ඔබේ තොල්පෙති වැදීමගෙ නළලේ කොනක...කේශනාළිකාවක්

පිපිරුණා... හුරුබුහුටිකම් සහ හිතුවක්කාරකම් පිරුණ විසේකාර ආදර කතාවල පැඟිරි ගතියෙන් ඔද්දල් වුණ දඟකාර තාරුණ්‍යයේ පහන් සංවේග උදෙසා පැඟිරි විසේ ඇවිස්සෙන විසේකාර පිස්සුව මෙසේ දිගහැරෙන වගයි. අද මම ඹ්ර්ණීඍඡ් ඉධ්ඛ්ම්වලින් කියන්න යන්නෙ මගේ කේශනාළිකාවලට විසේකාර විදියට ඇතුළු වුණ හිතුවක්කාර වචන තියෙන, සුන්දර තනුවක් තියෙන සින්දුවක් ගැන. මේ සින්දුව ලියලා තියෙන්නේ අශෝක හඳගම. හඳයා ඒ වචනවලින් ඇත්තටම කියන්න හදපු කතාව මම දන්නෙ නෑ. ඒත් හඳයාගේ හැඩය මොකක් වුණත් මේ වචන ටික මගේ හැඩේට හදාගෙන මම අසීමිතව රස වින්දා. සින්තටික් සිහිනය කියන ටෙලිනාට්‍යයේ තියන මේ සින්දුවේ වචනවල හරිම විසේකාර ගතියක් වගේම හරිම අහිංසක සුන්දර බවකුත් තියෙනවා. හැබැයි ඉතින් මේ සින්දුවේ වචන විතරක් අහලා වැඩක් නෑ. මේ සින්දුවේ වචනවලට හරියටම හරියන අහිංසක බව මුසු වුණ විසේකාර තනුවකුත් තියෙනවා. මේ සින්දුව ගායනා කරන්නේ විසේකාර ගති අඩු නැතිව තියන අතුල අධිකාරි, ඒ ගායනයෙන්ම මේ වචන ඇහෙනකොට තමයි ආදරේ තියෙන හිතුවක්කාරකම් වගේම සුන්දරත්වය අපේ කේශනාළිකා හරහා හදවතට ඇතුළුවෙන්නෙ. මේ සින්දුව රධභබභඡඥ එකේ දැනුත් තියෙනවා. අනිවාර්යයෙන්ම උඹලත් මේ සින්දුව රධභබභඡඥ එකේ ඵඥචපජඩ කරලා අහන්න - බලන්න - විඳින්න. "ඉර හඳට වඩා" කියලා රධභබභඡඥ එකේ ටයිප් කරහම මේ සින්දුව එනවා. එහෙමත් නැත්නම් "දැන් ඉතින් වෙන කුමක් කරන්නද" කියලා රධභබභඡඥ එකේ ටයිප් කළහමත් මේ සින්දුව එනවා. ඉතා සංයමයෙන් සෙමින් සෙමින් පටන්ගන්න මේ ගීතයේ තනුව එකපාරටම හිතුවක්කාර වෙනවා.... හුරුබුහුටි ප්‍රේම කතාවක තියෙන විසේකාර දාංගලේ ගැන හරිම හැඩකාර විදියට මේ සින්දුවෙන් කියැවෙනවා. ඒ නිසා රධභබභඡඥ එකෙන් මේ සින්දුව අහලම බලන්න. ඉර හඳට වඩා අපි අෑත බව දන්නවා ඒ වුණත් අහම්බෙන් එකම එක මොහොතකට ඔබට මා හමු වෙලා දැන් ඉතිං වෙන කුමක් කරන්නද// ආාාා ආාාාාදරය කරනු මිස// ලාාා ලාාා ලාාාල ලාාා... මහ පතරංගෙටත් වඩා දිග කතාවක කොම්බුවක් තරම් නැතී අපේ ලව් සින්දුවේ... අන්තරා පේළියක සමන්තී මා