This site has features that require javascript. Follow these simple instructions to enable JavaScript in your web browser.
Sithmal Yaya
මගේ පපුව ගැහෙන සද්දේ මට දරා ගන්න බැහැ
ඉස්කෝලේ රැස්වීමේදී \"ජාතික දිනය” ගැන කථාවක් කරන්න අපේ පන්තිභාර සර් මගේ නම දැම්මේ බලෙන්ම වගේ. නම අයින් කරගන්න කොච්චර උත්සාහ කළත් වැඩක් වුණේ නෑ. හෙට තමයි දවස ...... අයියෝ මට නම් බෑ..... මොන කරුමයක්ද මන්දා.... මටම තමයි මේ හැමදේම වෙන්නේ සර්ට වෙන කවුරුහරි මේ වැඬේට දාන්න තිබුණෙ නැද්ද? මගේ පපුව ගැහෙන සද්දේ මට ඉවසගන්න බෑ. හෙට ගැන මට මතක් වෙන වාරයක් ගානේ උගුරකට වේලිලා යනවා. කොච්චර උත්සාහ කළත් මේ අපහසුතාව මගහැර ගන්න හිතට වෙන කිසිම දෙයක් හිතෙන්නේ නෑ. හෙට රැුස්වීමේදී මට කලන්තේ හැදෙයිද මන්දා. කුමක්ද මේ මානසික තත්ත්වය? මෙවැනි රෝගවලින් පෙළෙන අය සමාජය තුළ ඕනෑ තරම් දැක ගත හැකි වේ. ඔවුන්ට විශේෂිත භීතිකාවන් ඇති අතර ඒවා ඔවුන්ගේ ජීවිතයේ සියලූම ක‍්‍රියාකාරීත්වයන් කෙරෙහි බලපායි. මෙම තත්ත්වය මානසික ආතතිය (Anxiety) මුල්කර ගනිමින් ඇතිවන භීතිකා තත්ත්වයකි. තවද මෙහි විශේෂිතා කිහිපයක් දැකගත හැකි වේ. මෙවැනි තත්ත්වයකින් පෙළෙන අයෙක් දක්වන විශේෂිත හැසිරීම් මොනවාද? මෙවැනි අයට භීතිකාව තිබුණද ඔවුන් තම ජීවිතය ක‍්‍රියාකාරීව ගත කරයි. නමුත් ඇතැම් විට දැඩි මානසික ආතතියක් නැත්නම් මනසට විශේෂිත වූ දරාගත නොහැකි තත්ත්වයන් ද මතු වේ. මෙය එවැනි පුද්ගලයෙකුගේ මානසික ක‍්‍රියාකාරීත්වයට දැඩි බලපෑමක් ඇති කරයි. මේ හේතුව නිසාවෙන් මානසික ඒකාග‍්‍රතාව නැති වීම, මතකය දුර්වල වීම, නිර්මාණාත්මක කුසලතා අඩපණ වීම, කේන්ති යාම, චිත්තවේග පාලනය දුර්වල වීම ආදී ගැටලූ ඇති වේ. මෙවැනි ආතතිමය තත්ත්වයක් නිසා ඇතිවන කායික ගැටලූ මොනවාද? වෙව්ලීම, තොලකට වියළීම, ගොත ගැසීම, අප‍්‍රාණික බව, හිසේ බර ගතිය, හිස කැක්කුම්, අත පය වේදනා, පපුවේ වේදනා, ආශ්වාස ප‍්‍රශ්වාසය වේගය වැඩි වීම ආදිය මෙවැනි අයෙකුට කායිකව ඇතිවන රෝග ලක්ෂණය. මීට හේතුවන්නේ එසේ ඇතිවන ආතතිමය තත්ත්වය ස්නායු පද්ධතිය කෙරෙහි බලපෑම් ඇති කිරීමයි. මීට අමතරව විිවිධාකර කායික රෝග ඇති වීමට මේ තත්ත්වය බලපෑම් ඇති කරවිය හැකියි. ඒ අතර හෘද රෝග, පිළිකා, දියවැඩියාව, බඬේ අපහසුතා ආදිය ප‍්‍රමුඛ තැනක් හිමිකර ගනියි. අස්ථි සඳහා බලපාන ඇතැම් රෝග ද මෙම මානසික තත්ත්වයට ප‍්‍රබල හේතුවක්. මෙවැනි මානසිකත්වයක් ඇති අයෙකුගේ චර්යාමය වෙනස්කම් මොනවාද? මෙම භීතිකාමය ආතති තත්ත්වයේදී තමා කරන වැඩ කල් දැමීම, යම් යම් ක‍්‍රියාවන්, පුද්ගලයන් මගහැරීම, ඇතැම් අවස්ථාවන්ට සහභාගී වීම මගහැරීම, නොකැමැත්ත හා ඒවා විවේචනය කිරීම ආදිය දැකගත හැකි චර්යාමය වෙනස්කම් වේ. මෙම තත්ත්වය ඔවුන්ගේ පෞරුෂත්වය ගොඩනගා ගැනීමේදී බාධා ඇති කරයිද? ඉහත පැහැදිලි කරන ලද ආකාරයෙන් කටයුතු කිරිම නිසා එවැනි පුද්ගයන්ට තමන් පිළිබඳව ආත්ම විශ්වාසය නැති වී ආත්ම අභිමානය කඩා වැටීමට ද ලක් වේ. ඉන් ඔවුන්ගේ පෞරුෂත්වයට විශාල බලපෑමක් ඇති වේ. එමගින් තමාගේ ජීවන ක‍්‍රියාකාරීත්වය කෙරෙහිද ගැටලූ ඇතිවිය හැකියි. මේ සඳහා ලබාදෙන ප‍්‍රතිකාර මොනවාද? මෙහිදී කිසිදු ඖෂධයක් භාවිතා නොකරන අතර මෙම ප‍්‍රතිකාර ක‍්‍රමය මුළුමනින්ම මනෝ විද්‍යාත්මක බව විශේෂයෙන් කිව යුතුය. මෙම ප‍්‍රතිකාර ඉතාම සංවිධානාත්මකව ලබාදිය යුතු අතර ප‍්‍රතිකාර ලාභියාගේ වයස, අධ්‍යාපනික මට්ටම, රැකියාව, ස්ත‍්‍රී පුරුෂභාවය ආදී කරුණු රාශියක් අනුව එක් අයෙකුගෙන් තවත් අයෙකුට වෙනස් විය හැකියි. මේ ආකාරයට රෝගියාට ප‍්‍රතිකාර කරන අතරතුර ඔහු හෝ ඇය ලබන ප‍්‍රගතිය සමග ඔවුන්ගේ පිරිහී ගිය පෞරුෂත්වය වර්ධනය කිරීම සඳහා ද ප‍්‍රතිකාර කර යුතුයි. ඒ වගේම මෙවැනි ගැටලූ සඳහා ක්ෂණික ප‍්‍රතිකාර කිසිවිටෙකත් අපට බලාපොරොත්තු විය නොහැකියි. මෙම ප‍්‍රතිකාර ඉතා ක‍්‍රමවත්ව අදාළ උපදෙස්වලට අනුව ලබා ගැනීම ද ඉතා වැදගත් වේ. නුවන්ති කුලරත්න උපුටා ගැනීම දිනමිණ පුවත් පත