🛍️   Business Directory
📣   Classifields
🛍️   Business Directory
📣   Classifields

Contact Lens එකක් දාමුද?

Contact Lens එකක් දාමුද?

බොහෝ දෙනකු සිවිකාච පලඳින්න කැමැත්තක් දක්වන්නේ විලාසිතාවක් විදියට. නමුත් ඇස්වල ඇතිවන දෝෂවලදී කණ්ණාඩි පලඳින්න අකැමැති අයටත් සිවිකාව පලඳින්න පුළුවන්. ඒ වගේම තමයි ඇස් කණ්ණාඩි පැලඳගෙන ක්‍රීඩා කටයුතුවල යෙදෙන්න අපහසු අයටත් සිවිකාච පලඳින්න පුළුවන්. සිවිකාච වඩාත්ම ගැළපෙන්නේ දුර පෙනීම අඩු අයට. සිවිකාචයක් තෝරා ගනිද්දී එහි හැඩය ගැන වගේම නිෂ්පාදිත ද්‍රව්‍ය ගැනත් සැලකිලිමත් වෙන්න ඕනේ. මූල්‍යමය පරමාර්ථ නිසා අහිතකර ද්‍රව්‍ය යොදාගෙන, ඉතා අඩු මුදලට නිෂ්පාදනය කරන සිවිකාච වර්ගත් වෙළෙඳපොළේ තිබෙනවා. ඒ නිසාම ඔබ සිවිකාච මිලදී ගන්නවා නම් විශ්වාසවන්ත තැනකින් පමණක් සිවිකාච මිලදී ගන්න සැලකිලිමත් වෙන්න. ඉතා උසස් තත්ත්වයෙන් නිෂ්පාදනය කෙරුණු සිවිකාච ඕනෑම වයස් සීමාවක කෙනකුට පලඳින්න පුළුවන්. අවශ්‍ය නම් කුඩා දරුවකුට වුවත් මෙම සිවිකාච පළඳින්න පුළුවන්. දීර්ඝ කාලීනව භාවිත කළ හැකි සිවිකාච, තමන්ට මාසයක් සතියක් හෝ එක් දිනක් පමණක් භාවිත කළ හැකි සිවිකාච වර්ගත් වෙළෙඳපොළේ මිලදී ගන්න පුළුවන්. නමුත් මේ හැම සිවිකාච වර්ගයක්ම නියමිත කාලසීමාවට වඩා අඩුවෙන් පැලඳීම තමයි සුදුසු. 

සිවිකාචයක් පලඳින්න තෝරා ගනිද්දී ඇසේ ප්‍රමාණය හා සිවිකාචයේ ප්‍රමාණය සමාන වෙන්න අවශ්‍යයි. ඇහේ කළු ඉංගිරියාවේ වක්‍රතාවයේ මිමි මත සිවිකාචයේ ප්‍රමාණය තීරණය වෙනවා. එහෙම නැතුව හිතුමනාපයට සිවිකාච පලඳින්න ගිහින් ඇසට හානි වෙන්නත් පුළුවන්. සිවිකාචවල ප්‍රමාණය ඇහැට නොගැළපුණහොත් ඇහැට ලැබෙන ඔක්සිජන් ප්‍රමාණය අඩුවෙලා ඇහැ ඇතුළේ තෙත ගතිය නැතිවෙන්න පුළුවන් එතකොට ඇහැ මතුපිට ආසාදනය වීමක් වෙන්නත් ඉඩකඩ තිබෙනවා. සාමාන්‍යයෙන් සිවිකාචයක් පැය අටකට වඩා පලඳින්න සුදුසු නැහැ. නින්දේදීත් ඇහැට සිවිකාච පැලඳගෙන ඉන්නවා නම් ඇස ආසාත්මිකතාවට ලක්වෙන්න තිබෙන ඉඩකඩ ඉතා වැඩියි. සිගරැට් දුම, අපිරිසුදු වාතය පිරි ස්ථානවලදී ද ඇසට ලැබෙන ඔක්සිජන් ප්‍රමාණය අඩුවන නිසා කාච පලදින විට ඒ ගැනත් අවධානය කරන්න ඕනේ.විලාසිතාවක් විදියට සිවිකාච පලඳිනවා නම් අපේ රටේ අයට ගැළපෙන්නේ අළු, දුඹුරු පැහැ සිවිකාච වර්ග. එයට අමතරව විශේෂ අවස්ථාවලදී ඇඳුමේ පැහැයට සිවිකාච වර්ණ ගළපන්නත් පුළුවන්. ඔබ සිවිකාච පලඳිනවා නම් දෑතේ නියපොතු හොඳින් කපාගන්න. එහෙම නැතිනම් නියපොතුවලට ඔබේ ඇහැ සීරෙන්න වුණත් පුළුවන්.

උපුටා ගැනීම මව්බිම