ඔබව ඉම්ඹා.. පැය කටුව කුමකටද ඔරලෝසු මුහුණකට කල්පයක් කියන්නේ තත්පරෙන් බිඳක් නම් සාරසංක කල්ප ලක්‍ෂයක් මා ඔබට තුරුලු වී නිදිබරව වුන්නා සමන්තී සමන්තී ඔබේ තොල්පෙති වැදී මගෙ නළලේ කොනක කේශනාළිකාවක් පිපිරුණා දැන් ඉතිං වෙන කුමක් කරන්නද ආාාාා ආාාාාදරය කරනු මිස මේ සින්දුව ඇහෙන කොට මගේ මනසට මගේ අත්දැකීම් එක්ක බැඳුණු චිත්ත රූප සාරසංක කල්ප ලක්‍ෂයක් මැවෙනවා. මේ සින්දුවේ ඉන්න කොල්ලයි කෙල්ලයි අතර ඉරයි හඳයි අතර තියෙන පරතරයටත් වඩා වැඩි පරතරයක් තියෙනවා. සමාජ තත්ත්වය, සල්ලි වගේ දේවල් නිසා මේ පරතරය ඇතිවෙන්න පුළුවන්. මේ පරතරය ගැන මේ දෙන්නම දන්නවා. ඒත්.... ඒත්.... අපේ ජීවිතවල අහම්බෙන් ගොඩක් දේවල් සිද්ධ වෙනවා. සමහරුන්ට තමන්ගේ ජීවන සහකාරයව මුණගැහෙන්නේ පට්ට අහඹු සිද්ධියක් විදියට. හිතාගන්නවත් බැරි විදියට අහඹු දේවල් වෙලා හිතාගන්නවත් බැරි විදියට දෙන්නා ආදරේ කරන්න පටන් ගන්නවා. මේ සින්දුවේ තියෙන විදියට අසීමිත දුරස්ථ බවක් තියෙන මේ දෙන්නා එකපාරටම අහඹු විදියට මුණගැහෙනවා. දෛවයේ අකීකරු සොඳුරුකම් කියන්නේ මේකටද? එකම අහසක හිටියත් කවදාවත් මුණගැහෙන්නේ නැති ඉරයි හඳයි වගේ හිටපු මේ දෙන්නා පුදුම විදියට මුණගැහෙනවා. මේ මුණගැහුණු අවස්ථාව නිකම්ම අපතේ හරින්න ඕනෙ නෑ. කොහොම කොහොම හරි දැන් දෙන්නා මුණගැහිලා ඉවරයි. දැන් ඉතින් වෙන මොනවා කරන්නද? කරන්න තියෙන්නේ එකම එක දෙයයි. ඒ තමයි ආදරේ කරන එක. "දැන් ඉතින් වෙන කුමක් කරන්නද.. ආාා ආාාාාදරය කරනු මිස" දිගම දිග ලොකුම ලොකු මහා පතරංග ජාතකේටත් වඩා මහා විශාල කතාවක තියෙන, එකම එක පුංචිම පුංචි කොම්බුවක් තරම්වත් නැති ලව් සින්දුවක් තමයි කොල්ලා ගායනා කරන්නෙ. එතකොට අපිට හිතාගන්න පුළුවන් මේ ලව් සින්දුව කොච්චර පොඩිද කියලා. මේ පුංචිම පුංචි සින්දුවෙත් අන්තරා පේළියේ තියෙන එක වචනයක් තමයි "සමන්තී." අනේ ඉතින් මේ කොල්ලා සමන්තීව තුරුලු කරගෙන නිදිබරව ඉඳලා තියනවා. එහෙම හිටපු මොහොතක් මයිකේ‍රා් තත්පරයකටත් වඩා පොඩි මොහොතක්. ඒත් සාරසංක කල්ප ලක්‍ෂයක් පුරා සිද්ධවෙන්න ඕනෙ දේවල් මහා ගොඩක් ඒ මයිකේ‍රා් තත්පරය