අංජලී සහ ඉෂාන් මෙන්ඩිස්‌ හරියට එක මවකගේ සහෝදර සහෝදරියන් දෙදෙනෙක්‌ වගේ. දර්ශන තලයේදි මේ දෙන්නා වැඩිය හමුවී නැති වුණාට දෙන්නා අතර තියෙන හිතවත්කම නම් බොහෝම සවිමත්. ඒ නිසා මෙවර හිතමිතුරු සුළඟ හමා ගියේ අංජලී සහ ඉෂාන් සොයාගෙන.
ඉෂාන් මුලින්ම ඇසුවෙ කාන්තාවකගෙන් නෑසිය යුතුම ප්‍රශ්නයක්‌. ඔයාට වයස කීයද?
29 යි. මම ඉපදුණේ 1984-03-29 වෙනිදා.
පසුගිය කාලෙට වඩා දැන් ජීවිතය වෙනස්‌ නේද?
නැතුව නැතුව.. දැන් සතුටින් සැපෙන් ජීවත් වෙනවා. ටිකක්‌ කාර්ය බහුලයි. ඒ වගේම බලාපොරොත්තු වැඩියි.
අපි නොදන්න බලාපොරොත්තුද?
නෑ....නෑ දන්න ඒවා තමා. මම කිව්වේ අළුත් වසරක්‌ උදාවෙන කොට අළුත් බලාපොරොත්තු හිතට එනවනෙ. ඒ වගේ බලාපොරොත්තු ගොඩක්‌ තියෙනවා.
මොන්ටිසෝරිවල උත්සව අතහරින්නෙම නෑ නේද?
මට ආරාධනා ලැබුනොත් ඉතිං මම යනවා. අනික පුංචි ළමයිගෙ නැටුම් ගැයුම් බලන්න මම ආසයි. ඒ අය එක්ක ඉන්නකොට මට මගේ පුංචි කාලය මතක්‌ වෙනවා.
ඔයා වැඩිපුරම හිතන්නෙ කට ගැනද ඇඟ ගැනද?
දැන් නම් ඇත්තටම ඇඟජ්ගැන තමා හිතන්නෙ. ඉස්‌සරත් ඇඟ ගැන හිතුවත් කට පාලනය කරන්න බැරි වුණ නිසා ඇඟට ඕන විදියට ඇඟ හැදුනා.
ජිම් එකට යන්න ගත්තෙ කොයි කාලෙ ඉඳලද?
අපෝ ගොඩක්‌ ඉස්‌සර. ඒත් ඉතිං ඒ ගිය එකෙන් වැඩක්‌ නැති වුණේ කට නිසා තමයි. දැන් නම් කට පාලනය කරල තියෙන්නෙ.
වැරදිලාවත් රඟපෑමෙන් ඉවත්වෙන්න වුණොත් මොකද කරන්නෙ?
මොනව කරන්නද ඉතිං ගෙදරට වෙලා ඉන්නවා.
ඔයත් දැන් ප්‍රසිද්ධ නිළියක්‌නෙ· ඒත් එකම සම්මාන උළෙලකවත් ඔයාව දකින්න ලැබුනෙ නෑනෙ.?
ආරාධනා පත්‍රයක්‌ ලැඛෙන්න ඕනනෙ සම්මාන උළෙලවල් වලට එන්න. මට සම්මාන උත්සවයක්‌ බලන්න කියලවත් ආරාධනාවක්‌ ලැබිල නෑ. ඒකයි ඒ උත්සවවල පෙනෙන්න නැත්තෙ.
දෙසැම්බර් 25 ෂූටිං දාගත්තෙ නැත්තෙ ඇයි?
ඉතිං එදානෙ නත්තල් දවස.
ඔයත් නත්තල්ද?
නෑ නෑ මම නත්තල් නෙමෙයි.
ෂූටිං විතරක්‌ නෙවෙයි, වෙන වැඩක්‌වත් එදාට ඔයා දාගත්තෙ නැතිව හිිටියෙ කවුරු හරි පාටි එකකට ආරාධනා කරයි කියල හිතල නේද?
ඔව්. ඉතිං කවුරු හරි එදා වගේ දවසක ක්‍රිස්‌මස්‌ සමරන්න එන්න කිව්වොත් ඒක මග හරින එක හොඳ නෑනෙ. අනික මගෙ යාළුවො ගොඩක්‌ ඉන්නවා කැතලික්‌ අය.
රසට කෑම හදන්න පුළුවන් කියන්නෙත් ඇත්තද?
නැතුව... මම හදපු කෑම කාපු අයනෙ එහෙම කියන්න ඇත්තෙ.
අපි නම් දන්නෙ ඔයා යාළුවන්ට ගෙදරට ආරාධනා කරල ඒ අය වෙනුවෙන් හදපු කෑම යාළුවො එන්න පරක්‌කු වුණොත් ඔයාම කනවා කියලයි?
මෙහෙමයි කෑම කියල කියන්න එපා. මොකද කෑම කිව්වොත් ඒකට ගොඩක්‌ ජාති අහුවෙනවනෙ. දවසක්‌ යාළුවො වෙනුවෙන් කේක් එකක්‌ හැදුවා. ඒ අය එන්න පරක්‌කු වුණ නිසා මම ඒකෙන් කෑල්ලක්‌ කෑවා. ඕකනෙ ඔය අහන්නෙ.
කොල්ලො කී දෙනෙක්‌ අමාරුවෙ දාල තියෙනවද?
කාවවත් අමාරුවෙ දාල නෑ. ආදරේ කරල තියෙනවා හැරෙන්න. තමන්ට ආදරේ කරන කෙනෙකුට ආදරේ කරන එක අමාරුවේ දැමීමක්‌ නෙමෙයිනෙ.
හරි ඉතිං කී දෙනෙක්‌ද?
ඒවා ඉතිං පෞද්ගලික රහස්‌. අනික දකින දිකන මිනිස්‌සුන්ට ආදරේ කරල නෑ. ඇයි ඔයාට වෙන අහන්න දෙයක් ඇත්තෙම නැද්ද?
තියෙනවා තියෙනවා..... මේ දැන් ආරංචි වුණා. ඔයා ආයෙත් බඳිනවා කියල. ඇත්තද ඒ ආරංචිය.
ඔව් ඒක බොරුවක්‌ නෙවෙයි. එහෙම තමයි හිතන් ඉන්නෙ.
ඒ කව්ද කියල කියන්නෙ නැද්ද?
ඔයා දන්නවනෙ ඒ කව්ද කියල ඒ නිසා ප්‍රසිද්ධියේ කියන්න ඕන නෑනෙ.
මේ දක්‌වා ජීවිතේ වැඩියෙන්ම ආදරේ කලේ කාටද?
මගෙ දුවට
ඔයා ඡන්දෙ ඉල්ලන්න හිටියද?
කවදාවත් එහෙම අදහසක්‌ තිබ්ඛෙ නෑ. බැරි දේවල් කරන්නෙත් නෑ.
කලාකරුවො දේශපාලනය කරන එක ගැන මොකද හිතන්නෙ?
කලාකරුවො කියන්නෙ හරි සංවේදී පිරිසක්‌නෙ. මම හිතන්නේ එයාලා දේශපාලනය නොකර කලාවෙම හිටියා නම් ඊට වඩා සුන්දරයි.
තිස්‌ස ගුණතිලක
උපුටා ගැනීම දිවයින පුවත් පත
