හෙපටයිටිස් බී වෛරසය එච්.අයි.වී. වෛරසය මෙන් ඉක්මනින් විනාශ වන්නේ නෑ
අපිරිසුදු ආහාර ගැනීම දූෂිත වූ ජලය පානය, එදිනෙදා ජීවන චර්යා පිළිවෙළකට නොතිබීම, විශ්වාසදායි නොවූ ලිංගික හැසිරීම් නිසා සෙංගමාල (හෙපටයිටිස්) මේ වනවිට සමාජයේ ඉහළ යමින් පවතී. සෙංගමාලය කෙනෙකුට තිබේ දැයි පරීක්ෂා කර බලන්නේ රුධිර පරීක්ෂණයක් මගිනි. රජයේ රෝහල්වලින් රෝගීන්ගේ රුධිර සාම්පල පරීක්ෂණ සඳහා එවනු ලබන්නේ බොරැල්ල රජයේ වෛද්‍ය පර්යේෂණ ආයතනයට ය. මෙවැනි පරීක්ෂණ නොමිලයේ සිදුකර එම පරීක්ෂණ වාර්තා රජයේ රෝහල් වෙත යැවීමට පියවර ගනී.
සෙංගමාලය වැලදුණවිට ශරීරය කහ පැහැ ගැන්වීම සිදුවෙයි. මෙයට හේතු වන්නේ රෝගියාගේ සිරු‍ෙර් තිබෙන රතු රුධිරාණු ඉක්මනින් විනාශවීම ය. රතු රුධිරාණු විනාශවීමෙන් ශරීරයේ ‘බිලිරුබීන්’ නැමති වර්ණකයක් හට ගනී. එයින් රෝගියා කහ පැහැ ගැන්වේ. මේ ලේ පරීක්ෂණයට රෝගියා ලේ ලබාදීමේදී නිරාහාරව සිටීමට අවශ්‍ය නැත. ලේ සාම්පල ඕනෑම දිනකට ඕනෑම වේලාවක වෛද්‍ය පර්යේෂණ ආයතනයට ගෙනැවිත් බාර දිය හැකි ය. සාමාන්‍යයෙන් රතු රුධිරාණුවක ආයු කාලය දින 120 කි. නමුත් මේ රෝග තත්ත්වයේදී රතු රුධිරාණු එවැනි කාල වකවානුවක් නොපවතී. ප්ලීහාව යන කොටස කරා පැමිණ රතු රුධිරාණු විනාශවීමයි සිදුවන්නේ. බිලිරුබීන් ශරීරයෙන් පිටවන අවස්ථාව බවට රෝගියා පත්වන විට එම රෝගයට ආවේණික ලක්ෂණ කිහිපයක් ද පෙන්නුම් කරයි. ඇස් නියපොතු කහ පැහැ ගැන්වීම සිදුවේ. එසේ ම ශරීරයේ පිටතින් පෙනෙන ඒ කහ ගැන්වීම ඇතැම් අයට සිදු නොවූවත් සෙංගමාල තත්ත්වය පැවතිය හැකි ය. හෙපටයිටිස් ඒ,බී,සී යන වර්ගවලට අමතර ඩී වර්ගයේ රෝග තත්ත්වයක් ද පවතී. ඒ වර්ගයේ රෝගය මූලිකව හැදෙන්නේ අපිරිසුදු ආහාර හා ජලය හේතුවෙනි. වසර පුරාම විවිධ ප්‍රදේශවල ඒ වර්ගයේ රෝගීහු හමුවෙති.
ලිංගික සම්ප්‍රේෂණ මගින් බොහෝ විට බෝවන්නේ හෙපටයිටිස් බී වර්ග‍යයි. මේ රෝග තත්ත්වය රුධිර පාරවිලයනය මගින් ද රැවුල කැපීමට එකම රේසරය පාවිච්චි කිරීම හේතු කොට ගෙන ද බෝවීමට ඉඩ තිබේ. මේ හැර රෝගීන් සමඟ සිටින හෙද හෙදියන් ඇතුළු රෝහල් කාර්ය මණ්ඩලයට ද හෙපටයිටිස් බී රෝග තත්ත්වය ඇතිවීමේ වැඩි ප්‍රවණතාවයක් පවතින නිසා ඒ සඳහා එන්නතක් රෝහල් කාර්ය මණ්ඩලයට ලබාදීමට ද පියවර ගෙන තිබේ. කුඩා දරුවන්ටත් හෙපටයිටිස් බී එන්නත ලබාදීමට පියවර ගෙන තිබෙන්නේ ප්‍රතිශක්තිකරණ ලේඛන වැඩසටහන අදාළ කරගෙනම ය. හෙපටයිටිස් බී රෝගය බෝවෙන ක්‍රමය ගැන ද කතා කිරීමත් වැදගත්ය. යම් ලෙසකින් හෙපටයිටිස් බී රෝගියෙකුගෙන් ලේ ගත් සිරින්ජරයක කටුවක් ඇනීමෙන් හෝ රැවුල කැපූ බ්ලේඩ් තලයක් වෙන අයකු පාවිච්චි කළොත් ඔහුට ද රෝගය බෝ විය හැකි ය. හෙපටයිටිස් රෝගියකුගේ දත් මැදීමක් සිදුවුවහොත් එම දත් බුරුසුවේ කෙඳි ඇනීමකින් මේ වෛරය ශරීර ගත වීමට ද ඉඩ තිබේ. ඒඩ්ස් වෛරසය සහ හෙපටයිටිස් බී වෛරසය අතර වෙනස් ලෙස පවතින්නේ ඒඩ්ස් වෛරසය සහිත ලේ මිනිස් සිරුරෙන් එළියට පැමිණ පළමු තත්ත්පරයේදීම විනාශ වී යාම ය. නමුත් හෙපටයිටිස් බී වෛරසය එලෙස විනාශ නොවීමත් ය. හෙපටයිටිස් බී රෝගීන්ගේ වර්ධනයක් දකින්නට ඇතැයි සෞඛ්‍ය අංශ කියයි.
බොරැල්ල රජයේ වෛද්‍ය පර්යේෂණායතන‍ෙය් ජ්‍යෙෂ්ඨ තාක්ෂණ විද්‍යාඥ කීර්ති වික්‍රමරත්න
සාකච්ඡා කළේ - සුනිල් දයා අල්විස්
.jpg "මනාලිය විලාසිතා කුඩුවක් නොවේ")
