අකලට හිසකෙස්‌ සුදුවීම සහ ගැලවී යැම
බොහෝ කාන්තාවන් සහ පිරිමින්ට වධ දෙන ගැටලුවක්‌ බවට අකලට හිස කෙස්‌ යැම සහ අකලට හිසකෙස්‌ සුදුවීම පත්ව තිබේ. මේ පිළිබඳ නාඩි වෛද්‍ය විද්‍යාවේදී ඍෂිවරුන් විසින් පවසා ඇත්තේ මෙලෙසිනි. "කේෂ බගන්ධරා නමස්‌තේද කයිනාද මනුස්‌සා ස්‌ත්‍රී පුරුෂ භාගා කේෂනාලිකා කේෂ නාඩි භාගා, සත් පුරුෂා පංචේන්ද්‍රිය භාගා මනුස්‌සා" ඉතා සියුම් නහර හා සම්බන්ධව පවතින හිසකෙස්‌ කාන්තාවන් සහ පිරිමින්ගේ මුළු සිරුරම පුරා පැතිර ඇති අතර එය නිරෝගී පුද්ගලයකු සතු ලක්‍ෂණයක්‌ බව නාඩි වෛද්‍ය විද්‍යාවට අනුව ඍෂිවරු මීට වසර දහස්‌ ගණනකට පෙර පවසා ඇත. සිරුරේ ඇතිවන බගන්ධරාවන් නිසා (සියුම් ඉදිමුම) ඇතිවන වෙනස්‌කම් තුළින් සිරුරේ රෝම සහ හිසකෙස්‌ ගැලවී යැම අකලට පැහැය වෙනස්‌වීම ආදිය සිදුවන ආකාරය කොටස්‌ 16 කට ඛෙදා පැහැදිලි කර තිබේ. ඝන කේෂ බගන්ධරාව, සෞම්‍ය කේෂ බගන්ධරාව කැඩුණු කේෂ බගන්ධරාව, කුරු කේෂ බගන්ධරාව දිගැටි කේෂ බගන්ධරාව, උඩුකුරු කේෂ බගන්ධරාව අප්‍රාණ කේෂ බගන්ධරාව, පැලුම් කේෂ බගන්ධරාව ආදී ලෙසින් හිසකෙස්‌ සහ රෝම වර්ග 16 කි. මෙය කාන්තාවන්ට සහ පිරිමින්ට බලපාන ආකාරයද ඔවුනගේ හෝමෝන සහ චර්යා රටාව අනුව වෙනස්‌ය. එබැවින් අපි මුලින්ම කාන්තාවන්ට කේෂ බගන්ධරාව බලපාන හැටි විමසා බලමු.
කාන්තාවන්ගේ කේෂ බගන්ධරාව : කාන්තාවකගේ වරලස හඳුන්වා ඇත්තේ පුෂ්පෝපහාර භාගා, මධු භාගා කේෂ කලාප ලෙසිනි. එනම් කිතුල්ගසක මලක්‌ ලෙස වරලස හඳුන්වා ඇත. මෙම වරලස රැකගැනීමට සෑම කාන්තාවක්‌ම අවධානය යොමු කළ යුතුය. දැරියක්‌ ඉපදී වසර හයක්‌ යනතුරු කේෂ බගන්ධරාව ඇතිවීමේ අවදානමක්‌ නැත. ඇයට අවුරුදු හය ඉක්‌මවූ පසු අවුරුදු 12 දක්‌වා කේෂ බගන්ධරාවේ පළමු අවදානම මතුවන්නට පටන්ගනී. හිස කෙස්‌වලට අවශ්‍ය පෝෂණය නොලැබීම, හිස කෙස්‌ හොඳින් පිරිසිදු නොකිරීම, හිසකෙස්‌ හොඳින් ඖෂධීය තෙල් වර්ග ආලේප කර පිරිමැදීම සිදු නොකිරීම ආදී කරුණු මූලික කරගෙන පළමු අවදානම මතුවේ. මෙහිදී මුලින්ම හිසකෙස්‌ අවර්ණවීම, හිසකෙස්‌ පැළීම, පොකුරු ගැසීම වැනි රෝග ලක්‍ෂණ පහළවේ. මෙම