This site has features that require javascript. Follow these simple instructions to enable JavaScript in your web browser.
Sithmal Yaya
කලබල වීමේ විපාකය
පායන කාලයේ පිපාසිත වූ නාගයෙක් යාබද ගමේ ගොවි ගෙදරක් අසලට ගොහින් වතුර ටිකක් සෙව්වා. ගෙදර මිදුලේ වතුර බඳුනක් ළඟ පුංචි දරුවෙක් සෙල්ලම් කරමින් සිටිනවා දුටු නාගයා එතනට ලං වුනා. ළමයා අතේ තිබුණු කෝටුවකින් නාගයාට ගැහුවා. නාගයා පෙනය පුප්පා ළමයාට දෂ්ඨ කරන්න හදනවිටම ගෙදර ඇති කරන මුගටියා එතැනට දුව ඇවිත් නාගයා කැබලි කර දමා ළමයා බේරා ගත්තා. ළමයාගේ දෙමව්පියන් එතකොටම වාගේ ගෙදර ආවා. මුගටියා ඔවුන් එන පෙරමඟට ගියේ තමන් කරපු හපන් කම ගැන පෙන්වන්නයි. මුගටියාගේ කටේ තැවරී තිබූ ලේ දුටු ළමයාගේ පියා මුගටියා ළමයාට අනතුරක් කරන්නට ඇති සිතා අතේ තිබුන පොරොවෙන් ගසා ඌ මරා දමනු ලැබුවා. ළමයා සිටි තැනට දුව ගියාමයි දෙමව්පියන්ට සිදුව ඇති දේ තේරුම් ගියේ. \"මුගටියා නාගයා මරා දමලා... මුගටියාගේ කටේ ගෑවිලා තිබුනේ නාගයාගේ ලේ. අපොයි මගේ කලබලය නිසා මෙතරම් හිතවත් සතා මගේ අතින් මැරුම් කෑවා.\" මිනිහා වැළපෙන්න පටන් ගත්තා. ඊසොප්