This site has features that require javascript. Follow these simple instructions to enable JavaScript in your web browser.
Sithmal Yaya
ඔබේ නිවසේ ගෙබිමට අලුත් පෙනුමක් ලබා ගන්න කැමතිද?

නිවසේ ගෙබිම ටයිල් ඇති කිරීම වර්තමානයේ සුලභව දකින්න ලැඛෙනවා. මෙය සෑම නිවසකම පාහේ දකින්න ලැඛෙන නිසා කිසියම් ඒකාකාරී බවකුත් දිස් වෙනවා. එනිසා ඔබේ නිවසේ ගෙබිමට නැවුම් පෙනුමකුත් ලබා ගැනීමට ඔබ කැමතිනම් ගෙබිමට ටයිල් ඇතිරීම වෙනුවට වෙනත් ක්‍රම භාවිතා කිරීමට සුදුසුයි. මේ ඇතැමු ක්‍රම ටයිල් භාවිතා කරනවාට වඩා ලාභදායකයි. ඒ වගේම ඇතැම් ඒවා කාලයෙන් කාලයට වෙනස් කර නිවසට අලුත් බවක් ලබා ගන්නත් හැකියි. සාමාන්‍යයෙන් පසුගිය කාලයේ ටයිල් යෙදීමට අමතරව ගෙබිමට යෙදුවේ ටෙරා පේන් හෝ සිමෙන්තියි. නමුත් දැන් බොහෝ විටම සිමෙන්ති යෙදීම සිදුවන්නේත් නැති තරම්. ටෙරාසෝ, භාවිතයෙන් දැන් සෑහෙන දුරකට අඩු වී ගිහින්. ග්‍රැනයිට් භාවිතයත් සිදුවන නමුත් එය තරමක් මිල අධිකයි. එනිසා එතරම් බහුලව දකින්න ලැඛෙන්නේ නැහැ. මේ කියූ ක්‍රම භාවිතයනුත් ගෙබිමට අලංකාර මනා පෙනුමක් ලබා ගත හැකිය. නමුත් ටයිල්, සිමෙන්ති හා ටෙරාසෝ එකම අකෘතියකට දිගු කලක් තිස්සේ නිවෙස් වල දකින්න තිබූ නිසා කිසියම් ඒකාකාරී බවකුත් තිඛෙනවා. එනිසා ඉහත කී ක්‍රම වලට අමතරව භාවිතා කල හැකි නිතර දක්නට නොලැඛෙන ක්‍රම යොදාගන්න අපට පුළුවන්. මෙලෙස නැවුම්, පහසුවෙන් හා ලාභදායී ක්‍රම අයුරින් ලබා ගත හැකි ක්‍රමය තමයි ප්ලාස්ටික් කලාල හෙවත් කාපට් ඇතිරීම. මෙය බටහිර රටවල ප්‍රබලව යොදා ගන්නවා. අපේ රටෙත් මේවා භාවිතා වන නමුත් නිවෙස් වලට එතරම් ප්‍රබලව යොදා ගන්නේ නැහැ. මේ ප්ලාස්ටික් කාපට් වල විශේෂත්වය වන්නේ ඒවා එක එක රටාවලින් ලබා ගත හැකි වීමයි. ටයිල් ඇතිරෑ බිමක පෙනුම දැව වලින් තැනූ බිමක ආදී වශයෙන් බොහෝ මෝස්තර මේ කාපට් වල තිඛෙනවා. ඒ වගේම මෙම කාපට් නිසි ආකාරයට ගෙබිමට යෙදුවහොත් කාපට් එකක් යොදා ඇතිබව සිතා ගන්නත් බැරිතරම්. බිත්ති වල වර්ණය, ගෘහ භාණ්ඩවල වාර්ණය ඇදිය සැලකිල්ලට ගෙන එයට ගැලපෙන පරිදි කාපට් තොරා ගත යුතුයි. ගෙබිමට කාපට් ඇතිරීමට සිමෙන්ති දැමූ ගෙබිමක් තිබීම සුදුසුයි. මුලින්ම එය හොදින් අතුගා දූවිලි කුණු ඉවත්ව යනසේ යොදා වියළා ගන්න. ඉන්පසු හොදින් ගෙබිම ගම් තවරා කාපට් එක රැලි නොසිටින සේ අතුරා හොදින් තදකර අලවා ගන්න. මෙය රැලි ඇද පලදු නොමැති විට ඉරීම් නැසීයාම් සිදු වීම අවම වන බැවින් කල් පැවැත්ම වැඩියි. කාපට් එකක් දැමූ විට සිමෙන්ති හෝ ටයිල් ඇතිරෑ පොලවකට වඩා ප්‍රෙව්ශමින් පාවිච්චි කිරීම කල් පැවැත්මට හොදයි. බර ගෘහ භාණ්ඩ බිම් දිගේ ඇදගෙන යාම ආදියෙන් ප්‍රවේශවම් වීමෙන් කාපට් එක ආරක්ෂා කර ගන්න පුළුවන්. ගෙබිමට නැවුම් පෙනුමක් ලබා ගැනීමට හැකි තවත් පහසු හා ලාභදායී ක්‍රමයක් ලෙස සිමෙන්ති කට් ඇන්ඩ් පොලිෂ් ක්‍රමය හදුන්වන්න පුළුවන්. මේ සදහා යොදා ගන්නේ සාමාන්‍ය ගෙබිමට සිමෙන්ති දමන ක්‍රමයේම වැඩි දියුණු කළ ක්‍රමයක් එහිදී. එහමිදී මුලින්ම රළු සිමෙන්ති බදාමය අතුරා ඉන්පසු සිමෙන්තියෙන් සුද මැදීමේ ක්‍රමයයි භාවිතා කරන්නේ. එහිදී සුද මැදීමට යොදන කොලොප්පු තට්ටුව සාමාන්‍ය ක්‍රමයට වඩා අගලක් පාමණ ඝණකමට දැමිය යුතුයි. ඉන් පුසව ටෙරාසෝ කැපීමට හා මැදීමට භාවිතා කරන උපකරණ මඟින් සිමෙන්ති තට්ටුව කැපීම හා මැදීම සිදු කරනවා. මෙය ටෙරාසෝ ශිල්පීන් මගින් කර ගත හැකිය. කඑ සිමෙන්ති කට් ඇන්ඩ් පොලිෂ් ක්‍රමයේදී ගෙබිම ටයිල් කළාටත්වඩා පෙනුමක් ලබා ගන්න පුළුවන්. ගෙබිම කණ්නාඩියක් මෙන් ඔපමට්ටම් කල හැකිය. මෙහිදී අවශ්‍ය නම් සිමෙන්ති මිශ්‍රකායේ පෙනුමින් වුවත් තැනිය හැකි අතර එවිටත් අපූරු පෙනුමක් ලැඛෙනවා. නැතිනම් විවධ වර්ණ මිශ්‍ර කරමින් අපූරු වර්ණ රටා ගෙබිම මත මවන්නත් පුළුවන්. මෙය ඔබේ ගෙබිමට නැවුම් පෙනුමක් ගෙනෙන බව නම් නිසැකයි.