අවස්‌ථාවේදී නිසි ප්‍රතිකාර නොකිරීමෙන් දෙවැනි අදියර හෙවත් අවුරුදු 12 සිට 26 දක්‌වා මතුවන කේෂ බගන්ධරාව හිස ඔසවයි. දෙවැනි අදියරේදී හිසෙහි සැරව ගෙඩි මතුපිට සමෙහි තුවාල, උකුණන් අධික ලෙස මතුවීම, හිස්‌ හොරි ඇතිවීම ආදී ලෙසින් උග්‍ර තත්ත්වයට පත්ව තිබේ. මෙම හේතු නිසා කේෂ බගන්ධරාව උත්සන්න වී හිස කෙස්‌ ගැලවී යැම, දුර්වර්ණවීම, හිසකෙස්‌ පැළීම සහ අවසානයේදී සුදු පැහැවී හිස කෙස්‌ මිය යැමට ලක්‌වීම ආදිය මතුවේ. කේෂ බගන්ධරාවේ තෙවැනි අදියර වන වයස අවුරුදු 26 සිට 46 දක්‌වා කාලයේදී හිසකෙස්‌ ඉතා විශාල ලෙස ගැලවී යැම, හිසකෙස්‌ සුදු පැහැවීම, තැනින් තැන හිසෙහි තට්‌ටය පෑදීම වැනි තත්ත්වයන් මතුවේ.
කේෂ බගන්ධරාවට ප්‍රතිකාර : සෑම මවක්‌ම තම දියණියන්ගේ හිසකෙස්‌ කුඩා අවධියේ සිට හොඳින් රැකබලා ගත යුතුය. හිස කෙස්‌ ඖෂධීය තෙල් ආලේප කර ඉහළ සිට පහළට හොඳින් පිරිමැදීම කළ යුතුය. අඟහරුවාදා සහ සිකුරාදා හැර අනෙකුත් දිනවල පෙරවරු 8.00 සිට පස්‌වරු 1.30 දක්‌වා දිය නෑම සුදුසුය. ඉන් පසු දින නෑම අගුණය. වර්තමානයේ බොහෝ දෙනා නළ ජලය භාවිත කරති. මෙම ජලයෙහි ගුරුත්වාකර්ෂණ ශක්‌තිය හෝ පාෂාණ ගුණය නැත. එනිසා සතියට දින කිහිපයක්‌ ඖෂධීය ජලයෙන් හිස සෝදා ස්‌නානය කිරීම ගුණදායකය.
ඔසු පැන් සාදා ගැනීම : සුදු හඳුන් පිටි, සැවැන්දරා පිටි, කෝමාරිකා මද, පිපිඤ්ලු මද, අමුක්‌කරා පිටි, සම සමව ගෙන හොඳින් තම්බා දිය නෑමට භාවිත කරන ජලයට මිශ්‍ර කර ගත හැකිය. මෙලෙස තවත් බොහෝ ප්‍රතිකාර ක්‍රම ඇත. මතුව ඇති රෝග තත්ත්වය අනුව නිසි ප්‍රතිකාර සිදු කළ යුතුය. රෝග නිධානය සොයන්නේ නැතිව ඛෙහෙත් තෙල් වර්ග ආලේපය මගින් අකලට හිසකෙස්‌ යැම අකලට හිසකෙස්‌ සුදු වීමට ප්‍රතිකාර කිරීමෙන් ඵලක්‌ නැත. ඉන් සිදුවන්නේ රෝගය උත්සන්නවීම සහ නිතර හිසරදය සහ හිස බර ගතිය වැනි අතුරු රෝගාබාධ මතුවීමය.
නාඩි වෛද්‍ය විද්‍යාව පිළිබඳ මහාචාර්ය වෛද්‍ය ජිනසිරි ලියන්වෙල
අංක 118/2, අඟුලාන
දුම්රිය පළ පාර, උද්‍යාන මාවත, මොරටුව.
දුරකථන - 011-2632225
උපුටා ගැනීම දිවයින පුවත් පත
.jpg "පැටිස්")
