🛍️   Business Directory
📣   Classifields
🛍️   Business Directory
📣   Classifields

නී‍රෝගී දෑසක හිමිකරුවකු වෙමු

නී‍රෝගී දෑසක හිමිකරුවකු වෙමු


ඇසට කිසියම් දෝෂයක් නොමැතිව තිබියදී ඇසේ ආරක්ෂාව පරිස්සම වෙනුවෙන් ඔබ කුමක්ද කර තිබෙන්නේ කියා මදකට හෝ සිතා බැලූවද?  අපි යමක් පිළිබඳ වැඩිපුර උනන්දු වනවා නම්, යමක් ඉතාම පරිස්සමින් අපි රැකබලා ගන්නවා නම් කියමනට කියන්නේ "ඇස් දෙක වගේ" පරිස්සම් කරනවා කියලයි. ඇස් දෙක වගේ පරිස්සම් කරනවා කියන කියමනේ ම ගැබ්වෙලා තියෙන්නේ ඇස් දෙක කොයිතරම් අපට වටිනවද? කියන කාරණයයි. ඇත්තටම අපි හිතල බැලූවොත් ශරීරයේ අනෙක් අග පසග කොයිතරම් හොඳට තිබුණත් ඇස් දෙක නැති වුණොත් ඒ කිසිවකින් වැඩක් තියේවිද? නෑ නේද? එහෙනම් අපි අපේ ශරීරයේ අනෙක් අංගයන්ටත් වඩා වුවමනාවෙන් උනන්දුවෙන් අපේ ඇස් රැුකබලා ගත යුතුයි. ඇස්වලට රෝග පීඩාවක් සිදු නොවන්නට මෙන් ම වෙනත් බාහිර අනතුරුවලින් අපේ ඇස් ‍ආරක්ෂා කරගෙන නිරෝගිමත් දෑසක හිමිකරුවෙක් හෝ හිමිකාරිණියක් විය යුතුයි‍. 

අපේ මුහුණට සම්පූර්ණ ජීව ගුණය එක්කාසු කරමින් දීප්තිමත් කරන්නේ අපේ නෙත් සගළයි. නෙත් සගළ කියූ විට ඇස් දෙක පමණක් නොව ඇසි පිහාටු, ඇහි බැම, ඇසේ යට කොටස ආදී වූ මේ සියලූ ම දේ අයත් වෙන්නේ නෙත් සගළටයි‍. මුහුණේ රූප සෝභාව ගැන උනන්දු වන බොහෝ දෙනකුගේ වැඩි අවධානය යොමුවන්නේ මුහුණට පැහැපත් සමක් හිමිකර ගන්නේ කෙසේ ද? යන්න පිළිබඳයි. මේ සම්බන්ධයෙන් රූපලාවණ්‍ය විශේෂඥවරුන් පමණක් නොව විශේෂඥ වෛද්‍යවරුන්ගේ ද පිහිට පතමින් දුව යන ආකාරය අපි අනන්තවත් අසා තිබෙනවා. දැක තිබෙනවා. අනෙක් අතට මිල කීයයි කිව්වද සම සුදු වෙනවා නම්, පැහැපත් වෙනවා නම් ඒ සඳහා වන ආලේපන වර්ග මිලදී ගන්නටත් බොහෝ දෙනෙක් පැකිලෙන්නේ නෑ‍. එහෙත් සම ගැන උනන්දුවන තරමට ම මුහුණේ ඇති ජීව අවයවය වනිඇස’ ගැන උනන්දුවන්න අද දකින්නට ලැබෙන්නේ ඉතාමත් අඩුවෙන්. 

