මකබෑ විය යුතු හදි හූනියම්
අප සමාජයේ අෑත අතීතයේ පටන්ම අනවින කොඩිවින හදි හූනියම් දෝෂ නිසාවෙන් පීඩා විඳින ජනතාව බොහෝ ඇත. ඒ නිසාවෙන් එදා මෙන් අදද හදි හූනියන් යනු සමාජයේ බහුල වශයෙන් කතාබහට ලක්වන මාතෘකාවකි. ඔබ බොහෝදෙනකුම අසා ඇති දෙයක් නම් කටු ගැසීමයි. නමුත් ඔබ ඒ පිළිබඳව දැනුවත් කිරීමට රිසියෙමි.
කටු ගැසීම : කටු ගැසීමේ නොයෙක් ක්‍රම ඇත. ඉටිවලින් රූපයක් තනා එයට කටු ගසයි. හොඬල, නියඟලා, බේඳුරු, අළුකෙසෙල්, හබරල වැනි අල වර්ග ගෙන රූප තනා එයටද කටු ගසයි. තවද කකුලේ අඩිය පොළොවේ සිටින තැනකට කටු ගසයි. කටු ගැසීම සඳහා භාවිත වන කටු වන්නේ පස්පැඟිරි කටු හා පස්ලෝ වේ.
පැන්නුම් : පැන්නුම් ගත් කල වැල් පැන්නුම් නමින් ක්‍රමයක් ඇත. ඒ කරනු ලබන්නේ නොයෙක් වැල් වර්ගයන්ගෙන් ගැට දමා මතුරා වුවමනා කෙනාට පැන්නීමයි. තවද නූල් පැන්නුම්, නූල් ගෙන ගැට දමා මතුරා වුවමනා අයව පන්නවයි. ඉරි පැන්නුම් අතට හෝ කොටුවකට මතුරා ඉරි ඇඳ වුවමනා කෙනාට පන්නවයි. යන්ත්‍ර ඇඳ මතුරා පන්නවයි.
ගිනියම් කිරීම : නොයෙක් දේවලින් රූප තනා ඒවායේ නම් ලියා ළිපේ දමා ගිනි කරයි. යන්ත්‍රවල රූප ඇඳ මතුරා ගිනි කරයි. පස් තෙල් වැනි තෙල්වල බහාද ගිනි කරයි.
ඉනා බන්ධන : තව කෙනකු කැමැති කර ගැනීම සඳහා කරන හූනියම් විශේෂයකි. එතැනදි නොයෙක් බෙහෙත් වර්ග නම්වලට මතුරා කැවීමට, පෙවීමට සලස්වයි. තමාගේ ලේ මතුරා කෑමට සලස්වයි. නම්වලට මතුරා නූල් පැන්නීම සහ යන්ත්‍ර පැන්නීමද සිදුකරයි.
දෙවැනි ඉටි පසෙන් සොඳ ලෙස රුවක් තැනූ
තෙවැනි කටු ගසා පන්නා ගිනි කරනු
එවෙනි විනේ ගිනි ජල් ඇඟ වෙළා ගනු
මෙවෙනි දුජන වින යකුනේ මරා ගනු
බන්ධන කිරීම : මළගිය ඥාතීන්, මළ ප්‍රේතයන්, යකුන් මන්ත්‍ර බලයෙන් අල්ලා බැඳ තරහකාරයන්ගේ ගෙට හෝ භූමියට දැමීම තවද විස බැඳීම, තුන්‍ෙදාස් බැඳීම, දිවගුරු බැඳීම ආදී බොහෝ ඇත. අබ මතුරා වත්තට ඉසීම, වැලි මතුරා ඉසීම, ගල් මතුරා ඉසීම, ඇඳිවතේ නූල් ගෙන හූනියම් කිරීමද ඇත. කෙස්, නිය තමාට පෑගුණු වැලි ගෙනද හූනියම් කළ හැකිය. තවද රූප තනා හෝ රූප ඇඳ එහි නම් ලියා ගස් බෙනවලට දමති. ගල්වල හිර කරයි. දියට දමයි. බිම වළලයි. එවැනි බොහෝ දරුණු හූනියම් තිබේ. මිනී අළු මතුරා වතුවලට ඉසීම, ගෙරි පස් මතුරා ඉසීම මිනී ඇට මතුරා වතුවලට දැමීම, උෟරු තෙල් ඉසීම, උෟරු මස් මතුරා වැළලීම ආදිය පොදුවේ නීච කුල හූනියම් ලෙස සලකයි. මේ සියලු දේ කරනු ලබන්නේ.
ඊර්ෂ්‍යාව වෛරය, කේ‍රා්ධය, පළිගැනීම ආදිය පෙරදැරි කරගෙනය. මෙහි ප්‍රතිඵල වශයෙන් මිනිසුන් මරණයට පත්වෙයි. උන්හිටි තැන් අහිමි වේ. එක්තැන් වේ. අත්පා බිඳීම, කොර වීම, පවුල් කඩා ඉහිරීම, ගේ‍ෙදාර, මිල මුදල්, යාන වාහන නැතිවීම, හදිසි අනතුරු, සුව නොවන රෝග සෑදීම, රෝග හරි හැටි හඳුනා ගැනීමට නොහැකි වීම, ශරීරයේ දැවිලි ගති ඇතිවීම, මානසික ආතතිය, හන්දි අමාරු, අසමඟිය, විරූපී වීම ආදී බොහෝ අයහපත සැලසේ. ශාස්ත්‍රය උගත් ධාර්මික ජීවිකාවක් ගතකරන කිසිවකු මෙවැනි සාපරාධී ක්‍රියා නොකරති. එහෙත් මුදල්වලට අධික ආශාව නිසාවෙන් මෙම ක්‍රියාවන් කරනු ලබන යන්ත්‍ර මන්ත්‍රකරුවන්ද අප අතර නැත්තේ නැත. තමාට හෝ තම භූමියට හදි හූනියම් දෝෂයක් ඇත්දැයි පරීක්‍ෂා කිරීමට ක්‍රම කිහිපයක්ම අප මන්ත්‍රකරුවන් අතර පවතියි. ඒ අතර ගොක් කොළය උදරයට තබා බැලීම ප්‍රධාන තැනක් ගනී. තවද දෙහි මතුරා වැළලීම කුල්ල කරකැවීම, තෙල් මතුරා පහන් පත්තුකර ආතුරයන් පෙන්වීම වැනි තවත් ක්‍රමද ඇත. හූනියම් කැපීමේදී බොහෝ තීන්දු වේ. ඒ අතර දෙහි, පුහුල්, හොඬල, අහු, අත්තන, තැඹිලි, වැල්වළලු තවද ලේ තාලි තීන්දුව, ජල තීන්දු, වෙඩි තීන්දු ආදී බොහොමයක් වේ. තද නීච කුල හූනියම් කැපීමේදී ගෙරි ඔළුවට මතුරා කැපීමද නැතිනම් අළුකෙසෙල් අලයෙන් මිනී පෙට්ටියක් කපා වත්ත හතර කොන පස් හා ගේ හතර කොන පස් ගෙන රූපයක් තනා පෙට්ටියට දමා මතුරා කැපීමද වේ. තවද එක් එක් පළාත්වල හැටියටද ගුරු කුලවල හැටියටද මේ වාගේ සුළු සුළු වෙනස්කම් ඇතිවේ. හූනියම් දෝෂ යනු නියමාකාරයට හඳුනාගෙන ඉවත් කළ හැකි දෝෂයකි.
පාරම්පරික ගුප්තවේදී රොෂාන් චානක තිසේරා - 0716366175
මව්බිම
