This site has features that require javascript. Follow these simple instructions to enable JavaScript in your web browser.
Sithmal Yaya
නිය ආලේපනය නොකිරීමෙන් ලැබෙන ප්‍රයෝජන 5ක්
 

නිය අලංකාර කරන ආලේපන වර්ග අද කාන්තාවන් විවිධ විලාසිතාවලට අනුව ගල්වයි. නමුත් විටින් විට වර්ණ ගන්වන නිය ආලේපන වියළීම ඉරිතළා යෑමෙන් නියපොතුද ගැලවී යයි. නිය ආලේපන ගල්වා නොසිටීම නිසා ඔබට මෙවැනි ලබා ගන්නටත් හැකියාව ඇත. නිය පෙළ ශක්තිමත් වෙයිවර්ණ නොගැල්වූ දිදුලන නිය පෙළක තැනින් තැන කැළැල් ඇති විය හැකියි. එමෙන්ම නිය වර්ණක ගැල්වීම නියපොතුවල වර්ධනයට අවශ්‍යකැරටින් හා අනෙක් පෝෂ්‍ය ද්‍රව්‍ය හොඳින් ක්‍රියාකාරි වීමට බාධා කරනවා. වර්ණ ගැල්වූ නියපොතුවල වර්ණක දිය කිරීමට භාවිත කරන ද්‍රව්‍යයන් මඟින් සම අධිකව වියළීමට ලක් කරයි. සමේ රෝග විශේෂඥවරුන් පවසන්නේ මේ හේතුවෙන් නිය දුර්වල කරන බව හා නියපොතු තුනී වෙමින් ශක්තිමත් බව අඩු කරන බවයි.  

නිය කහ වීම වැළකෙයි : නිතර නිය ආලේපන ගල්වන විට හා ඒවා ඉවත් කරන විට නියපොතුවලට ස්වාභාවිකව ලැබී ඇති පැහැදිලි වර්ණය අවපැහැ වෙමින් කහ පැහැයට හැරෙයි. ඒවායේ කහ පැහැය ඉවත් කර කෝපි හා රතු වයින් මඟින් නැවත ස්වාභාවික රෝස පැහැය ලබාගත හැකියි. 

තද සුදු පැහැ පැල්ලම් ඉවතට : දිගු කාලයක් නිය මත වර්ණක ගල්වා සිටීමෙන් සමේ ඇති කැරටින් කැටි ගැසී සුදු පැහැ තිත් නියපොතු මත ඇතිවීම දැකිය හැකියි. තද වර්ණක මෙලෙස ඉවත් කළද එහි ඇති පැල්ලම් නියපොතු සමඟ වර්ධනයවීමෙන් එහි අවපැහැ බවක් පෙනෙයි.  

වෙනත් රෝග ගැන ලැබෙන සංඥා : ඔබේ ශරීර සෞඛ්‍යයේ සහ පැවැත්ම ගැන නියපොතු මඟින් මැන බැලිය හැකි බව ඔබ දන්නවාද? නියපොතු අවපැහැ ගැන්වීම, ගනකමඅඩුවීම හා එහි හැඩයේ ඇතිවන වෙනස්කම් මඟින් රූමටොයිඩ්, ආතරයිටීස්, අක්මාවේ ගැටලු, හෘද රෝග හා විටමින් උෟනතාව වැනි රෝග ලක්‍ෂණද හඳුනාගත හැකිය. මේ නිසා හැමවිටම නියපෙළ පිරිසුදුව හා පිළිවෙළට කපා තබා ගන්න. නිය ආලේපනය කළ නියපොතු මඟින් මේ කාර්යය සිදු නොවෙයි.

ස්වාභාවික නිරෝගී නිය පෙළක් : ස්වාභාවික නිය පෙළට වර්ණ ආලේප නොකර නිසි ලෙස කපා එහි හතර පැත්තම හොඳින් මැද ගැනීමෙන් (ඕභටටඥප) නිය පෙළට දීප්තිමත් බවක් ලබාගත හැකියි. හැකි නම් නියමල මත පොල්තෙල් ගල්වා සෙමින් පරිමැදීමෙන් ස්වාභාවික නිරෝගී පෙනුමක් ලබා ගන්නත් හැකියි. 

උපුටා ගැනීම මව්බිම