This site has features that require javascript. Follow these simple instructions to enable JavaScript in your web browser.
Sithmal Yaya
කෝට් ෂූස්

 

කෝට් ෂූස් කියන්නෙ අද නාගරික තරුණියන් අතර ජනප්‍රිය පාවහන් වර්ගයක්. මේ කාලෙ ගොඩක් තරුණියන් එක එක පාටවල කෝට් ෂූස් පලඳිනවා. ඒ ගැන කතා කරන්න කලින් අපි කෝට් ෂූස්වල අතීතයට ගිහින් එමු. කෝට් ෂූස් එක අපිට ලැබුණේ බටහිරින්. බටහිර රටවල අයට අධික සීතල කාලෙට පාදවල ඇඟිලි ආවරණය කර ගන්න ඕන නිසා පහසුවෙන් ගලවන්න පුළුවන් ආකාරයේ කෝට් ෂූස් නිර්මාණය කරලා තියෙනවා. කෝට් ෂූස් කිව්වම අපිට හිතෙන්නෙ මේ කියන්නෙ කෝට් කිට් එකට පලඳින සපත්තු වර්ගයක් කියලා. බි්‍රතාන්‍යයන්ට අනුව නම් කෝට් ෂූස් පලඳින්නෙ කෝට් කිට් එකට තමයි. ඒ කියන්නෙ එයාලා කෝට් කියන වචනය ලියන්නෙ ඛ්ධචබ විදියට. ඛ්ධචබ - කෝට් කියන්නෙ කෝට් කිට් එකට තමයි. නමුත් ඇමෙරිකාවට ගියාම ඛ්ධචබ කියන එක ඛ්ධභපබ - කෝට් බවට පත් වෙනවා. ඛ්ධභපබ කියන කෝට් එකෙන් අදහස් කරන්නෙ අංගණය, මැඳුර, මිදුල, අධිකරණය වගේ දෙයක්. එතකොට බි්‍රතාන්‍යයන් ඛ්ධචබ ඉඩධඥඵ කෝට් කිට් එකට පලඳින කොට ඇමෙරිකානුවන් ඛ්ධභපබ ඉඩධඥඵ පලඳින්නෙ කලින් කියපු එළිමහන් ස්ථානවලට යන වෙලාවකටයි. ඒ වගේම ඇමෙරිකානුවන් පම්ප් ෂූස් ර්ථීභථන ඉඩධඥඵ කියලා කියන්නෙත් කෝට් ෂූස්වලටමයි. ඒක එහෙම වුණත් අද අපේ තරුණියන් නම් ඔය කියන ඕනෑම වෙලාවක ඕනෑම ඇඳුමකට කෝට් ෂූස් පලඳිනවා. හැබැයි කෝට් ෂූස් කියන්නෙ කෝට් කිට් එකකට සියයට සියයක්ම ගැළපෙන පාවහන් වර්ගයක්. මුල් කාලෙ කෝට් ෂූස් නිර්මාණය වුණේ කළු, දුඹුරු වගේ තද පාටවලින් සහ සුදු පාටින් විතරයි. ඒත් මේ වෙන කොට ඕනෑම පාටකින් කෝට් ෂූස් නිර්මාණය වෙනවා. කෝට් ෂූස් කියන්නෙ බටහිරින් ආපු පාවහන් වර්ගයක් වුණත් දැන් වැඩිපුරම මේවා නිර්මාණය වෙන්නෙ ආසියාතික රටවල. ඒ කියන්නෙ සිංගප්පූරුව, තායිලන්තය, ඉන්දියාව වගේ විලාසිතාවලට ප්‍රසිද්ධියක් ලබලා තියෙන රටවල් තමයි කෝට් ෂූස් නිෂ්පාදනයේ පෙරමුණ අරගෙන ඉන්නෙ. 2000 අවුරුද්දෙ තිබුණු ලෝක පාවහන් ප්‍රදර්ශනයේදී කෝට් ෂූස් කියන්නෙ ෆෝමල් වගේම ඉන්ෆෝමල් ඇඳුම්වලින් පලඳින්න පුළුවන් පාවහන් වර්ගයක් විදියට නම් කර තිබුණා. 

මේ කාලෙ තරුණියන් කොට ගවුම්වලට, ඩෙනිම් කලිසමට, සල්වාර් කිට්වලට වගේම සාරියටත් කෝට් ෂූස් පලඳින අවස්ථා තියෙනවා. සාමාන්‍යයෙන් පාටි ෆ්රොක්ස්වලට කෝට් ෂූස් පැලඳීමේ වරදක් නැහැ. කෝට් ෂූස් වඩාත්ම ලස්සන කෙටි ගවුම්වලට. ඩෙනිම් කලිසමට නම් කෝට් ෂූස් එක ඒ තරම්ම ගැළපෙන්නෙ නැති වුණත් කැෂුවල් කෝට් ෂූස් නම් පැලඳුවාට කමක් නැහැ. කැෂුවල් කෝට් ෂූස් කියලා කියන්නෙ අපි සමනල වර්ණ කියලා හඳුන්වන ලා නිල්, රෝස, ළා කොළ, කහ වගේ පාටවලින් නිර්මාණය කරන කෝට් ෂූස්වලට. එතකොට ඩෙනිම් කලිසමක් අඳිනවා නම් බ්ලවුස් එකේ පාටට ගැළපෙන විදියේ කෝට් ෂූස් පැලඳුවාම අමුතු ලස්සනක් එකතු වෙනවා. ඒ වගේම බෙල්ට් එකේ පාටින් හරි හෑන්ඩ් බෑග් එකේ පාටින් හරි කෝට් ෂූස් පැලඳුවත් කමක් නැහැ. සාරියකට කෝට් ෂූස් පලඳිනවා කියන එක අපිට ඒ තරම් හුරු බවක් නැහැ. ඒ වුණත් ෆැෂනබල් සාරි එකකට, ඒ කියන්නෙ සාම්ප්‍රදායෙන් එහාට ගිය මොඩර්න් සාරි එකකට කෝට් ෂූස් පැලඳුවාට කමක් නැහැ. ඒවගේ එකක් වැඩියෙන්ම ගැළපෙන්නෙ පාටි එකකට. එහෙමත් නැත්නම් මොඩ්ලින් ෂෝ එකක් වගේ අවස්ථාවකට. හැබැයි එදිනෙදා කාර්යාලයට යද්දි අඳින සාම්ප්‍රදායික සාරිවලට නම් කෝට් ෂූස් ඒ තරම්ම ගැළපෙන්නෙ නැහැ. ඒ නිසා කෝට් ෂූස් පලඳිනකොට තමන් අඳින්නෙ මොන වගේ ඇඳුමක්ද කියන එක ගැන නම් හොඳට හිතලා බලන්න සිද්ධ වෙනවා. 

මව්බිම