කළු හම, ඇඳුම සහ ලිංගිකත්වය
පොත්ත රතු ගැහැනුන්ට විරුද්ධ ලිංගිකයන්ගෙන් තිඛෙන ආකර්ෂණය වැඩි යැයි කියන කතා අපේ සාහිත්‍යයේ පමණක් නොව ලොව ඕනෑම සාහිත්‍යයක කවර කලෙකත් සඳහන් වන දෙයකි. කලඑළියට සිටින සුදු පැහැයට බර සමක් තිඛෙන ගැහැනුන් ගැන පමණක් නොව පිරිමින් ගැනත් විද්‍යාඥයෝ අපූරු කතාවක් කියති. සුදු පාට මිනිසුන් ගැන කතා කරන්නට විද්‍යාඥයන් ගුරු කොට ගන්නේ කළු පාට මිනිසුන් ය. කළු හමක් තිඛෙන අය තමන්ට ගැළපෙන ලෙස අඳින පලඳීන නිසා කාගේ කාගේත් ආකර්ෂණයට ලක්වන බව විද්‍යාඥයන් කියන මේ කතාවේ හරයයි. ඒ ගැන පර්යේෂණයක් ද සිදු කෙරිණි. මෙවැනි කරුණු සම්බන්ධයෙන් පර්යේෂණ කිරීම කොහෙත්ම ලෙහෙසි පහසු නැත. දුෂ්කරතා මධ්‍යයේ වුවත් පර්යේ්ෂණය කළේ නිකොලොස් හෝල්ට්ස්මන් සහ මයිකල් ස්ටෘබි නම් දෙදෙනායි. ඔවුහු අමෙරිකාවේ ශාන්ත ලුයීස් හි පිහිටි වොෂින්ටන් විශ්වවිද්‍යාලයේ මනෝ විද්‍යාඥයෝ ය. ඔවුන් කළ පර්යේෂණය තරමක් රසවත් බවින් පිරුණු එකකි. පර්යේෂණයට විශ්වවිද්‍යාල මට්ටමේ ශිෂ්‍ය ශිෂ්‍යාවන් 111ක් තෝරා ගැනිණි. එයින් 64% ක් ම ගැහැනුන් ය. ඔවුන්ට සාමාන්‍ය ආකාරයට විද්‍යාගාරයට එන්නට ඇරයුම් කළ විද්‍යාඥයෝ, විද්‍යාගාරයට ඔවුන් ඇතුළු වන විට විවිධ ඡායාරූපයට නඟන්නට වැඩපිළිවෙළක් සැදූහ. ශිෂ්‍ය ශිෂ්‍යාවන් එකා බැගින් වරින් වර විද්‍යාගාරයට එන හැටි ඡායාරූප ශිල්පියා අපූරුවට තෙවැනි ඇසට හසුකර ගත්තේ ය. ඊළඟට ශිෂ්‍ය ශිෂ්‍යාවන්ට වෙනම ඇඳුම් කට්ටලයකින් සැරසී එන්නට උපදෙස් ලැබිණි. ඇඳුම් ද සැපයිණි. අලුත් ඇඳුම් කට්ටලයට කලිසමක් සහ ටීෂර්ටයක් අඩංගු විය. කලිසම තරමක් බුරුල් ස්වරූපයක් ගත් දිගු කලිසමකි. හරියටම කිවහොත් එය ශාරීරික ව්‍යායාම සඳහා අඳීන සැහැල්ලු දිග කලිසමකට සමානය. දිගු කෙස් කළඹක් සහිත තරුණියන්ට තමන්ගේ කෙස් කළඹ පෝනිටේලයක් සිටින පරිදි තද කර බැඳගන්නටත් සිදුවිය. ඊළඟට, ඒ වන තෙක් තවරාගෙන සිටි වත්සුණු ඉවත්කරන්නටත් උපදෙස් ලැබිණි. කෙටියෙන් කිවහොත් කිසිදු ආකාරයේ රූපලාවන්‍යය ආලේපනයක් සිරුරෙහි තබා ගැනීම සෑම කෙනකුටම තහනම් විය. දැන් ශිෂ්‍යාවන් මෙන්ම ශිෂ්‍යයන් ද සිටින්නේ තම තමන්ගේ ස්වාභාවික පෙනුම තුළ යැයි කිවහොත් වැරදි නැත. අලුත් ඇඳුමට ශිෂ්‍ය ශිෂ්‍යාවන්ගේ ස්වාභාවික පෙනුම කොහොම ද? එයත් ඡායාරූපයකට නැඟිණි. සෑම කෙනකුගේම සිරුර හොඳින් නිරූපණය වන පරිදි, ඔවුන්ව තනි තනිව ඡායාරූපවලට නඟන ලදී. එක් එක් ශිෂ්‍යයාගේ පළමුව ගත් ඡායාරූපත් දෙවනුව ගත් ඡායාරූපත් සැසඳීම ඇරඹුණේ ඉන්පසුවයි. මේ කටයුත්ත භාර කෙරුණේ වෙනමම පුද්ගලයන් පිරිසකටයි. ඡායාරූප සන්සන්දනය, මිනිසුන්ගේ ඇඳුම් පැලඳුම් භාවිතය ගැන හොඳ කතාවක් හෙළි කළේය. බොහෝ පුද්ගලයන් තමන්ට රිසි පරිදි තෝරාගන්නා ඇඳුම් පැලඳුම්, රූපලාවන්‍යය ආලේපන යනාදිය ඔවුන්ගේ ශාරීරික ආකර්ෂණය අනෙක් පාර්ශ්වය වෙත රැගෙන යන්නට සමත් බව ඒ අපූරු කතාවයි. කෙටියෙන් කිවහොත් තම තමන් තම තමන්ට අඳීන්න පලඳින්න තෝරාගන්නේ සුදුසුම ඇඳුම් පැලඳුම් යනාදියයි. මේ තත්ත්වය වඩාත් හොඳින් ම කැපී පෙනුණේ කළු පැහැ සමක් සහිත අය තුළ ය. කළුපාට චර්මයක් ඇති මිනිසුන් තෝරාගන්නේ තමන්ගේ පෞරුෂය වඩාත් හොඳීන් අනෙක් පාර්ශවයේ අවධානයට ලක්වන විධියේ ඇඳුම් ආයිත්තම් ය. ඇඳුම් පැලදුම්වලින් කෙනකු තුළ ඇති කරන පෙනුම ඔහු හෝ ඇය දෙස බලන්නාට ඉතා වැදගත් ය. එය වැදගත් වන්නේ කෙසේ ද? මේ කරුණ පැහැදිලි කරගන්නට තවත් පර්යේ්ෂණයක තොරතුරු හා නිගමන ආධාර කර ගැනිණි. ආධාර කරගත් අනෙක් පර්යේෂණ 2010 වසරේ දී කරන ලද්දකි. එය ජොහැන්නස් ගුටෙන්බර්ග් විශ්වවිද්‍යාලයේ විද්‍යාඥයන් පිරිසක් කරන ලද පර්යේෂණයකි. මේ පර්යේ්ෂණයෙන් නිගමනය කර තිබුණේ මිනිසුන්ගේ ඇඳුම් පැලඳුම් නිසා ලැඛෙන පෙනුම අනෙක් සියලුම කරුණු අබිබවා යන බවකි. දේහ ලක්‍ෂණවලින් ප්‍රකාශ වන කරුණුත්, මුහුණේ ඉරියව් කියාපාන දෙයත් අබිබවා නැඟී සිටින්නේ ඇඳුම් පැලඳුම්වලින් ඇතිවන පෙනුම යැයි කියා විද්‍යාඥයෝ තීරණය කර තිබුණහ. නව පර්යේෂණයට මේ පර්යේෂණයේ නිගමනවලින් කිසියම් ආලෝකයක් ලැබිණි.
