🛍️   Business Directory
📣   Classifields
🛍️   Business Directory
📣   Classifields

රූමත් බව රැක ගැනීමට යෝග ව්‍යායාම

රූමත් බව රැක ගැනීමට යෝග ව්‍යායාම

කාන්තාවකට තමන්ගේ රූප ශෝභාව යනු වැදගත් අංගයකි. රූමත් බව රැක ගැනීමට නම් කළයුතු දෑ බොහෝ ය. තත්ත්පරයෙන් තත්ත්පරය දිනෙන් දින ගෙවීයන වයස නිසා රූපය මෙන්ම සෞඛ්‍ය සම්පන්න බවෙන් පිරිහී යන ඔබේ ශරීරයෙහි තරුණ බව රැක ගැනීමට යෝග ව්‍යායාම හා භාවනා ක්‍රම බොහෝ වැදගත්වෙයි. ඔබේ ආකර්ෂණීයභාවය ඔඛෙන් ගිලිහී යාමෙන් අන්‍යයන් ඔබ කෙරෙහි දක්වන උනන්දුව හා ඇසුර පවා ඈත්ව යාමට ඉඩ ඇත. නිරෝගී බව උතුම්ම ලාභය බව ගෞතම බුදුන් වහන්සේ පවා දේශනා කොට ඇත. ශරීරය වියපත් වීම රෝගයක් බව යෝග ශාස්ත්‍රයේ සඳහන් වෙයි. ඒ රෝගී තත්ත්වයට බලපාන හේතුව වන්නේ කය හා මනස පිරිහීමයි. මනස පිරිහීම කායිකව බලපායි. කය වැහැරෙයි. සම රැලි වැටෙයි. නින්ද නොයයි. පෙනීම දුර්වල වෙයි. අතපය සන්ධි දුුර්වල වෙයි. ජීවිතය නීරස වෙයි. අෂ්ඨ ලෝක ධර්මයන්ට අනුව ජීවිතය යනු මෙයයි. එහෙත් අප හැම විටක ම උනන්දු වන්නේ තරුණ බවින් පිරිපුන් මනසක් ඇතිව ජීවත් වීමටයි. එය අපට කළ නොහැකිද? මිය යනතෙක්ම නොවුවත් තරුණ බව මෙන්ම රූමත් බව රැක ගැනීමට අපට කළ හැකිය. තාරුණ්‍ය යනු වයස නොවෙයි. වයසට ගිය බොහෝ අය තරුණ බවින් යුතුව ජීවත් වෙයි. ඔවුන්ගේ වයස පවා හරිහැටි කීමට පවා නොහැකිය. ඒ සඳහා ඔබ උනන්දු විය කරුණු කිහිපයක් ඇත.

  • ස්වභාවික දෑ නිතරම ඔබේ ශරීරයට යෙදීම කළ යුතුය. (හිසකෙස්, සහ සම සඳහා)
  • හොඳින් ආශ්වාස ප්‍රාශ්වාස කිරීම (වැඩිපුර ඔක්සිිජන් ලබා ගැනීම)
  • ජලය හොඳින් පානය කිරීම.
  • ඔබ ලබාගන්නා ආහාර ස්වභාවික මෙන්ම, පිරිසිදු විය යුතුය. (කෘත්‍රිම මෙන් නරක් නොවුණුු වස විෂෙන් තොර)
  • ව්‍යායාම කය වෙහෙසා වැඩ නොකරන ඔබට ලෝකයේ ශ්‍රේෂ්ඨතම ව්‍යායාම් ක්‍රමය වන යෝග.

