This site has features that require javascript. Follow these simple instructions to enable JavaScript in your web browser.
Sithmal Yaya
අනාගත නිවාසයන්හී ගෘහස්ථ තාක්ෂණය

ගෘහස්ථ තාක්ෂණය යනු අප ජීවිතයේ අනෙකුත් අංග මෙන්ම නවීන තාක්ෂණය වැඩි වශයෙන් යොදා ගැනෙන ක්‍ෂේත්‍රයකි. වර්තමානයේ ශ්‍රීලංකාව තුලද මෙම තාක්ෂණයන් දැක ගත හැකි අතර අනාගතයේදී මෙම නවීන තාක්ෂණයන් බහුල වශයෙන් අපේක්ෂා කල හැකි වේ. පහතින් හඳුන්වාදී ඇත්තේ එසේ වර්තමානයේ සහ අනාගතයේ අප අතරට එන ගෘහස්ථ තාක්ෂණයන් කිහිපයකී.

ස්වයංක්‍රිය උෂ්ණත්ව පාලනය : නවීන තාක්ෂණයට අනූව ඕනෑම තැනක සිට තම නිවසෙහි උෂ්ණත්වය පාලනය කිරීමේ හැකියාව පවතී. මෙය ඉතා උපකාරීවන්නේ ශ්‍රීලංකාව වැනි උෂ්ණාධික රට වල නිවෙස් තුල හිතකර උෂ්ණත්වයක් පවත්වා ගැනීම සඳහායි. මෙලෙස උෂ්ණත්වය පාලනය හා නියත අගයක පවත්වා ගැනීම Wi-Fi පහසුකම් සහ sensor-enabled thermostat මඟින් සිදුකර ගත හැක. මෙම පද්ධතියට මතක තබා ගැනීමේ හැකියාවක් ඇති අතර එමඟින් ඔබ නිවසෙහි නොමැති අවස්ථාවන්හිදී නිවසෙහි උෂ්ණත්වය පාලනය කිරීමටත් ඇතුලත වාතයේ තත්වය පරීක්ෂා කිරීමටත් හැකියාව පවතී. 

නිවාස ආරක්ෂාව : නිවෙසක්තෝරාගැනීමේදී, සමීක්ෂණ වලට අනූව 20%ක වැදගත්කමක් නිවසෙහි ආරක්ෂාවට හිමිවන බව පෙන්වා දිය හැක. එබැවින් මෙම දියුණු ආරක්ෂක උපාංග ශ්‍රීලාංකීය නිවාස තාක්ෂණයේද දැකගත හැකි වේ. දොරගුලු මත සවිකර ඇති ඇඟිලි සලකුණු කියවනයන් ( Fingerprint Reader ) ඊට උදාහරණ ලෙස ගෙන හැර දැක්විය හැක. මෙමඟින් දොරගුලු විවර කරන පුද්ගලයාගේ ඇඟිලි සලකුණු, අවසර ලත් පුද්ගලයන්ගේ ඇඟිලි සලකුණු හා සසඳා බැලේ. එසේ අනන්‍යතාව තහවුරු කර ගැනීමට නොහැකි අවස්ථා වල ඇතුලු වන්නාගේ ඡායාරූපයක් ආරක්ෂක ආයතනය වෙත හෝ නිවෙස් හිමියාගේ ජංගම දුරකථනය වෙත යොමු කල හැක.

ස්මාර්ට් ශීතකරණ : ශීතකරණයක් යනු සෑම ශ්‍රීලාංකීය නිවෙසකම පාහේ භාවිතයට ගනු ලබන ගෘහස්ථ උපකරණයකී. ඒසේ වෙතත් ගෘහනියන් කරදරයක් සේ සලකනු ලබන ක්‍රියාවක් වන්නේ එම ශීතකරණය පිරිසිඳු කිරීමයි. මෙයට විසඳුමක් ලෙස Ocado විසින් නව පරපුරේ ශීතකරණයක් වන Self-Cleaning Fridge නිර්මාණය කර තිබේ. නුදුරු ආනාගතයේදී ශ්‍රීලංකාවේ බොහෝ නිවෙස් වල තුලද මෙම ශීතකරණ දැකගත හැකි වන අතර මෙහි ඇති අනෙකුත් විශේෂත්වය වන්නේ එයට ඉතිරි ආහාර ප%මාණයද, අවසන් වූ ආහාර වර්ග සහකල් ඉකුත් වූ ආහාර වර්ගද හඳුනා ගැනීමේ හැකියාවයි.

පිරිසිඳු කිරීමේ රොබෝ යන්ත්‍ර : කොසු මඟින් නිවෙස් අතුගෑමයි ශ්‍රීලාංකීය ගෘහනියන්ගේ නිශ්චිත දෛනීක අංගයකි. එය ඉතා වෙහෙස කර වූ ආතතිය දනවන ක්‍රියාවකී. නමුත් අනාගතයේ බොහෝ නිවෙස් වල මේ සඳහා අධි-තාක්ෂණයෙන් යුක්ත ස්වයංක්‍රියව ක්‍රියාකරන Robot vacuum Cleaner යන්ත්‍ර දැකගත හැකි වේ. මීට උදාහරණයක් ලෙස දැනට වෙළඳපලෙහි පවතින Roomba 880 හැඳින්විය හැකි අතර මෙයට ස්වයංක්‍රියව මුළු නිවෙස පුරා පිරිසිදු කර නැවත ආරම්භක ස්ථානයට පැමිණීමේ හැකියාව පවතී.

ලිපි සැකසුම : ගයාන් දිසානායක