🛍️   Business Directory
📣   Classifields
🛍️   Business Directory
📣   Classifields

සමේ පැහැපත් භාවය සඳහා ආහාර වල බලපෑමක් ඇත

සමේ පැහැපත් භාවය සඳහා ආහාර වල බලපෑමක් ඇත

අව්වට පිළිස්සුනු සමක පැහැය ඒකාකාර නොවේ. සමහර තැන් තද පැහැයෙන් ද තවත් කොටසක් ඊට වඩා අඩු පැහැයෙන් ද පිළිස්සී තිබිය හැක. ආසියාතික රටවලට බලපාන හිරු එළියේ ඇති පාරජම්බුල කිරණ මගින් සමට හානි සිදුවේ. මේවා චර්ම පිළිකා ඇති කිරීමට ද හේතුවේ. එම නිසා අව්වේ යාමෙන්් වැළකී සිටීම සම ආරක්ෂාකර ගැනීමේ පළමු පියවර වේ.දීර්ඝ කාලයක් අව්වේ නොගොස් සම ආරක්ෂා කර ගත් කෙනෙකු විනාඩි පහක් අව්වේ ගිය විට කාලයක් පුරා ආරක්ෂා කර ගත් සමේ පැහැය අවපැහැ විය හැකියි. ඒ තරම් දැඩි බලපෑමක් හිරුඑළියෙන් සමට සිදුවේ. අව්වට පිළිස්සීමෙන් අව පැහැ වූ සමටද පැහැපත් වීමේ ප්‍රතිකාර වෛද්‍ය උපදෙස් අනුව භාවිතා කිරීමෙන් පැහැපත් බව ලබාගත හැකියි. මෙම ප්‍රතිකාර භාවිතා කිරීමේ දී අවදාරනය කළ යුත්තේ අලූත් සමක් ලැඛෙනා බැවින් එය ආරක්ෂා කර ගැනීමට කටයුතු කිරීමයි. 

කුරුලෑ ඇති වීමෙන් හානි වූ සමටත් කුරුලෑ කැළැල් නිසා අවපැහැ වූ සමටත් සම පැහැපත් කිරීමේ ප්‍රතිකාර භාවිතා කළ හැකිද? කුරුලෑ කැළැල් යනුවෙන් හඳුන්වන්නේ සමේ ඇති වන වලවල් ය. එම වලවල් ගොඩවීම සඳහා කැළැලේ ඇති කොලෙජන් තන්තු වර්ධනය විය යුතුය. ඒ සඳහා සුදුසු ලේසර් ප්‍රතිකාර තිබේ. එම ප්‍රතිකාර කිරීමෙන් වලවල් වර්ධනය සහ සම ක්‍රමක් ක්‍රමයෙන් පැහැපත් වීම සිදුවේ. ඒ සඳහා ලේසර් ප්‍රතිකාර වලට අමතරව ක්‍රීම් වර්ග භාවිතයට ද සිදුවේ. 

සමේ පැහැපත් භාවය සඳහා අප ලබා ගන්නා ආහාර වල යම් බලපෑමක් තිඛෙනවාද? විශේෂයෙන් ම සමේ වර්ණය සඳහා ඔමේගා ත්‍රී අඩංගු ආහාර සහ විටමින් බහුල ආහාර දෛනික ආහාර වේල්වලට එකතුකරගැනීම ඉතා වැදගත් වේ. කෙනෙකු සමබල ආහාර රටාවක් පවත්වා ගැනීම යහපත් සෞඛ්‍යය රටාවක් සඳහා උදව් වන අතර එවැනි කෙනෙකුගේ සම නිරෝගි වේ. එම නිසා ආහාර වල බලපෑමක් සමේ පැහැපත් භාවය සඳහා තිබේ.

  • සීනි අධික ආහාර නොගැනීම.
  • දවසට කෝපි කෝප්ප දෙකකට වඩා නොගැනී ම.
  • චොක්ලට් , අන්නාසි, අඹ, කෙසෙල් වැනි සීනි අධික පලතුරු නොගැනීම.
  • ඉස්සන් , කකුළුවන් වැනි මුහුදු ආහාර වලින් වැළකීම.
  • මාගරින් වැනි තෙල් අධික ආහාර වලින් ඉවත් වීම.

පැහැපත් සමක් සඳහා උදව් වේ. අලුත් පලතුරු සහ එළවළු නිතර ම ආහාරයට ගැනීම ජලය පානය ඉතා වැදගත් වේ. 

රූපලාවන්‍ය පිළිබඳ විශේෂඥ වෛද්‍ය නිමල් ගමගේ

උපුටා ගැනීම නවලිය