බොහෝ දෙනෙක් තමන්ගේ ඇස ගැන උනන්දු වන්නේ එක්කෝ ඇසේ පෙනීමේ කිසියම් දුර්වල භාවයක් ඇති වුවහොත්, නැතිනම් ඇසට බාහිරින් වැලෙක්‍ෂන වෙනත් රෝගයක් හෝ රෝග ලක්ෂණයක් ඇති වූ විටයි. මෙවැනි අවස්ථා සඳහා අපිට අක්ෂි වෛද්‍යවරයකුගෙන් ප‍්‍රතිකාර ගත හැකියි. නමුත් අපි එදිනෙදා ජීවත්වත්දී ඇසට කිසියම් දෝෂයක් නොමැතිව තිබියදී ඇසේ ආරක්ෂාව පරිස්සම වෙනුවෙන් ඔබ කුමක්ද කර තිබෙන්නේ කියා මදකට හෝ සිතා බැලූවද? බොහෝ දෙනකුට ඇස සම්බන්ධයෙන් රූපලාවණ්‍ය ප‍්‍රතිකාර පැතීමට සිදුවන ගැටලූ සහගත අවස්ථාවක් වන්නේ ඇසයට කළුවීමයි‍. මුහුණේ සම පැහැපත්ව දීප්තිමත්ව තිබියදී ඇස වටේ කළු පැහැති වී යටට ගිලා බැස ඇති ආකාරයක ස්වරූපයක් ඇති වී තිබෙන අවස්ථා ඔබ දැක ඇති‍. එසේත් නැතිනම් මෙවැනි ගැටලූකාරී ස්වරූපයක් ඔබේ ඇස් දෙකටත් බලපාලා ඇති. අපි මේ තත්ත්වය කුමක්දැයි පළමුවෙන් හඳුනාගත යුතු ය. මුහුණ අවලස්සන කරන ඇස් යට කළුවීම ඉතා ඉක්මනින් මග හරවා ගැනීමට ඔබට මේ උපදෙස් මෙන් ම හඳුනාගන්නා ලක්ෂණ ද බෙහෙවින් උපකාර වනු ඇත. ඇස් යට කළු පැහැ ගැනීම සඳහා හේතු ගණනාවක් බලපවත්වනවා.  

එක් එක් අයට මේ තත්ත්වය බලපාන හේතු සාධක වෙනත් වෙනත් ආකාරයක් ගන්නවා. මෙහි පළමු හේතුව වශයෙන් අප හඳුනා ගන්නේ පරම්පරාවෙන් පරම්පරාවට උරුමවන ජානමය ස්වභාවයන් නිසා සිදුවන තත්ත්වය ගැන. සාමාන්‍යයෙන් අපි ආසියාතික මිනිසුන් වශයෙන් අපේ අක්ෂි ගෝලය පිහිටා තිබෙන්නේ විශාලවයි. අක්ෂි ගෝලය ලොකු වූ විට ඇස් කුහරයත් ඊට සාපේක්ෂව විශාල වෙනවා. නමුත් අද ඔබ දැක ඇති ජපානය, චීනය වැනි රටවල මිනිස්සුන්ට පිහිටල තිබෙන්නේ සිහින් දිගටි ඇස්. ඒ නිසා ඒ අයට මේ තත්ත්වය බලපාන්නේ නෑ. ඒ නිසා සාපේක්ෂ වශයෙන් ඇස් යට කළුවීමේ තත්ත්වය අප වගේ ආසියාතික රටවල අයට විශේෂයෙන් බලපානවා. අපි මුලින් ම සඳහන් කළා අපේ ආසියාතිකයන්ගේ ඇස් විශාලයි. වටකුරුයි කියලා. අක්ෂි ගෝලය ලොකු වුණාට ඒක අවලස්සන තත්ත්වයක් නෙවෙයි. ඉතාම ලස්සනයි ලොකු ඇස් තියන කොට. නමුත් අපි අපේ අ‍ැස් නිසි ප‍්‍රමිතියකින් යුතුව අවශ්‍ය ආකාරයට මේ කළුවීමේ ප‍්‍රවණතාව මඟ හරවා ගෙන ආරක්ෂා කර ගත යුතුයි. 

උපුටා ගැනීම සිළුමිණ