කළු හමක් ඇති අය තමන්ට ගැළපෙන ඇඳුම් ආයිත්තම් ගැන වැඩියෙන් සැලකිලිමත් වන්නේ නම් ඔවුන් වඩාත් හොඳ බාහිර පෙනුමකින් යුතු අය විය යුතුය. පළමු දැකුම කෙනකු සම්බන්ධයෙන් තවත් කෙනකු තුළ ප්‍රබල සිතුවිල්ලක් ඇති කරන බවත් ඒ සිතුවිල්ල සමඟ අදාළ පුද්ගලයාගේ පෞරුෂය සම්බන්ධ පණිවුඩයක් රැෙඳන බවත් විද්‍යාඥයෝ දෙපළ කියා සිටියහ. සමහරවිට කෙනකු දැකුමෙන් අප, ඔහු හෝ ඇය කරුණාවන්ත කෙනකු හෝ අකාරුණික කෙනකු හෝ යනුවෙන් තීරණය කරන්නේ මේ නිසයි. දකින පුද්ගලයා තුළ දැකීමට භාජනය වන්නා පිළිබඳ ස්ථිර රූපයක් ඇතිවේ. එය වෙනස් කිරීමට සමහරවිට කවදාවත්ම බැරිවන්නටත් පුළුවනි. කෙනකුගේ ලිංගික කටයුතු සම්බන්ධ කරුණු කාරණාත් පළමු දැකුම සමඟ සන්නිවේදනය වන්නට හොඳටම ඉඩ තිබේ. එවිට දැකිමට භාජනය වන්නාගේ ලිංගික ජීවිතය, ආකර්ෂ”ය බව යනාදී තොරතුරුත් සන්නිවේදනය වන්නට පුළුවනි. කෙනකුගේ ලිංගික ජීවිතය සම්බන්ධයෙන් බාහිර දැකුමෙන් තීරණය එළඹෙන්නට මේ අනුව බැරිකමක් නැත. මේ කාරණා සම්බන්ධයෙන් පුද්ගල පෞරුෂය සම්බන්ධ වන්නේ කෙසේ ද? යන්න පිළිබඳ තවදුරටත් කරුණු සොයා බැලිණි. මෙහිදී මනෝ විද්‍යාත්මක පරිසරයක පිහිටා පෞරුෂය ගැන සොයා බලන්නට පළමු පුද්ගලයන් 111 දෙනා සම්බන්ධ කර ගැනිණි. පෞරුෂය සමඟ සම්බන්ධ මේ කාරණා වඩාත්ම සමීප වුණේ පුද්ගල ලිංගික ජීවිතය සමඟයි. නිදසුනක් වශයෙන් කිවහොත් පුද්ගලයා තුළ ආත්ම රාගය පවතින්නේ කෙසේ ද? යන්න අනාවරණය කර ගන්නට නිකොලොස් හෝල්ට්ස්මන් සහ මයිකල් ස්ටෘබි වෙහෙසුණහ. තවත් පැත්තකින් මනෝව්‍යාධීන් ගැන කරුණු කාරණා ඒකරාශි කරගන්නටත් ඔවුහු පෙලඹුණහ. මේ ඔස්සේ පර්යේෂණයට සම්බන්ධ වූ පුද්ගලයන්ගේ පෞරුෂය හා බද්ධ වුණු, නිතර නිතර කතා නොකරන කරුණු සම්බන්ධයෙන් ද අවධානය යොමු කෙරිණි. එහෙත් කළු හමක් ඇති මිනිසුන්ගේ පෞරුෂයත්, ලිංගික ආකර්ෂණයත් අතර සම්බන්ධතාවක් සොයා ගන්නට විද්‍යාඥයන්ට බැරි විය. කළු හමක් තිඛෙන අය තමන්ට ගැළපෙන විධියට අඳින පලඳින බව සැබෑය. මේ නිසා ඔවුහු ආකර්ෂණීය පිරිසක් වී සිටිති. ඒ ආකර්ෂණය කළින් කීවාක් මෙන් ලිංගික ආකර්ෂණයක් දක්වාම ව්‍යාප්ත වී යන්නටත් පුළුවන. එහෙත් මනෝ විද්‍යාත්මකව විවරණය කරගත හැකි කරුණක් ඒ ලිංගික ආකර්ෂණය සමඟ බද්ධව ඇති බව පැහැදිලි කරන්නට විද්‍යාඥයන්ට පුළුවන් වූයේ නැත යැයි කියා විද්‍යාඥයෝ තීරණය කර තිබුණහ. නව පර්යේෂණයට මේ පර්යේෂණයේ නිගමනවලින් කිසියම් ආලෝකයක් ලැබිණි. කළු හමක් ඇති අය, සුදු හමක් ඇති අයට වඩා ආකර්ෂණීය වී තිඛෙන්නේ ඇඳුමෙන් පැලඳුමෙන් පමණක් බව මේ අනුව පෙනී යයි. එහෙම බලන විට පොත්ත සුදු අයට, කළු අය සමඟ තවමත් ලොකු තරගයක් නැත. සුදු චර්මයක් ඇති අයත් ටිකක් හිතා බලා අඳින පලඳින කටයුතු කළහොත් ඔවුන් තවත් ආකර්ෂණීය වනවාට සැකයක් නැත. විද්‍යාඥයන් කියන මේ කතාව කෙතරම් ප්‍රායෝගික දැයි කියා සිතා බලන්නට දැන් සිදුවේ. සාමාන්‍යය කට වහරේ තිඛෙන හැටියට ලිංගික ආකර්ෂණය වැඩි මිනිසුන් ජීවත්වන්නේ අපි‍්‍රකා මහාද්වීපයෙහිය. අප දන්නා හැටියට එහි ජීවත්වන බහුතරයක් කළු හමක් ඇති මිනිසුන් ය.
උපුටා ගැනීම දිනමිණ පුවත් පත