රිශි පතංජලී නම් මුණිවරයා සොයා දැනගත් මෙම යෝග දර්ශනය ශරීරයෙහි අභ්‍යන්තර ඉන්ද්‍රියන් පවා ප්‍රකෘතිමත් කර සියලු ලෙඩ රෝගවලින් මිදී යහපත් නීරෝගිමත් ජීවිතයක් ගත කිරීමට ඔබට වඩා ඉවහල් වෙයි. ඔබත් මෙය අත්හදා බලන්න. මෙයින් ලබාගත හැකි මහගු ඵල අදම අත්විඳින්න. විඳවීමෙන් තොරව විඳීමෙන් ජීවත්වීමට සිතේ සතුට රඳවා ගැනීමට උත්සාහ කරන්න. සතුට ජීවිතය වෙනස් කරයි. එය අධික සතුටද නොවිය යුතුයි. ඔබ අපේක්ෂා භංගත්වයට පත් නොවී ඔබේ සතුට ඔබේ ජීවිතයේම කොටසක් කරගන්න.


යෝග ව්‍යායාම අභ්‍යාස කිරීමට පෙර ඔබ කළ යුත්තේ කුමක්ද?

යෝග අභ්‍යාස කිරීමට පෙර ශරීරය උණුසුම් කිරීම කළ යුතුවෙයි. එසේ කිරීමෙන් ඔබට පහසුවෙන් යෝගාසන සඳහා යෙදීමේ හැකියාව වැඩිදියුණු වෙයි. මස් පිඩුවල ඇති තද බව ලිහිල්වීමට සූර්ය නමස්කාර නැමති අභ්‍යාසය ඉතා ම වැදගත් වෙයි.


සූර්ය නමස්කාර

සූර්ය නමස්කාර ඉරියව් දොළසකින් සමන්විත ය. සූර්යා දෙවියකු ලෙස සලකමින් එසේ සූර්යයා දෙස බලමින් මෙම නමස්කාරය. හින්දුන් විසින් අනුගමනය කළහ. එබැවින් සූර්යයා නමස්කාර ලෙස නම්විය. ඇත්තෙන්ම එහි සත්‍යයක්ද ඇත. සූර්යයා, නොහොත් හිරු නොමැති නම් මේ විශ්වයේ ජීවයක්ද නැත. උදරයේ ඇති වැඩිපුර මේදය අඩුකොට කොඳු ඇට ඇතුළු සියලු අවයව නම්‍යශීලි බව වැඩිදියුණු කොට ලැඛෙන විශේෂ ප්‍රතිඵල ඇත.

  • පෙනහළුවල නිරෝගි බව
  • ස්නායු වර්ධනය
  • අක්මාවේ ක්‍රියාකාරීත්වය
  • රුධිර සංසරණ පද්ධතියේ විධිමත් බව
  • කොඳු ඇට පෙලෙහි ශක්තිය
  • ශ්වසන පහසුව

දක්ෂාසන

මෙය සූර්ය නමස්කාරයේ පළමුව කළයුතු ඉරියව්වකි. හිරු දෙස බලා යෙදෙන සූර්ය භාවනාවකි.

යෙදෙන පිළිවෙළ

  • හිස කෙලින් තබාගෙන ඛෙල්ල සහ මුළු ශරීරය ම සෘජුව තබාගෙන දණහිස් දෙක ලංකරගෙන උරහිස් නොහකුලවා තබාගෙන දෑත්වල ඇගිලි ශරීරය දෙසට හරවා තබාගෙන පපුව ඉදිරියට පිම්ඛෙන ආකාරයට සිටින්න.
  • ඔබේ ඇස් දෙකෙන් නාසයෙහි කෙලින් ඉදිරිය දෙස බලන්න. ඇග ලිහිල් කරන්න. නැවත තද කරන්න කිහිප වතාවක් මෙය කරන්න.

ප්‍රථිඵල

සමෙහි රෝගාබාධ ඉවත්වෙයි. එල්ලා හැලෙන ඉගටිය ශක්තිමත් වෙයි. සම රැළිවැටීම වලකයි. කොඳු ඇට පෙළ ශක්තිමත් කරයි. සෘජුව තබයි. කුදු බව වලකයි. දෙපා ශක්තිමත් කර වයස නොපෙන්වයි.

ප්‍රවීණ යෝග උපදේශක සුමිත් රොෂාන් නවරත්න

සාකච්ඡා කළේ සමන් චන්ද්‍රරත්න