🛍️   Business Directory
📣   Classifields
🛍️   Business Directory
📣   Classifields

මහත අයගෙ කෙට්ටු අයගෙ විලාසිතා ගැටලුවලට විසඳුම්

මහත අයගෙ කෙට්ටු අයගෙ විලාසිතා ගැටලුවලට විසඳුම්

සුන්දරව සිටීමට සෑම යුවතියක්ම වෙහෙසෙනවා. එනිසාම විලාසිතා කෙරෙහිද දක්වන්නේ විශේෂ ඇල්මකි. නමුත් ඔබේ ශරීරයේ අධික තරබාරු ගතිය හෝ සිහින් බව විලාසිතා තෝරා ගැනීමේදී ගැටලුවක් වූවාද? එම අපහසුතා මගහරවා ගනිමින් විලාසිතා කිරීමට මෙම කරුණු ඔබට ඛෙහෙවින් වැදගත් වනු ඇත. කාන්තාවකගේ ශරීරය තරබාරු වීම, විලාසිතා කිරීමට ගැටලුවක් වන අවස්ථාවන්ද ඇතැම්විට දැකගත හැකිය. අතීතයේදී මෙන් නොව අද වනවිට එය එතරම් අපහසුතාවට පත්වන කරුණක් නොවේ. එනමුත් ඔබ තරමක මහත කතක් නම් ඇඳුම් පැලඳුම් තෝරා ගැනීමේදී විශේෂ සැලකිල්ලක් දැක්වීම වඩා සුදුසුය. 

ෆැබ්රික් විලාසිතා : ඔබේ ශරීරයේ තරබාරු බව තරමක් අපහසුතා ඇති කරනුයේ රැකියා සඳහා හා උත්සව අවස්ථාවන්ට සහභාගි වනවිටය. එම අවස්ථාවේ තම පෙනුම හොඳින් නිරූපණය වන ඇඳුම් පැලඳුම් තෝරා ගැනීමට ඔබ සැලකිලිමත් විය යුතුය. ඔබේ ශරීරයේ හැඩය මනාව නිරූපණය වන FABRIC DESING සහිත විලාසිතා ඔබට වඩා උචිත වනුයේ එමගින් ඔබේ ශරීරයේ හැඩයක් පෙන්වන බැවිනි. එහිදී ඔබව නෙත ගැටෙන අයකුට මුලින්ම ඇහැ යන්නේ ශරීර ප්‍රමාණයට නොව FABRIC විලාසිතාවටය. ඒ නිසා එය ඔබ ශරීරයේ ප්‍රමාණය තරමක් අඩු කර පෙන්වීමට සමත්ය. එම නිසා ඔබ තෝරා ගන්නා ඇඳුම් විලාසිතා FABRIC DESING සහිත වීම වඩා උචිතය. TIGHT කෙටි සාය හා ගවුම් විලාසිතාද අඳින අවස්ථා දක්නට ලැබේ. එමෙන්ම ඇඳුම් විලාසිතාවන්හි සිරස් අතට ඉරි සහිත FABRIC DESING යුතු වීමත් තරබාරු පෙනුම අඩු කර පෙන්වීමට උපක්‍රමයකි. නමුත් එය පමණක්ම ප්‍රමාණවත් නොවේ. ඇඳුමේ පතොරමද මැසීම සඳහා යොදා ගත යුතු වන්නේ ශරීරයේ නියම හැඩය නිරූපණය වන ලෙසය. 

කමිස තේරීමේදී : TOPS තෝරා ගන්නාවිට ඔබේ අත් තරමක් විශාල නම් SLEEVE LESS තෝරා ගැනීමෙන් වළකින්න. මන්ද එමගින් ඔබේ සිරුරේ ප්‍රමාණය තවත් විශාලව පෙනෙන බැවිනි. අත් වැසෙන අයුරින් හා බැගී නොවන ලෙස ඔධඡී තෝරා ගැනීම වඩා වැදගත්ය. ශරීරයේ වැඩි වශයෙන් කැපී පෙනෙනුයේ බඩ, ඉණ හා පපු ප්‍රදේශයයි. ශරීරයේ මෙම අංග ආවරණය වන පරිදි ඇඳුම් විලාසිතා තෝරා ගැනීමද තවත් වැදගත් කරුණකි.

