🛍️   Business Directory
📣   Classifields
🛍️   Business Directory
📣   Classifields

මීහරක්

"මේ බලන්ඩකො අනේ! මේ පත්තරේ තියෙන්නෙ එක වෙඩින් එකකදි මනමාලයගෙ යාළුවා විදියට ගෙදර හුරතලේට හැදුව මීහරකෙක් හිටිය කතාවක්." සති අන්තයේ සාලයේ වාඩි වී පුවත්පතක් බලමින් සිටි අනෝමා මහහඩින් කීවේ, තම කාර්යාලයීය මේසය ඉදිරිපිට වාඩිවී කිසිවක් ලියමින් සිටි නිහාල් දෙස බලමිනි. තම කාර්යයට බාධා කරමින් නැගුණු ඒ හඩින් තිගැස්සුණු නිහාල් මෙසේ ඇසුවේ නොරිස්සුම් ස්වරයකිනි.

ඉතින්..?

"ඉතින් කියන්නෙ? ඇයි අනේ වෙඩින් එකකදි මනමාලයගෙ ඛෙස්මන්ට මීහරකෙක් ඉන්න එක හරියි කියල ද ඔයා කියන්නෙ?" අනෝමා ඇසුවේ ඔලොක්කු සිනාවක් මුවගට නංවා ගනිමිනි.

"වෙඩින් එකකදී මනමාලයගෙ යාළුවා විදියට මීහරකෙක් යොදා ගත්තම මොකද? කසාද බඳින එවුන් ඔක්කොම මීහරක් වෙච්චි කොට.." නිහාල් කීවේ නැගී එන කෝපය පිටකරමිනි.