ඇතුළේ සිද්ධ වෙලා තියෙනවා. ආදරේ තියෙන විසේකාර හැඟීම් එක්ක හුරතල් වෙලා තො‍ෙ¼දාල්වෙන්න කොච්චර වෙලාව තිබුණත් අපිට ඒක දැනෙන්නේ තත්පර කිහිපයක් තරම් පුංචි වෙලාවක් විදියට. එයාව තුරුල් කරගෙන පැයක් හිටියත් අපිට මදි. ඒ පැය ටක්ගාලා යනවා. ඒ වෙලාවට පැය කටුව යන්නෙත් තත්පර කටුව වගේ. ඒ නිසා ඔරලෝසු මුහුණකට පැය කටුවක් තිබිලා වැඩක් නෑ. අනේ ඉතින් ඒ නිසා "පැය කටුව කුමකටද ඔරලෝසු මුහුණකට!!" මේ සින්දුවේ තියෙන මම කැමැතිම කෑල්ල තමයි "ඔබේ තොල්පෙති වැදී මගෙ නළලේ කොනක.. කේශනාළිකාවක් පිපුරුණා" කියන කෑල්ල. කෙල්ලගේ තොල්පෙති වැදිලා තියෙන්නේ කොල්ලගෙ නළලේ මැද්දෙ නෙවෙයි. ඒ තොල්පෙති වැදිලා තියෙන්නේ නළලේ එහා කෙළවරේ තියෙන කොනක. ඒ වැදුන පාරට කොල්ලගේ කේශනාළිකාවක් පිරිලා ගියාලු.. අනේ ඉතින් මේ හිතුවක්කාර විසේකාර දඟකාර කොල්ලගේ ඇඟේ තියෙන අනෙත් තැන්වලත් මේ කෙල්ලගේ තොල්පෙති වැදුණොත් මොනතරම් හිතුවක්කාර ආදරයක් මේ කොල්ලගේ හිතේ ඇතිවෙයිද? හ්ම්... හ්ම්... ඔන්න ඉතින් මුලදී මුලදී කෙල්ලගේ තොල්පෙති වැදිලා කොල්ලගේ කේශනාළිකාවක් පිපිරුණානෙ. ඒ පිපිරුණ කේශනාළිකාවෙන් කෙල්ලගේ තොල්පෙතිවල තියන හිතුවක්කාර ආදර උණුසුම කොල්ලගේ රුධිරයට හරිම විසේකාර විදියට එකතු වුණා. එක කේශනාළිකාවකින් කොල්ලගේ ඇඟට ඇතුළු වුණ ඒ විසේකාර තොල්පෙතිවල හිතුවක්කාර ආදර උණුසුම නළලේ තිබුණ කේශනාළිකාව දිගේ කෙළින්ම ගියේ කොල්ලගේ හදවතට. මේ ආදරණීය කොල්ලගේ හදවතත් හරිම විසේකාරයි. ඒ විසේකාර හදවත හරිම හිතුවක්කාර විදියට අර කෙල්ලගේ උණුසුම තියෙන රුධිර බින්දුව කොල්ලගේ ශරීරයේ තියෙන ලේ ලීටර් 5ටම මිශ්‍ර කළා. දැන් ඒ රුධිරය තමයි හදවත හරහා මුළු ඇඟපුරාම පොම්ප වෙන්නෙ. දැන් ඉතින් ආරයේ උණුසුම කොල්ලගේ නහරවල් ඇටමිදුළු ඇතුළු ඇඟේ හැම පේශියකටම, අවයවයකටම ඇතුළුවෙලා ඉවරයි. ඒ නිසා කොල්ලා විසේකාර හුරතල් ආදරේකින් කොල්ලව මුසපත් වෙලා. දැන් ඉතින් වෙන කරන්න දෙයක් නෑ. ඒ කෙල්ලට ආදරේ කරනවා හැරෙන්න වෙන විකල්පයක් දැන් නෑ. දැන් ඉතින් වෙන කුමක් කරන්නද... ආාාා ආාාාාදරය කරනු මිස... ලක්මිණ රණසිංහ උපුටා ගැනීම මව්බිම