සාය විලාසිතා තේරීමේදී : ඔබ තරමක් තරබාරු වනවිට කකුලේ රැලි ස්වභාවයක් පෙනෙයි. එහෙයින් වඩා උචිත වනුයේ දිගු සාය විලාසිතා තෝරා ගැනීමය. ඇඳුම් විලාසිතා හැම විටම මනා හැඩයකින් යුතු වීමද සුන්දරත්වයක් එක් කරන්නකි. DESING අඩු PLANE FABRIC සහිත කෙටි සාය විලාසිතා තෝරා ගැනීම සුදුසු වේ. 

ගවුම් විලාසිතා : මෙම විලාසිතා වැඩි වශයෙන් දක්නට ලැඛෙන්නේ උත්සව අවස්ථාවන්හිදීය. TIGHT කෙටි සාය විලාසිතා තරබාරු අයකුට වුවද උචිතය. 

කලිසම් විලාසිතා : ඔබ කලිසම් තේරීමේදී SLIM FIT විලාසිතා ඇඳීම වඩා සුදුසු වේ. HIP TIGHT ඩෙනිම්ද එයට අයත්ය. ශරීරයට තද ලෙස මෙම ඇඳුම් පැලඳීමෙන් විශාල පෙනුම මඳක් අඩුකර පෙන්වයි. HARD MATERIAL(ඩෙනිම්) සහිත කලිසම් ඇඳීමෙන් ඔබේ ශරීරයේ විශාල පෙනුමට යම් හැඩයක් ලබාදීමටද හැකියාවක් පවතියි.

සාරි විලාසිතා : කාන්තාව වැඩි වශයෙන් සාරි විලාසිතා තෝරා ගන්නා නමුදු තරබාරු ඔබ ඒ පිළිබඳ තරමක් සිතිය යුතුය. සාරි හැට්ටය නිර්මාණය කිරීම වැඩි අවධානයක් යොමු කළ යුත්තකි. අත්කොට හා පිට වැඩි වශයෙන් විවෘත සාරි හැට්ට ඇඳීමෙන් ඈත් විය යුතුය. එමෙන්ම ඔසරියට වඩා ඔබට සුදුසු වන්නේ සාරි විලාසිතාය. ඒ අතරින් HANDLOOM සාරි විශේෂිතය. එහි FABRIC වැඩි නිසා මහත පෙනුම තරමක් අඩුකර පෙන්වයි. බඩ නොපෙනෙන ලෙස සාරිය ඇඳීමටද මෙහිදී වැඩි වශයෙන් අවධානය යොමු විය යුත්තකි. 

අඩි උස පාවහන් : ඔබේ විලාසිතාවට වැඩි පෙනුමක් එක් කිරීමට අඩි උස පාවහන් පැලඳීමට වැඩි උනන්දුවක් දක්වයි. HIGH HILLS පැලඳීමේදී තරමක් අපහසුතා ඇතිවිය හැකිය. දණහිස් රිදීම් ඇතිවීම් හා පතුල් වේදනාවන් නිසා HIGH HILLS පැලඳීමෙන් වැළකීම සුදුසුය.

ආභරණ තෝරා ගැනීම : ඔබ පෙර කී පරිදි විශාල FABRIC සහිත ඇඳුම් ඇඳීමේදී කුඩා ආභරණ පැලඳීම සුදුසු වේ. මාල හා මාලපෙති කුඩා ප්‍රමාණයෙන් යොදා ගත යුතුය. ඉතා විශාල නොවූ කනටම සවි වූ කරාබු ද පැලඳීමද අලංකාරයක් එක් කරන්නකි. කෙසේ නමුත් ආභරණ තේරීමේදී වඩා සැලකිලිමත් විය යුත්තේ කොණ්ඩා විලාසිතා හා ඇඳුම් විලාසිතා පිළිබඳය.

වර්ණ ගැළපීම : ලා වර්ණවලට වැඩි වැදගත්කමක් දිය යුතු වන්නේ එමගින් ශරීරයේ පෙනුම අඩුකර පෙන්වන බැවිනි. 

