🛍️   Business Directory
📣   Classifields
🛍️   Business Directory
📣   Classifields

පුරස්‌ථි ග්‍රන්ථි ඉදිමීම

පුරස්‌ථි ග්‍රන්ථි ඉදිමීම

පුරස්‌ථි ග්‍රන්ථි ඉදිමුම නිසාම පිරිමි අයට ඇතිවෙන්නා වූ මුත්‍රා කිරීමේ අපහසුකම (Prostate Gland Enlarge) සිදුවන්නක්‌ නොවේ. මුත්‍රා සමග ලේ පිට වන්නේ නම් මුත්‍රා කිරීමේදී වේදනාවක්‌ ඇතිවන්නේ නම් එය පාලනය කළ නොහැකි තත්ත්වයක්‌ ඇත්නම් මෙම තත්ත්වය මුත්‍රාශය, වකුගඩු හෝ පුරස්‌ථි ග්‍රන්ථි තුළ ඇතිවූ වෙනස්‌කම් වන්නට පුළුවනි. ඇතැම්විට පුරස්‌ථි ග්‍රන්ථි විශාලවීම නිසා මුත්‍රා පිටවීම සම්පූර්ණයෙන්ම නවතින්නට පුළුවනි. (Urinary Retention) මෙය ඉතා අපහසු තත්ත්වයක්‌. එවිට මුත්‍රා පිටකිරීම සඳහා බටයක්‌ (catheter) සම්බන්ධ කිරීම සුදුසුය. එය පුරස්‌ථි ග්‍රන්ථි ඉදිමුණු අයගෙන් 1% කටත් වඩා අඩු ප්‍රමාණයකට පමණක්‌ අවශ්‍ය වේ. ඇතැම් අවස්‌ථාවල මුත්‍රා කළත් මුත්‍රා ඉතිරි වීමක්‌ සිදුවේ. මෙම තත්ත්වය නිදන්ගත (Chronic) තත්ත්වයක්‌ ලෙස හඳුන්වනු ලැබේ. මෙම තත්ත්වය හේතුවෙන් මුත්‍රා ආසාදනයක්‌ ඇතිවීමට පිළිවන. 

  • ගමනක්‌ යැමේදී ඔබට නිතරම මුත්‍රා කිරීමට සිදුවන්නේ නම් එය ගමන පිටත් වීමට පැය 2 කට 3 කට පෙර බොහෝ වතුර ප්‍රමාණයක්‌ බීමෙන් වළකින්න. නමුත් දිනකට එය මි. ලී. 1.5 කට වඩා අඩු කරන්නට එපා.
  • මුත්‍රා කිරීම අවසන් වූ පසුව නැවත වාරයක්‌ මිනිත්තු කීපයකට පසුව ගොස්‌ නැවතත් මුත්‍රා පිට කිරීමට උත්සාහ කරන්න. (Double Maturation) මේ මගින් තමන්ගේ මුත්‍රාශය සම්පූර්ණයෙන් හිස්‌ වී ඇති බවක්‌ දැනෙන්නට ලැබෙනවා.
  • කැෆේන් (Caffeine) වර්ග පානය කිරීමෙන් වළකින්න. මේ ගණයට තේ, කෝපි වර්ග අයත් වෙනවා. ඒ වගේම සුරා පානයත් නවත්වන්න. ඒ මගින් ඔබට මුත්‍රා කිරිමට ඇති හදිසි අවශ්‍යතාවයන් මගහරවා ගැනීමට පුළුවන්.
  • මුත්‍රා කරන්නට ගිය විට සැහැල්ලුවෙන් හිටගන්න.
  • දුම් පානයෙන්ද වළකින්න. දුම් පානයෙන් නිකොටින් ශරීරගත වීම නිසා මෙම තත්ත්වය උත්සන්න වීමට පුළුවන්.
  • මුත්‍රා කිරීමට ඉතා හදිසි අවස්‌ථාවක්‌ යෙදෙන්නේ නම් ඒ අවස්‌ථාවලදී හුස්‌ම ගැනීමේ ව්‍යායාම සහ (Breathing
  • Exercise) සහ ඒ ගැන අවධානය වෙනතකට හැරවීමට (Mental Trick) උත්සාහ කරන්න. උදාහරණයක්‌ වශයෙන් අංක ගණන් කිරීම දක්‌වන්නට පුළුවන්. එමගින් ඔබගේ අවධානය මුත්‍රාශයෙන් ඉවතට ගන්නට හැකිය.
  • පුරස්‌ථි ග්‍රන්ථි සාමාන්‍යයෙන් වයසක පිරිමි අයගේ ලොකුවීමක්‌ දක්‌නට පුළුවන්. (Benign Prostate Hyperplsia) මෙසේ වීමෙන් මුත්‍රා කිරීමේදී අපහසුතාවක්‌ ඇතිවන්නට පුළුවන්. නමුත් මෙහිදී ඇතිවන්නා වූ රෝග කාරක ලක්‍ෂණයන් හැමවිටම උග්‍රවන්නේ නැත. ඒවගේම කාලයත් සමගම මෙම තත්ත්වය මගහැරී යැමටද පුළුවන්.
  • පුරස්‌ථි ග්‍රන්ථි පිරිමි අයගේ අවු. 50 න් පසුව ක්‍රම ක්‍රමයෙන් විශාල වීමක්‌ (Enlarge) දක්‌නට ලැබේ. අවුරුදු 90 වන විට සෑම පිරිමි 10 දෙනකුගෙන්ම 9 දෙනෙක්‌ගේම පුරස්‌ථි ග්‍රන්ථි විශාල වීම දක්‌නට පුළුවන්.

