික පීඩනයට ලක්ව සිටියා. ඔසප් වේදනාව නිසා සමහරුන්ගේ බරද අඩුවන බව පර්යේෂකයන් පවසනවා. කෙසේ වෙතත් පිරිමි පාර්ශ්වයට මෙවැනි තත්ත්වයන් ඇතිවීමට හේතුව මාසික ඔසප්වීමක් නොව ඔවුන් ගන්නා ආහාර විය හැකි බවටත් පර්යේෂකයන් සැක පළ කර තිබුණා. කෙටි කෑම, චොකලට්, පැණි රස අධික ආහාර ඒ සඳහා ප්‍රධාන හේතුවක් විය හැකි බවත් ඔවුන් පෙන්වා දෙනවා. නමුත් පිරිමින්ගේ හෝර්මෝන අර්බුද, ශක්තිය, හැඟීම් පාලනයේ විවිධත්වය ලිංගික ආශාවන්, විවිධ උද්දීපනයන් ආදිය මෙයට හේතුවන බවත් පර්යේෂකයන් පවසනවා.
හංසි ආටිගල
මව්බිම