සිහින් සිරුරකට : සිහින් සිරුරක් හිමි ඔබද විලාසිතා තෝරා ගැනීමේදී අවධානය යොමු කළ යුතු කරුණු රැසකි. ඔබේ ශරීරයේ පපු ප්‍රදේශය ඉග පෙදෙසෙන් සිරුරේ හැඩය මනාව දිස්වේ. නමුත් වඩා සිහින් සිරුරක් හිමි ඔබට තිරස් ඉරි සහිත FABRIC ද වඩා උචිතය. එමගින් සිරුරේ හැඩය තරමක් විශාල කර පෙන්විය හැකිය. 

අත් නැති කමිස : කමිස තෝරා ගැනීමේදී අත් නැති කමිස ඇඳීමටද වඩා සුදුසුය. පපු ප්‍රදේශයෙන් තරමක් TIGHT හා පහළට වනවිට ප්‍රමාණයෙන් විශාල කමිස ද ඔබේ සිරුරද මනාව ගැළපේ. 

සාය විලාසිතා : බඳ පෙදෙස තරමක් විශාලව පෙනෙන පරිදි හරස් අතට ඉරි සහිත සාය විලාසිතා සිහින් සිරුරට උචිත වේ. 

කලිසම් විලාසිතා : SLIM ඇඳුම් තෝරා ගන්නා අවස්ථාද ඇත. NORMAL CUT සහිත කලිසම් ඔබට වඩා සුදුසුය. වඩා TIGHT නොවූ හා විශාල නොවන අතරමැදි ප්‍රමාණ C CUT කලිසම් විලාසිතා සිහින් සිරුරට හොඳින් ගැළපෙයි. TIGHT Jeans ඇන්දත් එයට තරමක් දිගු විශාල ප්‍රමාණයේ NOK එකක් ඇඳීමෙන් වැඩි පෙනුමක් ගෙන දෙයි. එහිදී පපු පෙදෙසින් තරමක් සිහින්ව හා යටි කොටස විශාලව පෙනෙන ලෙස බධනඵ නිර්මාණය වේ. සිහින් සිරුරැති ඔබට සාරි විලාසිතා සුන්දර පෙනුමක් එක්කරයි. සාරි විලාසිතාවත් වැඩි අලංකාරයක් ගෙන දෙන්නකි. එමගින් ඔබේ සිරුරේ වඩා සිහින් පෙනුම මකාලයි. බෝරිච්චි අත් සහිත cNn දැමීමෙන් පිරිපුන් බවක් ශරීරයට එක් කරයි. ඔසරිය ද වඩා සුදුසු විලාසිතාවකි. වර්ණවත් මෝස්තර සහිත සාරි විලාසිතා ඔබේ ලාලිත්‍ය ඔප් නංවයි.  

ආභරණ යොදා ගැනීම : තරමක් විශාල වූ වළලු හා මාල වැඩි වශයෙන් භාවිත වන්නකි. ඔබ වඩාත් සැලකිලිමත් විය යුතු වනුයේ වර්ණවත් ඇඳුම් ඇඳීමටය. එවිට අන් අයගේ නෙත් ගන්නේ වර්ණවත් ඇඳුම්ය. ශරීරයේ ප්‍රමාණය එහිදී වැඩි වශයෙන් දිස් නොවේ. සාක්කු, බොත්තම් ආදි DETAILS එක් කිරීමෙන් ඔබේ සිරුරට මෙන්ම ඇඳුමටද අගනා බවක් හිමි වේ. ගෙලටම සවි වූ ආභරණ මාල පැලඳීමෙන් සිහින් සිරුරට සුන්දරත්වයක් ගෙන දෙයි. නමුත් ඔබ සාමාන්‍ය සිරුරක් හිමි යුවතියක් නම් විලාසිතා කිරීම වඩා පහසුය. මන්ද බොහෝ විලාසිතාවන් ඔබේ සිරුරට මනාව ගැළපෙන බැවිනි. 

කාන්තාවගේ ලාලිත්‍ය දිස්වන අයුරින් විලාසිතා තෝරා ගැනීමට ඔබ උනන්දු විය යුතුය. 

ශාලිකා රංගනී සමරදිවාකර 

උපුටා ගැනීම මව්බිම පුවත් පත