මෙහිදී දක්‌නට ලැබෙන රෝග කාරක නම්,

  • මුත්‍රා ගලා ඒම අඩපණවීම හා මුත්‍රාශය හිස්‌වීමට වැඩිකාලයක්‌ ගැනීම.
  • වැසිකිළියට මුත්‍රා කිරීමට ගියවිට, මුත්‍රා පිටවීමට වැඩි කාලයක්‌ ගතවීම.
  • මුත්‍රා කිරීමෙන් පසුවත් මුත්‍රාශය ප්‍රමාණවත් පරිදි හිස්‌ නොවූ බවක්‌ දැනීම.
  • සාමාන්‍ය ප්‍රමාණයට වඩා වැඩි වාර ගණනක්‌ මුත්‍රා කිරීමට සිදුවීම. රාත්‍රි කාලයේදී කිහිප වතාවක්‌ම මුත්‍රා කිරීමට නැගිටීමට සිදුවෙනවා.
  • මුත්‍රා කිරීමට අවශ්‍ය වූ විට ඉතා ඉක්‌මනින්ම ඒ සඳහා යා යුතුවීම.

සාමාන්‍යයෙන් රෝග කාරක ලක්‍ෂණ පටන් ගැනීමේදී ඉතාම සුළු වශයෙන් වන්නට පුළුවනි. සමහර විට මුත්‍රා ගලා ඒම ඉතාම හෙමින් සිදුවන්නට පුළුවන. ඒ වගේම මුත්‍රා පිට කිරීමට මිනිත්තු කිහිපයක්‌ බලා සිටීමට සිදුවිය හැකිය. මෙසේ කාලයක්‌ ගතවන විට මෙම රෝග ලක්‍ෂණ දරුණු තත්ත්වයට පත්වේ. බොහෝ දෙනෙක්‌ පුරස්‌ථි ග්‍රන්ථි විශාල වීම පිළිකාවක්‌ යෑයි සිතා බියවෙති. එසේ බිය විය යුතු නැත. එය පිළිකාවක්‌ වීමට නම් තව බොහෝ කරුණු කාරණා එක්‌ විය යුතුය. එය රෝගියා විසින් නොව වෛද්‍යවරයකු විසින් තහවුරු කරගත යුත්තකි. පුරස්‌ථි ග්‍රන්ථි පිළිකා ඇතිවන්නේ එහි ඇති සෛලවල වෙනස්‌කමකිනි.

ඇලන්ටන් වීරසිංහ උපදේශක වෛද්‍ය-බයෝපති 0777320898/ 0716857769

උපුටා ගැනීම දිවයින